تكفون ردو علي

[ام هيافي]

مشكلتي بسيطه وبنفس الوقت احسها صعبه

زوجي الله يسلمه يعشق الطلعات مع اصحابه من تزوجت وهو ع هذا الحال
تخيلو من 2 اسبوع بالزواج وهو طالع وكل يوم ولا يرجع الين 6 صباح وينام الين 8 ويروح العمل ويرجع الظهر ونووووووووووم حتى 8 الليل وياكل ويطلع
هذا وضعه حاولت بكل الطرق زعلت اهلي كلموووه ولا فاد معاه وجبت بنت وقلت اكيد يتغير بالعكس زي ماهو

والحين انا حامل بالسادس هو ما يبغا هذا الحمل وانا طاير عقلي فيه
واذا ولدت افكر انفس في بيتي ايش رايكم تتوقعون انه راح يهتم فيني وراح يتعود ع جلست البيت ولا راااااااااح يطنشني

تكفووووووون ردو علي والله محتاره انا ابغاه يحس بالمسؤليه وتربية اولاده وهو حاط في باله انه بس ملزوم يصرف علينا مو ملزوم يجلس معاي ولا يربي يقول انتي ام ليش عشان تربين والله تعبت حملي اتعبني حيل وبنتي متعبه عمرها سنه ونص جميع انواع الاذيه تسويها وانا ما عاد اقدر اتحمل كلمته فهمته وللاسف اكلم نفسي

لاتبخلو علي برددود الله يحرم وجيهكم عن النار

[!ღ.¸¸.فاهمه صح.¸¸.ღ]

ما اعتقد ان نفاسك في بيتك هو الحل
بصراحه ما عندي خبره طويله بهيك شغلات زوجيه
بس اكثري من الدعاء له بالهدايه
وربي معك وبيعينك ان شالله

[فوق مستواااك]

الله يعينك... انا لما نفست ببيتي زوجي اخذ اجازه وجلس عندي ... اخااف اقولك نفسي بالبيت ومايتغييير .. ويصيبك اكتئاااب ... زووجك متعوود يعني صعبه شوي يتغيير بيوم وليله يبيى له وققت اصبرررررري

والله يسخره لك يااااااارب

[#عيــ الجوريه ــون#]

بنسبه لنفاسك في بيتك على حسب وضع زوجك إذا متاكده بيتغير إجلسي ،،
والأفضل تروحين بيت أهلك علشان بنتك باقي صغيره مالك حيل بعد الولاده ..

وفي طلعاته هو تعود عليها ،،مالك إلى الدعاء في جوف الليل إنه يبطلها ،،

[جريحة المحبه]

شوفي اختي كل الرجال يعشقون الطلعات

انا اول زواجي سهران ماجا الا ع وجه الفجر وانا عروسه ماتميت اسبوع

واذا قلتله ليه ماتجلس بالبيت يقول احمدي ربك اني خروجي منب بيتوتي ولا كان تملين مني

بس تحلي بالصبر وحبه حبه يااختي مافيه شي يتصلح بيوم وليله

وخلي مشاكلكم بيناتكم لاتطلع لااهاليكم وربي بس تشوهين سمعته عند اهلك وبتكرهين صورتهم عند زوجك

الله يوفقك ويسخره لك يارب

تحياتي

[ملاك في عين زوجها]

حبيبتي اكثري من الدعاء في جوف الليل واكثري من الاستغفار

[~ نوون ~]

الله يهديه

انتي ادعي الله كثيرآ واستغفريه

ووفري لزوجك جو حلو بالبيت وهدوء والبسي احلى شي ولعل وعسى

وطمنينا عنك

وماتنسي الدعاء والاستغفار والله بيعمل عجائب والله يوفقك

[جنون المشاعر]

كل الرجال يحبو الطلعات وانتي الحين حامل مو زين لك تفكري في امور تتعب نفسيتك لانه الحاله النفسيه تأثرعلى الجنين وادعي الله كثير انه يهدي زوجك
والله يسخره لك ان شاءالله

[آية]

ما لك أختي الغالية إلا الدعاء له في جوف الليل و إن شاء الله سيهديه و يسخره لك
و بالنسبة للنفاس أحسن لك تكوني عند أهلك لرعاية طفلتك
الصبر الصبر أختي مفتاح الفرج
ربي يفرج عنك و يقومك بالسلامة ياااااارب

[ام هيافي]

الله يفرج هم كل من رد ع موضوعي ويسعدكم بالدنيا والاخره والله يختار لي الي فيه الخير