تعالو احكيكلكو عملت ايه الشهر ده والحمد لله حصل حمل

[Fattemah]

حبيبااااااااااااااااتي هحكيلكم دلوقتي انا عملت ايه الشهر ده عشان يحصل حمل

اول حاجة انا بقالي شهرين بقرأ سورة البقرة كتير هنا نصحوني بقرائتها اماني الجميلة ولوبي وغيرهم كثيرين
الاستغفار ئم الاستغفار ثم الاستغفار
الدعاااااااااااااااااااااااء في كل سجدة "ربي لا تذرني فردا وانت خير الوارثين"
وكثير صراحه دعولي امي وابي طبعا وحماي وحماتي .. حماي وبابا راحو حج السنة دي وعملولي خير هناك كثير ودعولي طبعا,, عمتي كانت ولادتها من اسبوع دعت لي وهي في الولادة
ماما وحماتي في الفجر الدعاء ربي استجاب الحمد لله
الصدقة .. كنا نتصدق انا وزوجي كثير والشهر ده كان اكثر الشهور في الصدقات الحمد لله وان شاء الله نكمل ع كده

النفسيه.. والله ثم والله ان نفسيتي هذا الشهر كانت مرتفعه والشهر الوحيد الي كنت بتنطط واهزر واجري والعب ومكنتش مركزه في الموضوع خالص ولا نكدت على ماما ولا ع بابا هههههههههههه الحمد لله

انا بقالي شهرين مرتاحة من المنشطات.. وده ربنا مقدره سبحانه.. رحت الشهر الي قبل الي فات اعمل اشعه بالصبغه للاطمئنان على الانابيب والدكتور الله يسامحه جرحني جرح عميق في المهبل وخبى علينا ده وقال دي عندها التهابات وانا عمري والحمد لله ما اشتكيت من اي التهابات المهم صدقناه وروحنا لقيت ان النزيف مبيقفش وكان هيغمي عليا زوجي وداني مستشفى واكتشفو هناك اني مجروحه ووقفوا النزيف وحطولي فتيل والله اني اتعذبت عذاب هذا الشهر وبكيت كتير ودعيت ربي اني مش مستحمله يارب التعب ده كله
ورحت لدكتوري وقالي بردو مش هديكي منشطات الا لما تعملي الاشعه الشهر الجاي قلت ماشي
وزوجي زعل ان شهرين من غير دواء بس قال الحمد لله ده مقدر ومكتوب وربنا عاوز كده.. الحمد لله زوجي مؤمن
كنت متفائلة هذا الشهر وحاسه ان ربنا اراد شئ بتوقيف الدواء.. توجهت الى الاعشاب

اول شئ اخدت فسط هندي مع العسل بس مرتين في الشهر لان الظروف هي الي حكمت بده
وكنت اكل بلح او تمر يعني مع عسل وحبة البركة
وكنت اشرب اناناس 3 كوب في اليوم
واخد حبة يوميا فوليك اسد
والسيدوفاج ما قطعته عشان التكيسات
واشرب لبن واكل بيض مسلوق اكتر شئ 2 في اليوم
وشربت البردقوش
وطبعا عملت الاشعه بالصبغه الحمد لله بنجاح والحمد لله مطلعش فيها حاجة والدكتور قالي هنريح الشهر ده من المنشطات بردو ونبتدي الشهر الجاي كورس مكثف الحمد لله ربنا مارادش لا كورس مكثف ولا غيره كفاية منشطات كده ههههههههه

الحمد لله السميع الفدير طبعا دي كلها اسباب بس ربنا هو الي رايدلي الشهر ده اني احمل الحمد لك يارب الحمد لك كما ينبغي لجلال وجهك وعظيم سلطنك

[liliaceae]

جزاك الله خيراً على مشاركتك تجربتك
الله يتمم حملك على خير و يفرحك و يفرح كل منتظرة

[Orchid109]

يارب يتمملك ياقلبي

[المجد لله]

مبروووووووووووووووووووووووك والف مبرووووووووووووك أكيد ربنا ما بينسى عبدو الضعيف
الله يتمم لك بالخير وادعيلي أنا كمان أكون حامل الشهر ده

[جهينة السلفية]

الف مبروك حبيبتي والله يسهل حملك وولادتك
دعواتك الله يرزقني وكل محرومة الذرية الصالحة

[mona gad]

ماشاء الله ربنا يكملك على خير ياااااااااااااارب

[mema_soo]

الف مبروووووووووك ياقمر
بس ب الله عليكي تدعيلي انا وكل بنت من قلبك ربنا يرزقنا انتى عارفه اللى بنمر بيه كلنا منشطات وادويه وفى الاخر الهانم تشرف وتكسر قلب كل واحده ياااااااااااااااارب اشوف خطين في تيست الحمل الشهر ده اللهم امين انا وكل البنات
وربنا يثبت حملك ويكملك علي الف خير وتقومى بألف سلامه وتفرحى بالبيبي انتى وباباه

[Fattemah]

المشاركة الأصلية كتبت بواسطة mema_soo

الف مبروووووووووك ياقمر
بس ب الله عليكي تدعيلي انا وكل بنت من قلبك ربنا يرزقنا انتى عارفه اللى بنمر بيه كلنا منشطات وادويه وفى الاخر الهانم تشرف وتكسر قلب كل واحده ياااااااااااااااارب اشوف خطين في تيست الحمل الشهر ده اللهم امين انا وكل البنات
وربنا يثبت حملك ويكملك علي الف خير وتقومى بألف سلامه وتفرحى بالبيبي انتى وباباه

يارب يرزقك حبيبتي الحمل السليم المعافي ويرزقك وكل بنات المنتدى بشوفة ضناهم يا رب ما يحرمش حد ابدا من النعمة دي

[LOUBI]

الف مبروووووووووووووك فطوم و الحمد لله انني كنت وراء احد الاسباب اللي ادت الى حملك .. فالرقية الشرعية للحمل هي كلام الله و فيها السبيل الى الفلاح باذن الله عاجلا ام اجلا ..فمليون بليون ترليون مبروك يا قلبي و عقبال الجميييييييييييييييييييع

[Fattemah]

المشاركة الأصلية كتبت بواسطة loubi

الف مبروووووووووووووك فطوم و الحمد لله انني كنت وراء احد الاسباب اللي ادت الى حملك .. فالرقية الشرعية للحمل هي كلام الله و فيها السبيل الى الفلاح باذن الله عاجلا ام اجلا ..فمليون بليون ترليون مبروك يا قلبي و عقبال الجميييييييييييييييييييع

ربنا يبارك فيكي يا لوبي ويحققلك كل ال تتمنيه يا قلبي

ان شاء الله ان شاء الله هباركلك قريب جدا جدا ربنا يفحك قلبك يا لوبي برؤية ضناكي بين ايديكي حبيبتي