حاسة بهم كبير وبدي افضفض

[دلوعة علاء]

السلام عليكم ورحمة الله وبركاته

انا حبيت انزل هاد الموضوع لأنه جد تعبت وما في ناس اشكيلهم همي وما حد حاسس فيني
انا الي 18 يوم ولدانة
ومو حاسة حالي سعيدة دايما مكتئبة وببكي وتعبانة
انا ساكنة تحت بيت أهل زوجي
وابني بنام مع ام زوجي واول ما ولدت ما كانت تخليني احمله الا لما ارضعه بس وئبل كم يوم بدأت تتغير وصارت تخليني احمله بس انا بحس انه بعيد عني كنت اخاف عليه كتير بالأول ، بس هلأ لأ
وما بعرف شو السبب وما نام عندي الا مرة وحدة ولما احكي لزوجي انه بدي اخليه ينام عندي بحسه ما بحب وبيتدايئ لأنه امه حكتله انه بيختنئ بالليل

مش حاسة انه زوجي حاسس فيني
صحيح بساعدني وما بيحكيلي انه متدايئ
بس انا حاسة انه متدايئ من الوضع يلي احنا فيه

شكلي تغير ، شكل الجرح ولهلأ ما نزلو الخيوط ، الي 18 يوم مش ئدرانة امشي
وبحس بوجع رهيب خصوصا بالحوض
ما بنام الا على ضهري

جد تعبت ومو عارفة شو اعمل
وصل فيني الأمر وفكرت بالإنتحار
مش عارفة شو اعمل

انا عمري 19 سنة وحاسة حالي كبيرة كتير
ومش حاسة حالي سعيدة ابدا

انا اسفة للآطالة بس حبيت افضفض عن حالي شوي