ساعدوني ماء الجنين بنص التاسع

أم عمر_88 · 01-12-2013, 03:30 AM

انا بنص التاسع
وينزل علي ماء كل شوي صارله يومين
ملابسي تتبلل
ومترددة وكلمت الدكتور قبل فترة قال لو نزلت الين ركبك او دم يعني ولادة

غير كذا لا تكلميني !
مادري هالدكتور والله يخليني اتردد مليون مرة قبل لا اكلمه
لانه استاذ كبير ودايم مشغول

الان احس كل شوية ان في بلل
ولا في الم ولا هم يحزنون اللهم ثقل من تحت يروح ويرجع
ومادري هل هي ماي الجنين ولا افرازات
بس وش هالافرازات اللي تبللني لهالدرجة ؟!

ولو فعلا ماء الجنين ليش ماينزل بالكثرة اللي يوصفها الناس والبنات اللي نزلن عليهن ماء
ارجوكم ساعدوني تخيلوا تعب تسع اشهر يروح بسبة اهمال او تساهل !!!!!
انا بكرية وماعندي خبرة واسال امي تقول ما كنا نسمع عن ماي ولا دم
اللهم يجي الطلق ونولد ذاتيا ً !!!!

أم عمر_88 · 01-12-2013, 03:32 AM

لا تنسوا تدعوا لي الله يحفظكم
انا متوترة وعندي اختبارات نهاية التاسع
كل شي بوقت واحد
احس كل شي ضدي

!راما! · 01-12-2013, 03:37 AM

روحي مشفي حكومي اذا فيك شي راح يعلمونك
اتركي الأهلي نصابين ؟
فهمتيني !! روحي مشفي حكومي واشرحي لدكتوره وهي تعلمك وش تسوين
لأن ماء الجنين ينزل وبدون ولادة هاذا مو طبيعي خطير ؟

أم عمر_88 · 01-12-2013, 03:44 AM

هل ماء الجنين لازم ينزل مرة وحده ولا ممكن ينزل تدريجي
انا صرت شاكة في نفسي

أم عمر_88 · 01-12-2013, 03:45 AM

اقتباس:

المشاركة الأصلية كتبت بواسطة !راما!

روحي مشفي حكومي اذا فيك شي راح يعلمونك
اتركي الأهلي نصابين ؟
فهمتيني !! روحي مشفي حكومي واشرحي لدكتوره وهي تعلمك وش تسوين
لأن ماء الجنين ينزل وبدون ولادة هاذا مو طبيعي خطير ؟

طيب هل ماء الجنين لازم ينزل مرة وحده ولا ممكن ينزل تدريجي
انا صرت شاكة في نفسي

أم جنى فديتها · 01-12-2013, 03:51 AM

حبيبتي مو شرط ينزل مره وحده
ممكن انه ينزل على فترات مثل حالتك انتي الحين
ولاتهملين الماي اذا نقص خطر
لازم تروحين المستشفى وتتاكدين من حالتك واذا قالولك تنويم تنومي احسن من ينقص الماي
ووافقي على الطلق الصناعي اذا قالولك طلق صناعي حق تضمني سلامت جنينك..

!راما! · 01-12-2013, 04:00 AM

كل وحده تختلف عن الثانيه
في حريم ينزل تدريجي وفي حريم ينزل مره وحده وفي حريم ما ينزل ماء ابد علا طول ولاده
انتي بس روحي اكشفي وهم راح يطمنوك بئذن الله

ام ميدووو · 01-12-2013, 04:39 AM

روحي حكوووووووووومي وشوفي ايش بيقولو لا تسكتي على نفسك
الله يطمنك ويسهل عليكي

منى العين · 01-12-2013, 04:50 AM

خطييير مررره تسكتين يا بنت الناس حتى لو بنص التاسع مو شرط تخلصيه اهم شي في التاسع حتى لو في
الشهر الثامن نزول الماي خطيير اختي قبل يومين ولدت نزلت المويه كم الساعه 9 وراحت 2 الظهر
عصبت الدكتوره عليها وقالت ثلاث ارباع الماي راحت والحمدلله الله سلم الجنين

بنت ابويه · 01-12-2013, 03:06 PM

روحي المستشفى لاتهملي نفسك الله يسهل عليك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجنين في الشهر التاسع ، وضع الجنين في الشهر التاسع ، حالة الجنين في الشهر التاسع	نفسي احبك	منتدى حوامل الطبي	1	03-10-2013 09:42 AM
الجنين في الشهر التاسع ، حمل الشهر التاسع ، الشهر التاسع للحمل	نفسي احبك	منتدى حوامل الطبي	5	10-19-2012 07:22 AM
الجنين في الشهر التاسع ، حوامل الشهر التاسع ، نوم الجنين في اخر شهر	نفسي احبك	منتدى حوامل الطبي	0	08-25-2012 04:10 AM
وزن الجنين أول التاسع	emiemi	إستفسارات حوامل من الشهر السابع إلى الشهر التاسع	9	08-03-2012 08:23 AM
ساعدوني في التاسع وراس الجنين لتحت بس لسى ما دخل الحوض	رويده	إستفسارات مرحلة الولادة	10	11-24-2011 05:41 PM