ودي أولد <تعالو شوفو شسويت وفضفضو شوي

[باربي كيوت]

هلا وغلا بأحلى كروشات


المهم أنا لي 15 يوم بالتاسع يعني انتصفت ومازلت أحلم وأتأمل اني اولد هاليومين


حاسه بثقل مو طبيعي وزياده البيبي يضغط على تحت يعني لما أطول بالجلسه أو أنام يالله بالله أقوم من الوجع

والحموووووووووضه ياشينها شيناه اي شي اكله على طول وجع الله يعين بس

أحس اني طفشت من التاسع وودي اولد اليوم قبل بكرى

بعدين أخذت هدب اثل وقشور بصل واحطها على الجمر واتكبى لمدة 3دقايق ماطولت قلت يمكن يكون فيني شمم عشان كذا ماولدت
وادودت ببيتي وزوجي نام وهو مغطي راسه وبالأخير ماحسيت بشي

بس الغريب انه من بداية حملي وأنا معاي افرازات كثيره ومايله للخضار الله يعزكم وبعد ماتكبيت نادر مايطلع افرازات وش يعني هذا؟؟؟؟؟؟؟؟؟؟؟


بعدين قلت بجرب الخروع

واجيكم أمس وأشرب ملعقتين مع حليب دافي وامشي وأمشي لين جاني النوم ونمت صحيت الفجر مافيه شي ولاخفيف

نمت وصحيت الظهر وبرضو ماتحرك فيني شي
عصبببببت رحت وشربت أكثر من ربع القاروره مع حليب
ومشيت مشيت مشيت

وبعد ساعه جاني اسهال الله يكرمكم وبعدها بساعتين برضو ولازلت حتى الحين يجيني الم واروح الحمام سهال الله يكرمكم

يعني ماسوا لي شي ولاجاب لي طلق

وللا شرايكم ؟؟؟ممكن يجيب لي طلق بعد هالوقت

حالتي يابنات يرثى لها كل يوم اصحى وأطالع الكلوت أبغى يكون فيه شي جديد يدل على الولاده

وامس من زود الثقه اني بولد أقول لزوجي هذا اخر عشاء لنا قبل لاأولد وهو يتطنز علي هههه<طلع صادق

ويوم شربت الخروع واروح أشيل |><|البتاعه وانظفها هههه

وشنطة المستشفى من زماااااااااااااااااااان مجهزتها

والشي اللي مخليني منهبله وودي أولد >ماما>تخيلو كل ماكلمتها يكون صوتها مفزوع تحسبني بقولها اني خلاص ولدت مرررررره خايفه علي

أتمنى اني اولد ولاتدري عني اللا بعد الولاده

يالله جاوبو على سؤالي
واكتبو تجاربكم سواء فاشله أو ناجحه
واذا وحده ودها تفضفض مثلي عادي حياها الله

بليييييييييييز اللي ماعنده شي يقوله بليز يرد لوبدعوه اني أولد اليوم قبل بكرى ويسهل علي وكل الحوامل