بطني متحجر شي غريب!!!!

[ام البدرين]

بسم الله الرحمن الرحيم

السلام عليكم ورحمة الله وبركاته

أنا حامل في الشهر السابع يابنات صار أسبوع حاسه بالم فضيع بالجنب الايمن وبأسفل البطن وبطني صار متحجر كثير وشاااد كأني حامل في التاسع حتى هالشد اللي فيه بحملي الاول ما حسيته الا بالاسابيع الاخيره قبل الولاده
و الحمام أكرمكم الله حدث ولا حرج من كثر مااحس بدفع وثقل للاسفل
شالسالفه اللي عندها خلفيه تكفى تعلمني
واذا فيه وحده مرت بتجربتي تطمني
جزيتم خيرا

[ام اسكندر]

استشيري دكتورتك احسن
يمكن يكون رحمك هابط من كثر الوقوف
ويمكن البيبي حركته بالاسفل وبالجهة اليمين اكثر

[ام البدرين]

والله مو عارفه
بس صرت احس بثقل والتنفس عندي بصعوبه
والحركه ما اقدر اتحرك
ربي يعين

[غيمة بيضـاء]

افضل تروحين للدكتوره وتشوف حالتك

وان شاء الله ما عليك اى شر يارب

[عاشقة طيور الجنه]

لاتهملي نفسك روحي المستشفى

مابي اخووفك بس اخت زوجي صار لها كذا بالشهر السابع تحجر بالبطن والجنين مايتحرك

ولمن راحت المستشفى كان ميت

ربي يرزقك ويسهل عليك ويتمملك حملك

[ام البدرين]

غيمه بيضاء تسلمين يالغلا

عشوقه انا الحمدلله احس بحركة الجنين

ربي يجزاكم الجنه غالياتي

[عذب الجوارح]

ياعمري أنا حامل بالثالث مثلج ولما كنت بالسابع صارت لي نفس الأعراض وصار عندي ألم بالمقعدة وألمي كان مستمرفي الحوض ويمتد للرجلين لما رحت المستشفى قالت لي الدكتورة عندي ارتخاء بالحوض وشد في أربطة عمليتي اللي فبنتي الأولى مع إنه ماصارلي شي في حملي الثاني إن شاالله أكون أفدتج

[نبض الشوووق]

لا حبيبتيالتحجر يكون من الجماع او من انج ماكله حبوب او بقوليات مثل فول او هريس انا كذا لاكلات هريس اتعب واحس نفسي اتعذب من تحجر بطني والله يكرمك الحمام ما اتركه ابد
ما تشوفين شر

[ام البدرين]

عذب الجوارح ربي يوفقك ويكتب لك الاجر امين

[ام البدرين]

نبض الشوق لي مده ما صار جماع
وبالنسبه للبقوليات يمكن لاني الاسبوع اللي راح اكلت عدس
ربي يعين

تسلمين ياقلبي