هذا يلي صار معاي تكفون ريحوني وطلعوني من الحيره هذي

[سمسم سكر]

السلام عليكم ورحمة الله وبركاته


ياخواتي انا في حيره من امري وعقلي مشوش بقولكم قصتي


انا دورتي غير منتظمه لان عندي تكيس جاتني الدوره في شهر 2 في يوم25/2 ومن ثاني يوم اخذيت حبوب منشطه لمدة 5ايام 2في الصباح 2في المساء
وبعدين بديت في الابره المنشطه لين يوم 16 من الدوره وقست حجم البويضات طلع عندي 5بويضات بحجم21 من المبيض اليمين وبحجم 17 في الشمال بس مدري كم عددها
وعطاني ابرة تفجير بقوة 10،000 وقال من ثاني يوم يحصل جماع لمدة 3 ايام وبعد 3 ايام الجماع اخذ كمان ابرة تفجير بقوة 5000
وضربت الابره التفجيريه يلي بقوة 10،000 ومن ثاني يوم بدا بطني ينتفخ لين صار كاني حامل مره كبر وتعبت لدرجة اني امشي وانامنحنيه وانام وانا شبه جالسه
وحصل جماع لمدة 3 ايام واخذيت الابره التفجيريه يلي بقوة 5000 وباقي بطني منفوخ ولا اقدر اكل او اشرب وقعد على هذا الحال عشره ايام
واروح لدكتور لاني ماتحملت بطني وكشف علي قال عادي الوضع يحصل كثير وعطاني حبوب مسكنه للالم وقالي اشربي مويه كثر بعد خمسه ايام تعالي نشوف الوضع
وصرت اشرب مويه كثر يومياً 2لتر والحمدالله يومين وراح التعب من بطني يقولون الدوره تنزل اذا مافي حمل بعد الابره التفجيريه 14 يوم وامس 14 من الابره التفجيريه ولا نزلت الدوره
واليوم 15 وكمان مانزلت الدور وعندي الم بسيط مثل الم الدوره يروح ويرجع
رحت للمراجعه عند الدكتور وقال ماجات الدوره قلتله لا قال لازم نسوي تحليل سويت تحليل حمل هرموني وشافها الدكتور قال نسبة حمل ضعيفه روحي احتمال تجيك الدوره وتعالي بعد 14 يوم في حالت جاتك الدوره او ماجاتك تعالي بعد 14 يوم




المره الاول لما اخذيت المنشطات والابر التفجيريه بيوم 14 بظبط نزلت الدوره طيب هذا الشهر دام اني مو حامل ليش مانزلت في اليوم14






سوالي يلي محيره هو انا كذا اكون حامل ولا مو حامل ماني فاهمه شي والله اني مشوشه وراسي دايخ بكيت لين بغيت اروح فيها من كثر مابكيت


اذا انامو حامل ليش قال نسبة حمل ضعيفه


واذا حامل ليش ما عطاني على الاقل دوفستون انا موفاهمه شي ابداً


تكفون انا اعتبر نفسي حامل ولا مو حامل ياربي وش هذي الحيره




شورو عليه يااخواتي