نصائح من جدتكم انا.. للي ع وش ولادة!

[حيآتوو]

مرحباا ياجميلات
طبعاً انا والده حديثاً وكانت ثاني ولادة لي الحمدلله ماشاء الله
يعني خبرة خخخ

سمعوا من جدتكم زين..

1/ نااامي كوييس
ودووم خليك مستعده! او بمعنى اخر لاتتعبين عمرك بشي!

بولادتي الاولى .. طلقت 12 ساعه وزيادة وبدون ابرة ظهر
بس ولادتي الحمدلله نشيطة ولما ولدت كنت متحمسه للبيبي وافهم شيقولون وقت الولادة واستجابتي تمام
لاني كنت نايمه صح

هذي الولادة .. طلق اقل وبابرة ظهر ومتت وتعبت وبعد الولادة حسيت اني بحلم من الدوخه
اقول لزوجي احسك خياال ههههه
لاني كنت متعبه نفسي بالمشي قبلها


2/ لا تقعدين جوعاانه اببد!!

دوم سوي لك سناك واكلي كويس
ولاتنامين وبطنك فااضي
الولادة تجي فجأه والجوع مايخليك تركزين بالولادة

3/ عن تجربه> لاتقتلين نفسك بالمشي !

امشي نعم بس مو للاجهاد مثل سعادتي
عضلاتي تعبت وماعرفت انام والمفاجأه السعيدة ..( البيبي مانزل بالحوض!!)

شوفي في ناس وهي نايمه ينزل الافندي بالحوض،، سبحان الله
وناس تنذبح مشي ماينزل الا بالطلق،،:(
الحمدلله

4/ تدريبات التنفس لكل وقت بالطلق!

وتعلمي كيف تتنفسين عميييق من انفك وتحبسيه شوي وتزفريه زفره طويييله
جدااً مفيده انها تزود العضلات بالاكسجين وتخفف الالم والتعب

5/الاهم تعلمي كيف تدفعي ..!
بس لاتجربين
اقرأي ومثلي بس لاتضايقين البيبي
هي فيها تكنيك مو صعب بس تحتاجين لفته له
وكلكم تعرفون تولدون بس التكنيك مايجي ع بالك ذيك الساعه!


6/ الحديييييييد الحديييد الحديييد
-كررها ثلاثاً-

وانتِ تنتظري الولادة...
خذي حديد 3 مرات باليوم
وشربي حمضيات كثييير وتمرر
لبن وكالسيوم > لا // شااي وقهوة > اقطعيهم

مهم دمك وقت الولادة
عشان ماتحتاجين نقل دم لاسمح الله

:
:
وبالسلامة حبيباااتي
سهالات من ارحم الراحمين ان شاء الله