تعالو شوفو ايش صار معي اليوم بالمستوصف

[ملكه بعيون زوجي]

السلام عليكم ورحمة الله وبركاته
كيفكم ياغوالي بغيت اقولكم على اللي صار لي اليوم في مستوصف النسيم الشرقي بالرياض
رحت اطعم ولدي 6 شهووور ووقت الانتظار قلت باخذ وصفه واروح للدكتوره لان ولدي عنده حساسيه بوجهه واحس عيونه مو طبيعيه احيانا فاعطوني وصفه لعياده رقم واحد الدكتوره هنادي ( سودانيه ) وقلت لها ابغاك تعطيني برنامج غذائي للولد عشان الحساسيه وانا مابدات اوكله الى الان لاني خايفه من الحساسيه قالت كيف يعني مابدات تاكلينه المفروض ياكل من اربعه شهووور شوفي صحته كيف انتي ترضعينه صناعي؟؟ قلت لا على الطبيعي ووزنه طبيعي مافيه اي شي قالت يشبع ؟؟قلت ايوه يشبع صدري يكفيه.. قالت لا لازم صناعي وفتحت الدرج وعطتني ورقه للحليب تقول اعطيه هذا وكانت وحده عندها وقالت لا هذا حق عمر سنه واخذت مني الورقه وقالت ايش اعطيها خلاص اعطيها حقكم واعطتني ورقه ثانيه يعني اللي عندها مندوبه توزع على الدكتورات دفاتر للاعلان عن الحليب اللي تابع لهم
وقلت لها طيب ابغا تحويل للعيون لمستشفى اليمامه قالت هذا من صحته تعبانه لانه ماياكل قلت لها طيب ايش الاكل اللي يناسبه عشان الحساسيه لان قالولي ان الزبادي يسبب اكزيما قالت هذي خرابيط حريم لا تسمعي كلامهم انتي تسمعي كلام الدكتوره بس واعطيه زبادي وخضار وفواكه واجبان
واعطتني وصفه اطلبها من الصيدليه
طبعا انا ما اقتنعت بكلامها تقولي رضعيه صناعي والطبيعي ما يكفيه. وعيونه من قلت اكله واكليه زبادي وفي دكتورجلديه بمدينه الملك فهد الطبيه يقول يسبب كزيما
طبعا انا رحت لدكتوره ثانيه كنت اراجع عندها وقلت لها قالت صحته ما اشوف فيها شي وحرام تعطينه صناعي والطبيعي يكفيه ووزنه طبيعي والزبادي ما ينفع قبل 9 شهوور وعيونه مالها دخل باكله ومن حقك تعطيك تحويل للاطمئنان عليه ارجعي لها وقولي ابغا تحويل واعطيتها الوصفه وقالت فيه ادول للتطعيم وكريم للحساسيه
وفيه هستوب وهذا خذيه لكن لا تعطينه ابدا لانه مضر للي اصغر من سنه
ورجعت للدكتوره الاولى وطلبت تحويل ورفضت وقالت عيونه مافيه شي هذا من صحته رضعيه صناعي واكليه وتعالي بعد شهر نشوف صحته وبعدين نعطيك تحويل اذا ما نفع
ورحت لقسم التطعيم وشافت ورقة الحليب واخذتها وكتبت وراها اسم ولدي واسم الدكتوره واخذتها وكانت تاشر للي جنبها انا وقتها فهمت ان الورقه فيها شي
وطعمته ورحت اصرف الادويه وسالتني الصيدله كم عمره قلت 6 شهور قالت ولدك فيه شي؟؟ قلت لا حساسيه بوجهه بس قالت صدره فيه شي؟؟ قلت لا ..قالت الدكتوره كتبت لك هستوب وهذا يضره الحين ماراح اعطيك اياه قلت جزاك الله خير واخذت الباقي وطلعت
وقلت لزوجي وطلع للمدير وما كان فيه وكلم النائب وقال خلاص خليهم يروحون للمشرفه وياخذون وصفه ثانيه وتعطيهم تحويل واكتب شكوى بالدكتوره لان كلنا متفقين ان الادويه تضر ناس وتنفع ناس والدكتور اللي يحدد اما اذا كان مستهتر ياخذ جزاءه
يعني اللي صار منها ..
1 منعتني اعطيه طبيعي وتقول ما يكفيه ولازم تعطينه صناعي ويوم اعطتني حليب اعطتني بطريقه عشوائيه اول شي حق عمر سنه وبعدين حق اللي جالسه عندها ومن الاساس ممنوع الدعايه لاي حليب صناعي وهذا السبب اللي خلى قسم التطعيم ياخذون الورقه ويكتبون اسم الدكتوره واسم ولدي ورى الورقه
2 مارضت تعطيني تحويل وهذا من حقي
3 كتبت لي علاج مضر لصحة ولدي ولولا الله ثم الدكتوره الثانيه والصيدليه كان اعطيته اياه
الله يجازيها بما تستحق
اللهم نستودعك ابنائنا وبناتنا واحميهم من الاطباء المستهترين

[**سماسم**]

حسبي الله عليها ماعندها أمانه ..
أنتي سوي خطاب وأرسليه لوزارة الصحه لازم يكون فيه قوانين صارمه أرواح الناس وأطفالهم مو لعبه ..
صراحه فساد وصل لطب على فكره تراء الدكتوره تاخذ نسبه من مبيعات هذا الحليب لانها تروج له ..
ومايشوف شر ولج وربي يحميه ويخليه لج
,,

[ملكه بعيون زوجي]

المشاركة الأصلية كتبت بواسطة **سماسم**

حسبي الله عليها ماعندها أمانه ..
أنتي سوي خطاب وأرسليه لوزارة الصحه لازم يكون فيه قوانين صارمه أرواح الناس وأطفالهم مو لعبه ..
صراحه فساد وصل لطب على فكره تراء الدكتوره تاخذ نسبه من مبيعات هذا الحليب لانها تروج له ..
ومايشوف شر ولج وربي يحميه ويخليه لج
,,

اسعدني مرورك يالغاليه
زوجي بعد ما طلعنا قدم شكوى للوزاره وان شاء الله يتعاونون معانا

[همسة دلع]

والله الوحده تروح لدكتوره ويدها على قلبها ,,
لاكن الحمد لله انه الصيدليه ما عطوك الدواء ..
الله لا يبارك في الدكتوره ,,

[ملكه بعيون زوجي]

المشاركة الأصلية كتبت بواسطة همسة دلع

والله الوحده تروح لدكتوره ويدها على قلبها ,,
لاكن الحمد لله انه الصيدليه ما عطوك الدواء ..
الله لا يبارك في الدكتوره ,,

اشكرك على مرورك يالغلا
وعموما المستشفيات شر لا بد منه ما نقدر نسوي شي بس الواحد يوكل امره لله

[ريآنهـ..!]

الحمدلله اللي سلم الولد

وهذي دكتورة بس تبي تدخل فلوس ع حساب

صحة العالم والناااس

[ملكه بعيون زوجي]

المشاركة الأصلية كتبت بواسطة ريآنهـ..!

الحمدلله اللي سلم الولد

وهذي دكتورة بس تبي تدخل فلوس ع حساب

صحة العالم والناااس

اشكر مرورك يالغلا
والمشكله ان الفلوس ما تدوم تروح ويبقى الذنب

[« خ ـجل »]

حسبي الله عليييييييييييييها

يارررب الطف في عيالنا ييييييييارب

وين الامانه

لو عيالها كان فتحت عيوووونها وهي تكتب الدوا

عسسسسسسااها بعله ان شاء الله

لو انا الي صاير لي هالشي مستحيل اسسسكت كان واضح انها تسسكتك في الكلام وماتبي هرج واجد وماتبي احد يناقشششها وقال ايش خليك من كلام الحرييييم واسمعي كلام الدكتوره بس

دكتوووره كمممخه مثلهاااا

الحمد الله ان خالتي استشارييية اطفااال كل مامرضت بنتي خليتها تشوووفها


يابنت الحلال الحمد الله على سلااامة ولدك

اذا بغيتي تعالجيني وديه لمستشفى موثوووق فييه

حتى لو كان خااص الفلوس تجي وتروح اهم شي صحة عيالنا

الله يحفظهم يارب

[ملكه بعيون زوجي]

المشاركة الأصلية كتبت بواسطة « خ ـجل »

حسبي الله عليييييييييييييها

يارررب الطف في عيالنا ييييييييارب

وين الامانه

لو عيالها كان فتحت عيوووونها وهي تكتب الدوا

عسسسسسسااها بعله ان شاء الله

لو انا الي صاير لي هالشي مستحيل اسسسكت كان واضح انها تسسكتك في الكلام وماتبي هرج واجد وماتبي احد يناقشششها وقال ايش خليك من كلام الحرييييم واسمعي كلام الدكتوره بس

دكتوووره كمممخه مثلهاااا

الحمد الله ان خالتي استشارييية اطفااال كل مامرضت بنتي خليتها تشوووفها


يابنت الحلال الحمد الله على سلااامة ولدك

اذا بغيتي تعالجيني وديه لمستشفى موثوووق فييه

حتى لو كان خااص الفلوس تجي وتروح اهم شي صحة عيالنا

الله يحفظهم يارب

اسعدني مرورك ياغاليه
ابشرك بعد ما طلعنا زوجي قدم شكو ى للوزاره واعطوه رقم للشكوى عشان يتابعها
وبعدين يالغاليه على قولك الفلوس تجي وتروح وللامانه المركز هذا لي سنتين ونص اراجع عندهم متابعة حمل وتطعيم وكل شي حلو عندهم لكن هذي الدكتوره اول مره اروح لها وان شاء الله اخر مره

[بنت الزهور]

حسبي الله ونعم الوكيل
لاذمه ولاضمير
اي علاج ينصرف لازم نقرا التعليات الي في النشره بس
بسعلاج الحكومه مافيه نشره
عالشان كذه ما اودي اعيالي الا للخاص