لحقووووووووووووووووو علي تكفون

[دلوعه زوجي]

السلام عليكم
انا سبق وقلت لكم مشكلتي
وان الدوره متاخره 4 ايام
المهم امسسس رحت انا وزوجي نتعشى برا
وكنت مافيني شي عادي
وكنا جالسين ناكل فجاءه ضقت حسيت اني بدوخ مع اني جالسه
وحسيت بضيق ورجفه واني بطيح خلاص
حتى من الضيق فكيت لبسي من داخل حسيته مضيق علي
وزوجي انتبه وياحياتي ترك الاكل ورجعنا وكنت اوكي
رحت للبيتنا عند امي عادي مافي شي سويت تحليل حمل منزلي طلع سالب
مع اني ماعرف جابه اخوي ماعرف هو زين مو زين اي نوع جاب اي تحليل وجا
المهم امس شوي حسيت بالم زي الم الدوره بس خفيف وصار جماع مع اني ماكنت حابه المهم
اليوم الصبح لما صحيت شفت دم انصدمت وحتى نزل شوي على الفراش
قمت تروشت وقلت خلاص جات والحمدالله واللهم لا اعتراض
مع اني احس يعني ولا مره جاتني كذا حتى وانا نايمه وماحسيت لدرجه انه نزل على الفراش لانه عندي المها فضيعععععععععععع تصحيني من عز النوم
المهم لبست الفوطه وانتم بكرامه وعادي جلست كملت اليوم وقلت الحمدالله
والله الغصه بقلبي بس شسوي خلاص قدر الله وماشاء فعل
بس شوي رحت اشوف لقيت اني ناشفه ابد مافيه قطره دم مع انه ماتصيرلي
انا لما تنزل تنزل مره وحده قلت عادي بتنزل شوي شوي
حسيت اني بروح الحمام وانتم بكرامه
ولما صرت بروح وربي مستحيه منكم بس عذروني مالي غيركم اسأله
المهم لما رحت للحمام كاني بتبول بس نزل دممممممم كثير وسايل حيل
استغربت وخفت حيل لانه نزل لما ضغطت شوي على نفسي ونزل حييل
وقف وجا شوي على ملابسي وهو دم احمر فاااااااتح
وسميت بالله وغسلت وللحين امي تكلمني وخايفه اكلمها مابي اخوفها
بفهم شنو لي صارلي ولا هي دوره عادي
مع اني للحين احسس بالمها خفيف انا خايفه اتوهم واتخيل
بس وربي هذا لي صارلي بالحرررررررررف
ساعدوني تكفون شسوي :(
مابي اقول لامي اخوفها ولا للزوجي مالي غيركم