الموضوع ليس عن الحمل وانما تصبير

[ضوء امل]

ابسم الله الرحمن الرحيم
انا مو مرا شاطره بكتابه المواضيع فعشان رح اقول شي بقلبي من دون كلام مرتب
انا انسانه عندي اخوات2 الحمد الله وماشا الله كلنا متزوجين اخواتي طبعا اكبر من حملو وخلفو والحمد الله لكن انا مو زيهم السبب مو تاخر الحمل او شي السبب شي اهم واكثر جرحا من الحمل هو امي
امي حبيبتي اتوفت قبل 3 سنين وانا اتزوجت قبل سنتين
وطبعا لغايه الان ماحملت
احيانا لمن ابكي مأبكي عشان ماعندي طفال او انو ماحملت ابكي لاني لو حملت امي مارح تكون موجوده جنبي
مع العلم انو ماما كانت جدا حنونه وحساسه وتموت فيا اكتر وحده لدرجه اخواتي كانو يغارو مني من كتر ماتحبني
انا صح كنت ابكي ومو قادره اتقبل فكره اني اتزوج وامي ماتكون بزواجي بس فكره الحمل او موضوع الحمل شي ثاني
وحده من اخواتي ما حملت الا بعد سنه ونص وقد ايش امي كانت مهمومه عليها ومرا خايفه وتروح المستشفي معاها باختصار حاجات انا اتمنا تصير معايا

انا ليش بكتب كلام زي كدا او ايش المغزي
انا كتبتلكم شي من قلبي الي قاعد يحترق لانو وحيد
طبعا مأقول انو اخواتي ولا زوجي مو هاممهم ولا مو سالين لاكن قلب الام غير وطبعا ماحد يختلف بدا الموصوع انا مأغار انو وحده اتزوجت ولا وحده حملت انا اتمني ام تخاف عليا زي ماكانت امي تخاف عبيا صدر ابكي عندو شخص يدعيلي ويشيل همي
امي كانت حياتي وهي روحي الي اتمنا ابوس تراب رجولها اتمني منها دعوه بس
وحتي لو حملت انا الوحيده ماحضرت
زواجي انا الوحيده ادا صار حمل ان شا الله ما حتشوف طفلي انا الوحيده الي ماشافت زواجي انا لمن اروح المستشفي محد جنبي انادبشت لحالي بعرسي انا بنت عمري20 سنه الان اتحملت مسوليه البيت بما انو كل اخواتي كانو متزوجين وانا عمري18 ادري حتقولو كبيره لكن انا كنت بنت جدا دلوعه امي بطريقه مبالغ فيها انا الان اعيش صدمات صح كلام سخيف بس لمن تشعري انو ظهرك راح رح تحسي انك منتي بامان زي الان
الام شي عظيم الله لا يحرم اي وحده من امها بحق هدا الشهر الفضيل

وابغا طلب هو السبب لكتابتي ده الموضوع
اي وحده فقدت امها وحملت او بمعني تقول كيف قدرت تكمل حياتها لاني انا او غيري ممكن بحاجه لكلام زي الثلج علي قلبي
سامحوني علي الاطاله اتمني اكون وصلت رسالتي لاني ماقد قلت لاحد عن الي بقلبي وعلي فكره انا ماعندي خالات يدعو انا عندي خالات يشمتو ولا عندي جده تاخدني بحضنها وفي النهايه اخواتي كل وحده ببناتها وزوجي مأقدر ابكيلو اقلو انا ليش ماحملت فدعوه ليا ولكل بنت زي وانتو صايمين يارب تتجازو عنها كل خير