مين حملت والرحم صغير وضعف في المبايض

[فراشة السلام]

مين حملت والرحم صغير وضعف في المبايض


السلام عليكم ورحمة الله وبركاته
كيفكو بنات انا جديدة هون وبحبكو كتييير ومنتداكو كتير حلو ومفيد
يارب تجي سنة 2017 وكلنا نكون حوامل ياااارب
بدي احكيلكن قصتي انا صار عمري 16 ومااجتني الدورة ابدا اخدتني الماما عدكتورة وبعد تحاااليل كتيرة وتصوير للرحم قالولي انو الرحم صغير وقالولوني خمول بالغدة النخامية وحولوني عدكتورة مختصة بامراض النساء والعقم وقالتلي الدكتورة انو الهرمونات عندك نازلة ورح اعطيكي علاج تعويضي اخدتو وصارت تجيني الدورة كل شهر طبعا وانا بشرب الدوا وضلييت سنة كاملة بشرب العلاج وبتجيني متل ماقالتلي الدكتورة وكانت كل ماروح عليها تقلي عمتتحسني بس لما تركت العلاج مااجتني الدورة ابدا فرحت عليها قالتلي انو رح تبقي تشربي الدوا طول عمرك لحتى تجيكي وطبعا من قبل كانت قايلة لماما انو بتزوج وبحمل عادي بس لازم اخد منشطات انا وقت قالتلي لازم تاخدي العلاج طول عمرك وسافرت عغير دولة ومابقيت اقدر ارجع الها رحت عدكاترة كتير وفي وحدة حولتني عدكتور غدد وقالي انو نشاط بالغدة الدرقية احترت خمول بالنخامية ولا نشاط بالدرقية وعالجت الغدة وع اساس شفيت منا وصارت طبيعية ورحت عدكاااترة كتييير مابدي اطول عليكو المهم انا تزوجت طبعا متل ماقالتلي الدكتورة اخر وحدة انو ممكن يكبر الرحم وافضل الي طبعا اخر علاج كنت بشربو قبل عرسي واجتني ونضفت يوووم عرسي وهلأ صرلي 3 شهور متزوجة ولابشرب دوا ولا بتجيني الدورة ومن دكتورة لدكتورة وعم دوووور عدكتورة نسائية شاطرة واخر تحليل قالولي انو معي ضعف شدييد بالمبايض يعني صار عندي مشكلتين سؤالي بنااات مين فيكم حملت وكان رحمها صغير وعندها ضعف بالمبايض او سمعت بهالشي وحملو حبااابييين تكفووو جاوبوني ولا تخجلوني والله انا تعببت كتير ومكتئبة ومليت من هالحالة وانا بحب الولاااد كتير وعطول بفكر اني الله رح يرزقني بطفل ولا لا الله يوفقكو لا تخجلوني وعطوني تجاربكو وشو ساويتو وكيف تعالجتو


مين حملت والرحم صغير وضعف في المبايض

[تيم الأحمدي]

ماعندي علم
ان شاءالله الأخوات يفيدوكي

الله يسهلك يارب
والله يرزقك بالحمل السليم والذريه الصالحه

[ردينة عمرو]

لله يرزقك الذرية الصالحة
بس انتي لازم تتابعي مع طبيب واحد توثقي فيه ويكون شاطر
مابينجح علاجك لو انتقلتي من طبيب لاخر كل احد وله تجاربه وطريقة علاجه الناجحة ..
الطب تقدم حاولي تنتظمي عالعلاج ولا توقفيه ابدا لحتى تحملي يارب
توكلي على الله وهوا الرزاق

[فراشة السلام]

المشاركة الأصلية كتبت بواسطة ردينة عمرو

لله يرزقك الذرية الصالحة
بس انتي لازم تتابعي مع طبيب واحد توثقي فيه ويكون شاطر
مابينجح علاجك لو انتقلتي من طبيب لاخر كل احد وله تجاربه وطريقة علاجه الناجحة ..
الطب تقدم حاولي تنتظمي عالعلاج ولا توقفيه ابدا لحتى تحملي يارب
توكلي على الله وهوا الرزاق

الله يسلمك حكيك صحيح بس مو بايدي بترك الدكاترة الظروف هي الي عمتخليني اترك سبحان الله
وقفت عدكتورة شاطرة بس سافرت انا ووقفت عند دكتورة تانية بس هي سافرت هالمرة ومابعرف شي عنها ان شاء الله يارب ادعولي الله يبعتلي دكتورة شاطرة اتعالج عندها واحمل يااااارب
بنات الله يوفقكو فيدوني مين كانت حالتها متل خالتي وحملت

[ردينة عمرو]

لله يسخرلك اسباب العلاج .. ابحثي واسألي عن دكتورة متخصصة وبإذن الله تلاقي
وان شاء الله تلاقي تجارب تفيدك

الله يرزقك عاجلا يارب