يارب حد يفيدني فى مشكلتى دى ....

[همسه حنين]

السلام عليكم ورحمه الله وبركاته

اخواتى فى الله انا قصتى طويله شويه بس اتمني الاقى حد يفيدني

انا كنت حامل من شهر 9 اللى فات تقريبا وفى شهر 11 كنت تعبانه اووووووووى من الوحم وروحت المستشفى يدوني محاليل لانى كنت اعدت مده 5 ايام قاطعه الاكل والشرب ماكنتش قادره ابدا اى حاجه تنزل معدتى لدرجه انى كنت سورى برجع وانا معدتى فاضيه

المهم اما روححت هما اكتشفوا ان البيبي مفيهوش نبض يعني ميت
وحددوا لى تانى يوم اعمل عمليه اجهاض
وبالفعل انا عملتها وبعدين هما قالوا لى ان هرمون الحمل كان فى الدم عند عالى جدا اعلى من نسبه الهرمون للحوامل فى الشهر التاسع 10 مرات تخيلوا ...

المهم حزرونى كتيييير اوى من الحمل لان كان الهرمون لسه عالى عندى
وبعد اما جاتنى اول دوره الدكتور اديتني برشام منع الحمل وخليتني اخده لمده 4 شهور تقريبا لان كان الهرمون بتاع الحمل لسه فى الدم عندى وقالوا لى ماينفعشى احمل قبل اما يبقى صفر

المشكله دلوقتى انى مبطله البرشام بقالى اكتر من شهر ونص داخله على شهرين والدوره ماجاتشى وعملت اختبار حمل فى البيت مفيش حمل ونفس الكلام عملت تحليل دم وبول فى المستشفى ومفيش حمل
الدكتوره كتبت لى على برشام اخده لمده 5 ايام ورا بعض وكان المفروض انه ينزل لى الدوره
وبردوا مانزلتشى


وانا محتاره جدا ومش عارفه اعمل ايه انا مش حامل ومفيش دوره بتنزل اعمل ايه علشان اخليها تنزل

وكمان عندى سؤال هو برشام منع الحمل بعد اما ابطله ياترى بياخر لى الحمل ؟؟؟
انا والله كنت واخداه غصب عنى بس مع انى كنت هاموت عالحمل بس قلت معلشى علشان صحتي واحمل وانا كويسه احسن

ولو فى حاجه ممكن اشربها او اكلها تنزل لى الدوره
وكمان لو تعرفوا حاجه تنشط لى المبايض وتخليني احمل ياريت تفيدوني بالله عليكم ومحدش يبخل عليا بالرد