كل وحدة تدخل وتحكيلنا كيف التقت بزوجها او خطيبها

[ريما مراد]

السلام عليكم بنات
ما أعرف اذا الموضوع اتكرر من قبل
بس متل ما بتعرفو كل وحدة التقت بزوجها بطريقة معينة
يعني في ناس بطريقة تقليدية وفي بنات كانو يشتغلو معهم وفي اشي حبو بعض
المهم ما بطول عليكم انا بخبركم كيف التقيت بزوجي
قبل سبع سنوات تقريبا سني وجعني وما عرفت اعمل شي وكان رمضان
فاستنيت لبعد الفطور ورحت على اقرب مركز اسنان
وكنت وقتها خاطبة واحد ثاني
وكان يومها زوجي الدكتور المناوب
المهم تعالجت عنده وما كملي حشوة العصب
بعد بفترة تركت خطيبي الأول و رجع وجعني سني مرة تانية

ورحت على عيادة تانية وبعيدة عن الأولى لقيت زوجي منقول لهناك
المهم صرت اروح عنده مشان يعالجني وما كان في نيتي شي
لحد ما يوم راحو معي بنات خالي وقالولي انه الدكتور هاد معجب فيكي
وفعلا صرت الاحظ بس انا بصراحة ما حبيته مع انه كان حلو وشخصيه
وما رضيت احكي معه
ضل يحاول يحكي معي ومرت سنين وهو يبعتلي هدايا ويحكيلي بدي اخطبك وانا ارفض
المهم اخر شي وبعد 4 سنين قلتله اذا بدك ياني تعال اخطبني
سكرت الخط من هون وصار تلفون البيت يرن من هون يعني مافي دقيقتين
كنت بادية بالصلاة
خلصت صلاة من هون كانو اهلي متفقين على موعد زيارة اهله ههههههههههههههه
المهم تيسرت الأمور ومشى كل شي بسرعة والحمدلله ماكان في مشاكل وضلينا خاطبين سنة ونص بدون مشاكل وبعدين اتزوجنا وهلأ النا سنة ونص
يعني بصراحة حبيتو بعد الزواج وانا مو راضية اعترف انه اتزوجنا بعض عن حب وهو بضل يحكي اتزوجتها عن حب
يعني كل واحد بغني على موال
يللا شاركونا حبيباتي
والله يديم الود والمحبة عالجميع
ويعطي كل اللي لسا ما اتزوجو