ضروري لكل المقبلات على عملية اطفال الانابيب

[حلمي في طفل]

السلام عليكم يابنوتات حوامل
لي فتره طويله مااخش المنتدى لكم وحشة بس والله اتابعكم اذا صارت لي فرصة
اهم شي مابي اطول عليكم
انا طبعا مقبله على عملية اطفال انابيب للمره الثانيه لان المره الاولى سويتها وانا صغيره جدا
بعد زواجي بسنتين تقريبا ومانجحت الحمد لله على كل حال
بس والله الدكتور مااعطاني اي حبوب او تحاميل او اي ابر للتثبيت بعد ترجيع الاجنه وانا ماسألت
لاني مااكنت اعرف عنها ولا شي ولا سألت في النت ابداا ورجعلي الدكتور خمسة اجنه وقال بقى
اربع بجمدهم يمكن هذا الي ماخلاها تنجح بس كله خيره من رب العالمين وانا موقنه بأن ربي
بيرزقني انا وكل الي تبي اطفال وبيعطينا رزقنا في الدنيا طالما الوحده تسعى وتتعب
يارب مايضيع لنا تعب اميييين
وانا صارلي متزوجه قرابه 11 سنه
وعشان كذا هذي المره بحثت وفرفرت النت كله ههههه
وقريت اكثر من بنت في اكثر من منتدى عن اسباب نجاح العمليه بعد الله طبعاا

هو اخد حبوب وفيتمينات قبل العمليه بشهر او اكثر
وهي مثل الرويال جل اوغذاء ملكات النحل وفيتمين إي فيت 400 مرتين في اليوم
وحبوب حمض الفوليك وحبوب فيتامين د وحبوب اوميغا 3 مرتين في اليوم
واكل الكثير من الجوز اوعين الجمل لانه فيه فوائد كثير وشرب الماء بكميات كبيره
وبعضهم بستخدم بيبي اسبرين لين موعد العمليه وسحب البويضات
وبعد ترجيع الاجنه
ملاحظه انتبهو لهذا الشيء لازم لازم
تنامين على ظهرك وماتبدلين اي مجهود لمده السته الايام الاولى من الترجيع وتصلين وانتي جالسه على كرسي لا تجلسين في الارض وبعدها تحركي في البيت وامشي بس لاتجهدين نفسك
وفي هذه الفتره كلها من بعد الترجيع واستخدام الادويه من اول يوم ترجيع
تستخدمين الاتي
1- تشربين اول ماتصحين من النوم حليب وممنوع الاشياء الحاره يكون دافي جدا تخلطينه
مع ملعقه او اثنين نشاء او تاكلين صحن مهلبيه لانه يعمل على تثبيت الاجنه
2- شرب السوائل مثل الماء وشرب عصير التفاح واكل التفاح واهمهم شرب عصير البرتقال
3- اكل البيض المسلوق واكل الخس والخياااار لاتنسون الخيار برضه مهم للتثبيت
4- الابتعاد عن اكل المطاعم والدجاج يقولون فيه هرمونات والابتعاد عن المنبهات والغازات
5- اكل السفرجل مهم جذاااا السفرجل بعد الترجيع
6- البيبي اسبرين او ابر مسيله لدم بس اسألو الدكتور عنها
وقبل كل هذا حطي في بالك انه ربنا معاك واتوكلي عليه وايقني في ربنا انه حينج عمليتك
بصراحة حبيت افيدكم زي ماانا استفدت ودونت المعلومات في عقلي مثل اسمي حفضتها
ويارب يكتبلنا الخيره ويرزقنااا امييين واكثرو من الاستغفار وقول لااله الا انت
سبحانك اني كنت من الظالمين بنيه الانجاب وثبات الاجنة واستودعي كل يوم اجنتك ونفسك
وكان نفسي يكون فيه تجمع للمقبلات على عملية اطفال الانابيب ومنتظرات نتيجه العمليه
ونتابع بعض فيها وندردش مع بعض وكل وحده تكتب الاعراض الي تحس فيها وكم يوم تبقى
لين الحمل بإذن الله من غير مانكتب مواضيع كل شوي يارب الاداره توافق على هذا التجمع
وكل وحده تكتب في اي مستشفى سوتها وعند اي دكتور وايش الادويه والمثبتات والاسباب منها
او من الزوج وكم سنه متزوجه وكم مره سوتها وزي كذا وندردش ونخفف على بعض
يارب مااكون طولت عليكم ومليتوو