بنات ساعدووني وربي تعيت ساعدو اختكم لووورا

[لوووورا]

السلام عليكم خوووواتي
مبروووك كل اللي ولدوا معي واللي بعدي واللي قبلي

الله يفرح قلوبكم بعيلكم وربي يابنات النفاس من غير طفل ضيقت صدر وربي اني ابكي بس الحمد الله اللهم لا اعتراض

بنات بستشيركم انا بنتي توفى بطني بسبب واحده حسبي الله عليها ونعم الووكيل


هي واحده من اهل ابوي تصير مرت ولد عمي تزوجن مع بعض وجبنا عيالنا مع بعض بينا شهر
تخيلو شاقيه فيني من قبل لا تاكد اني حامل وهي تقول للبنات باين عليها انها حامل واضح وشوفوا لبسها وشوفوا جسمها الله يشغلها بنفسها
تخيلوا شافتني وانا بشهر الاول بعدها انقطعنا وماشفتها الا بشهر التاسع سبحان الله كنت خايفه اجي عشان ماتشوفني وسبحان الله كانها شيطان فجاءة دخلت علينا وربي يابنت جاني احساس ان راح يصير لي شيء على طول فتحت لبسي ونفثت على بطني وجاءت على طول سالتي انتي باي شهر على وجهي قلت لها بالتاسع قالت لي ياسرع حملك والله يابنت كان احد ربط لساني ماقلت قولي ماشاء الله قلت لها لانك ماشلته بطنك
والله يابنت قعدة شوي وراحت وكان بطني سمكه اذا طلعتها من الموويه شلون تفرفش وترتفع على فوق انا استغرابت ليش كذا بعدها انقطعت الحركه اليوم كامل ماعاد احس بحركتها وبعدها من بواكر تخيلوا من الثقل ماقدرت اقوم من فراشيء حسبي الله عليها حسبي الله عليها حسبي الله عليها

وبعدها عرفت انها هي اللي تسببتلي حسبي الله عليها
انا الحمد الله اني ولدت ورضية باللي قسمه لي ربي
بس بنات تخيلوا انا بالنفاس تقول لواحده اعرفها تتوقعين متى تحمل لوورا ؟ تخيلوا منشغله فيني وانا توني ماطلعت
وربي احس اني ماراح احمل من عينها؟ وخايفه يجني شيء بسببها
بنات
وش رايكم ودي اكلمها واعلمها ترى بسبب كلامك توفتة بنتي لانك ماذكرتي الله شاورت امي وقالت لي لا خليها بس خوذي منها يابنات ودي اذبحه ودي اقتلها ودي اكلها بسنوني ذبحة نفس براءه
بنات وانا خايفه يقولون اللي يموت اطفال بسبب عين سبحان الله يتكرر معه شيء هذا كل دخلت التاسع يتوفى زي الاول طمنوني كلام صحيح ولا وربي خايفه احمل بعدين يموووت

امانه عطوني شيء يريح قلبي

جعل كل حامل ماتشوف اللي شفته
ودعوواتكم لي الله يعوضني من عنده

[اجمل ما خلق ربي]

مااصابك ربي كاتبه لك

والله يجعلها شفيع لك واحتسبي المصيبه عند رب العباد

والله يعوضك

[أخفي غلآه]

الحممدآلله على سسلآمتك .. وآلله يجعلهآ شفيعه لك
وأن شاء الله اللي جآب الاوله يجيب الثآنيه ... ولآتفكرين كذآ بتتعبين
دآيم قولي الحمدآلله ...
ومو شرط توفت بنتك في التآسع يكون الثاني مثله كثير مثل حآلتك والحمدآلله الثاني يعيشش بس اقري على نفسك من تحملين وخذي من هذي اللي تسسأل دآيم عنك وغسسلي به وأن شاء الله مآيصير لك شي..

[أم ولاء]

الله يشغلهـآ بنفسهـآ ..
اعووذ بالله من هيك نـآس ..
الله يصبرك ويعووضك خير ان شااء الله ..
اقرري نفسكـ وخذي شي من أثرهـآ وتغسلي فيه لو تكتبين اسمهـآ وتحرقينه تحتك بعد زين تستاهل الحسوده ><

[جيرا]

ربنا يصبر قلبك ويهون عليكى ياقلبى يالوووورا
ومايكتبها عليكى مره تانيه ولاعلى حد ابدا
ويبعد عنك شر العين والحسد وكل شر باذن الله
ويفرح قلبك عن قريب ان شاء الله

[ام حكوم]

حبيبتي
اهم شي خوذي من اثرها اشربي وراها وكلي امرك ع الله

[روح الورد]

الله يشغلهابنفسها
هالناس ماتخلي احد في حاله
والمشكله يدخلون والايعرفون عنك كل شي وهم مايعلمون احد وش عندهم
انصحك حاولي تتجنبيهاواخذي من اثرهاا
واذاكنتوبمجلس قولي كلام
مثلا:الله يكفيني شرالناس اللي ماترحم وتدخل في اللي مايخصها
والله يكفيك شرهم,,,

[سعودية الهوى]

شوفي يالغلاا اذا جات بيتكم وشربت شاي ولاماي غسلي اللي شربت منه وغسلي وجهك به مع بطنك وتعوذ منها وكتبي اسمها وحرقيه تحتك وكل مره تشوفينها حصني نفسك وكل مجلس تشوفينها فيه صلو على محمد..
وربي يبعد عنك شر وعين كل حاسد ربي ياخذ الحق..

[روعه**]

ياعمري في ناس ماتخلي احد في حالها الله يعوضك خير انا من راي لاتتكلمين معاها ابدا في الموضوع لكن على راي امك خذي من اثرها وتحصني زين قبل لاتطلعين من البيت لانو في ناس ماتتكلم وحكي اش نفسها في بس لما تشوف احد منعم عليه ربي في جواتها تتمني وتموت حسره من غير ماتقول وهذولي اللي شرهم اقوى عشان كذا سواء كنت ي رايحه لاحد او قاعده في بيتك لازم يزميا تتحصنيين والله يكفينا عيون الناس قادر ياكريم

[مرت حمودي]

الله يعوضك ياأختي لورا .. والله لما قريت قصت ولادتك ببنتك الله يجعلها شفيعة لك دمعت عيوني ودعيت لك ..
رأيي من رأي أمك لا تقولين لها شي وخوذي من أثرها وهي ماتدري لأنها يمكن تزيد الله يهديها ..
ولاتقولين أخاف أحمل مرة ثانية ويموت الجنين .. أحسني الظن بالله سبحانه .. بيده الموت والحياة والناس ماتقدر تسوي شي ..توكلي على الله وأنا أختك .. الله الحافظ .