كيس دم داخل الرحم بعد الإجهاض بشهرين

[ديسمبرية]

السلام عليكم
أجهضت من شهرين وجتني أول دورة غزيرة وخفت الحين
بس أحس بألم أسفل البطن رحت اليوم سويت سونار وطلع عندي كيس دم داخل الرحم حتى شكت إنه كيس حمل بس سوت لي تست الحمل وما طلع عندي حمل وكمان معي التهابات شديدة جداً بالمهبل والبول بس الحمدلله ما سببت لي قرحة بالرحم
ووصفت لي الدكتورة أبر وكبسولات لمدة أسبوع عشان ينزل الكيس
وأخذت لي مزرعة بكتيرية عشان تعرف أيش الميكروب اللي مسبب الالتهاب عندي
مين مرت عليها الحاله ومن عمرها أخذت أبر عشان ينزل كيس الدم بالرحم
مع العلم إني سويت سونار بعد إجهاضي وقالوا لي الرحم نظيف
بنات أنا كثير خايفه وحزينه طمنوني الله يطمن بالكم

[اوشي]

الله يطمنك ... لا تخافي عزيزتي

اهم شي خذي دواك وان شاء الله خير

[ديسمبرية]

شكراً اوشي على الرد ما أحد كلف على حاله يرد علي حتى لو بدعوه تطمن قلبي

حبيت أكتب لكم جديدي رحت لمستشفى حكومي وكشفوا علي 3 دكاترة نساء وأخصائي أشعة على السونار
قالوووووووا لي رحممممممك نظيييييييييييييييييييييييييييييييييييييييييف الحمدلله ما فيه كيس دم ولا شيء وسحبت على دكتورة المستوصف الخاص كانت تبي تعطيني أبر تنزل الكيس اللي تقول عنه الحمدلله ما أخذتها
بس طلع عندي الصديد بالبول مرتفع هو اللي مسبب الألم أسفل البطن يعني الألم من المثانة مو من الرحم وواضبت ع مغلي أوراق البقدونس والمضادات الحيوية والدش المهبلي وإن شاء الله يخف الالتهاب معي
والحمدلله خف الألم أسفل بطني

[الحياه حلوة#]

الحمدلله ما تشوفين شر خوفتيني لاني اجهضت من فتره وقالتلي الدكتوره الرحم نظيف
وخفت يكون باقي شي
والله مشكله بعض الدكاتره لازم تاخذين راي اكثر من واحد عشان تتطمنين

[الحياه حلوة#]

الله يطمن قلبك يارب وماتشوفين شر
الحمدلله دام رحمك نظيف
الله يشفيك بالالتهابات ومن كل شي يعيق الحمل
ويرزقك ربي الذريه الصالحه يارب