تجربتي الناجحه والحمد لله في الحقن المجهري مع مستشفي ءادم الدولي

نسمات رقيقه · 10-09-2015, 09:46 AM

اولا هما فتحو فرع للعيادات في محافظه الاسماعيليه وانا لقرب المسافه ليا عن القاهره روحت تابعت في الاسماعيليه مع دكتور عمر المغاربي اول زياره ليا كانت قبل البريود بيومين عملت سونار داخلي واطمن علي الرحم والمبايض واداني فيتامينات زي جلكوفاج وفوليك اسيد وقالي تيجي تاني يوم البريود روحت تاني يوم حللت بس كام تحليل ورجعت تاني بعد يومين لاننا كنا مستعجلين وعايزين نعملها الشهر ده فضلنا اننا نبدا بالتنشيط بدانا تنشيط بحقن فستيمون 3 بودره في اليوم وحقن تحت الجلد لتعطيل تحكم الجسم بالبويضات وكنت كل 3 ايام بااروح اتابع تبويض والحمد لله كان في تزايد ولما وصلنا للحجم اللي الدكتور عايزه قالنا خدي الابره التفجيريه الساعه 10 الا تلت وخدتها وبعد 36 ساعه بتتعمل العمليه روحت يوم العمليه صايمه طبعا علشان البنج وبعد كده طلعت الغرفه لبست لبس التعقيم وانتظرت دقايق وروحت ع غرفه العمليات دخلت كنت بااقرا قرءان دكتور البنج سالني كام سؤال وبعد كده خدت البنج وفوقت بعد مده بسيطه علي الم بسيط في بطني لانهم بيدو فولتارين مسكن قبل ماتفوقي بعد كده انتظرت في الغرفه لما فوقت جابولي عصير ووجبه طبعا ومش مشينا من هناك غير لما اتطمنا علي عدد البويضات وعلي الحضانه للحيونات المنويه المهم روحنا تعبت بعدها شويه بطني كان بيوجع شويه بس بسيط
وكانت ايام عيد المهم رجعنا الاجنه اليوم الخامس من السحب كنت مخرجه 8 بويضات واتلقح بس 5 وزرعت 3 وجمدت اتنين والحمد لله ال 3 من الدرجه الاولي
المهم بااروح العمليه دس من غير صيام لانه مفيش بنج ده بالعكس بااروح اشرب هناك ميه كتيييير علشان المثانه تبقي مليانه دخلت غرفه العمليات بعد فتره قصيره وكانت بسيطه بس اصعب حاجه كنت عايزه ادخل الحمام والضغط كان قووي بس الحمد لله بسيطه خرجت نايمه علي السرير نمت علي ضهري هناك ساعتين زبعدين اخدت غرفه ونمت فيها يوم علشان الحرص ومشيت علي الصبح لانه كان سفر والحمد لله وصلت بسلامه فضلت منتظره بقا 10 ايام والدكتور كان قايل حللي اليوم ال 15 بس انا استعجلت وحللت بول اليوم العاشر وطلع خط خفيف اتاكدت في نفس اليوم اتاكدت بالدم الرقمي والحمد لله النسبه عاليه ادعولي بثبات الحمل وياااارب يكونو توام واي سؤال انا جاهزه

jojo 123456 · 10-09-2015, 10:46 AM

الله يتمملك على خير يااارب

بحــ العيون ــــــــر · 10-09-2015, 04:53 PM

الف مبروك والله يتمم لكي على خير يارب

يآ أرحم الرآحمين · 10-09-2015, 09:21 PM

الف مبروك و يارب يكونو توأم
سؤالي شو المشكل اللي كنتي تعاني منو بسببو التجأتي لاطفال الانابيب

υм вtℓαα · 10-09-2015, 10:59 PM

الف مبرؤؤؤؤؤؤؤك
الله يرزقك بالتؤام السليمين المعافي يارب

نسمات رقيقه · 10-10-2015, 10:36 AM

اقتباس:

المشاركة الأصلية كتبت بواسطة يآ أرحم الرآحمين

الف مبروك و يارب يكونو توأم
سؤالي شو المشكل اللي كنتي تعاني منو بسببو التجأتي لاطفال الانابيب

الله يبارك فيكي حبيبتي
مفيش مشكله عندي الحمد لله هو بس كان زياده التشوهات في الحيوانات المنويه بقالي 5 سنين فقولت اعمل حقن مجهري والحمد لله تمت بنجاح

نسمات رقيقه · 10-10-2015, 10:38 AM

اللهم ءاميييييييين يارب
جزاكم الله خيرا حبيباتي
سؤال حد هنا يعرف احسب الحمل ازاي بالاسابيع عن طريق الحقن المجهري

لينة سالي · 10-14-2015, 01:14 AM

الف مبروك اختي انشاء الله ربي يتمملك على خير حبيبتي حساب الحمل اظن بيكون من يوم التلقيح اي يوم السحب بس عندي سؤال هل صار عندك نفخ وغازات بعد التنشيط ولا لا

ملاك المحبة · 10-19-2015, 11:44 AM

مبارك الحمل الله يقدمك ع خير
ويعطينا يا ربي
بس سؤال اكم مرة زرعتي؟

اميرة المغربية · 10-22-2015, 01:02 AM

الف مبروك يا حبيبي وربي يتمم حملك على خير
ويارب يكونو توأم
وادعيلنا يارب يفرحنا كمان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي الناجحه و نصيحتي لكم اخواتي مع الحقن المجهري	فاطمة66	منتدى أطفال الأنابيب	9	09-16-2021 12:53 AM
تجربتي عملية المنظار و الحقن المجهري	سهراليلي	منتدى علاج العقم و تأخر الحمل	3	08-06-2015 12:10 AM
\|[ تجربتي بالحقن المجهري في مستشفى آدم الدولي ]\|	ward22	منتدى أطفال الأنابيب	31	05-22-2015 07:11 AM
بداية تجربتي في الحقن المجهري	سحابة عابرة	منتدى أطفال الأنابيب	43	10-25-2013 01:07 PM