زوجي مسؤول عن خواته!!

[تحب زوجها]

سلام عليكم يا حوامل ..


انا من اول ما حملت دخلت هالمنتدى و ظليت أتابع أخبار الحوامل ..
و الحين صرت بالشهر السابع ... بقى لي كم يوم وأدخل الثامن بإذن واحد أحد ..


مشكلتي باختصار اني من أول ما تقدم لي عرفت ان عنده ثلاث أخوات يتامى .. الأب متوفي و أمه كبيرة بالسن وما ترضى على بناتها و كل شي يسوونه تشوفه صح .. و هي للأمانة طيبة ونيتها دووم بيضا ولا تظن السوء بأحد .. لكن ما ترضى بالصراحة خصوصا اذا على بناتها
تزوجت ومن أول شهر حملت ولله الحمد والمنة... و تعرفون تغير المزاج... رغم اني مو عصبية وايد بس صرت مزاجية... و حمواتي الثلاث كلهم مراهقات
وحدة عمرها 16 والثانية 14 والثالثة 11
اخوان زوجي الكبار.. اثنين متزوجين وساكنين بنفس البيت بس بالطابق الثاني كل واحد بشقته و شايلين يدهم من البيت مو معورين روسهم.. والثالث طالع بشقة.. والرابع خاطب توة وما يقعد بالبيت الا للنومة وخطيبته ما تتدخل نهائي
زوجي يقول هو المسؤول وما بيشيل يده عن خواته ... لكن مراهقاااات .. و مشاكلهم أكبر منهم
الي تكلم شباب بالتلفون بالخش والي تحط صورها بالنت وتعرضها... ما عدا الصغيرة ما عندها غير دراستها

عجزت وانا اكلمهم ما منهم فايدة واذا زوجي كلمهم يبينون الطاعة والندم وكل شي لكن يرجعون من تحت لتحت... وانا حياتى تعتفس بسببهم لأنه يكون متضايق من تصرفاتهم رغم انه يحاول ما يعكر مزاجه بالغرفة معاي لكن ما يقدر يسيطر على أفكاره

و زوجي يقول لي يتامى و تحمليهم و تابعي حاجاتهم.. و انا الحمدلله ماني مقصرة .. كل شي يبونه أحاول قدر الامكان أوفره لهم وأطلعهم و كل شي
لكن مشاكلهم صارت كبيرة وانا ما ابي اتدخل .. ودي أشيل يدي من البيت نفس زوجات حمياني .. و الله أريح لراسي و لحياتي مع زوجي

خايفة على هالجنين الي ببطني لا تصيده اعصاب من زود اعصابي الفلتانة من حركاتهم و بلاويهم ... و ادري زوجي مستحيل يطلع من هالبيت



وش الشور عندكم ...

[ثلج وردي]

والله حبيبتي مادري وش اقولك بس اذا كانت اخواته طيبات واخلاق اهم من شي والله احطهم براسي بس كل وحده تسةي اللي تبغاه وتكلم شباب والثانيه تعرض صورها انا من رأيي مااشيل مسؤليتهم زوجك هو اللي يتحمل واخوانه انتي بس خليك مع زوجك وابنك اللي بالطريق لاتعصبي وتشيل مسؤليات غيرك وانتي باول حياتك
هذا اللي افيدك فيه واتمنى تتقبلي مرووووري يالغلا

[احلى من العسل]

الله يعينك ويتمم حملك على خير
اولا الحمدلله فهمت من كلامك انهم ماضايقوك بس انتي متضايقه من تصرفاتهم الطايشه وخايفه عليهم صح ولاانافهمت غلط
اذاانافهمت مشكلتك صح ماعندك الاحل واحد انك تطنشين الي يسوونه وماتعتاتبينهم ولاتنصحين لانهم ماراح يستمعون لك بل بالعكس راح يحقدون عليك ويكرهونك خليك عادي لاتتدخلي فيهم خليهم يسوون الي يبون هذي مسئوليه اخوانهم حاولي تكسبينهم وتكونين صديقه لهم بدل من عدوه

[ام رتيل]

الله يجزاه الجنه ويبارك في زوجك
انت لاتتعبي نفسك ولاشي انت انصحي البنات لانه الله يهديهم اعمارهم صغيره وفي النهايه انت مومسؤله عن كل وحده بس لاتحكي لزوجك اللي يسووه لانه في النهايه اخواته ماراح يرضى عليهم وممكن يحط الغلط عليك انت بس اوقفي معاه وادعميه بالكلمه الحلوه وعيشي حياتك الزوجيه بدون مشاكل
ولاتنسي انه الرسول صلى الله عليه وسلم قال انا وكافل اليتيم في الجنه هكذا واشار بالسبابه والوسطى وفرج بينهما شيئا

[تحب زوجها]

المشاركة الأصلية كتبت بواسطة ثلج وردي

والله حبيبتي مادري وش اقولك بس اذا كانت اخواته طيبات واخلاق اهم من شي والله احطهم براسي بس كل وحده تسةي اللي تبغاه وتكلم شباب والثانيه تعرض صورها انا من رأيي مااشيل مسؤليتهم زوجك هو اللي يتحمل واخوانه انتي بس خليك مع زوجك وابنك اللي بالطريق لاتعصبي وتشيل مسؤليات غيرك وانتي باول حياتك
هذا اللي افيدك فيه واتمنى تتقبلي مرووووري يالغلا

والله هم طيبات ولا منهم مشاكل .. صح أحياناً يصارخون علي ويرفعون صوتهم بس انا اعذرهم لمراهقتهم .. خصوصاً انهم يكلموني عن وايد اشياء خاصة وانا انصحهم بس احيانا اطفش واطلع من طوري ولمن اعصب يزعلون و يبدي الصريخ ورفع الصوت
لكن مشكلة شخصية .. ما سوو لي .. و بالعكس يحبوني ويحترموني وانا والله كذلك ...


يعنى شورك اني ما اتدخل نهائي واخلي زوجي هو المسؤول وبس
لأنه قايل لي أي شي اشوفه عليهم اخبره عشان لا يضيعون هالبنات .. و انا وايد أخش عنه الا اذا استفحل الأمر أخبره و يتدخل ..
عشان جذي احس إني مسؤولة .. و تعبت من هالشي

[تحب زوجها]

المشاركة الأصلية كتبت بواسطة احلى من العسل

الله يعينك ويتمم حملك على خير
اولا الحمدلله فهمت من كلامك انهم ماضايقوك بس انتي متضايقه من تصرفاتهم الطايشه وخايفه عليهم صح ولاانافهمت غلط
اذاانافهمت مشكلتك صح ماعندك الاحل واحد انك تطنشين الي يسوونه وماتعتاتبينهم ولاتنصحين لانهم ماراح يستمعون لك بل بالعكس راح يحقدون عليك ويكرهونك خليك عادي لاتتدخلي فيهم خليهم يسوون الي يبون هذي مسئوليه اخوانهم حاولي تكسبينهم وتكونين صديقه لهم بدل من عدوه

اي فهمتيها صح.. ما عندي معاهم مشاكل شخصية
و شكلي باخذ بنصيحتكم هذي لأني عمري ما فكرت اني ما اتدخل لأنه هو الي يأمرني بهالشي ... بس الظاهر بصارحه اني ما اقدر على مسؤولية أكبر من مسؤوليتي ... والله يساعد الجميع

[تحب زوجها]

المشاركة الأصلية كتبت بواسطة ام رتيل

الله يجزاه الجنه ويبارك في زوجك
انت لاتتعبي نفسك ولاشي انت انصحي البنات لانه الله يهديهم اعمارهم صغيره وفي النهايه انت مومسؤله عن كل وحده بس لاتحكي لزوجك اللي يسووه لانه في النهايه اخواته ماراح يرضى عليهم وممكن يحط الغلط عليك انت بس اوقفي معاه وادعميه بالكلمه الحلوه وعيشي حياتك الزوجيه بدون مشاكل
ولاتنسي انه الرسول صلى الله عليه وسلم قال انا وكافل اليتيم في الجنه هكذا واشار بالسبابه والوسطى وفرج بينهما شيئا

كلامج صح و نفس كلام الخوات الي قبلج ..
ودي أتحمل فيهم أكثر و ينكتب لي أجر و ثواب .. لكن تعرفين الأجر للفعل الي ما يلحقه لا منّ ولا أذية .. و انا ما أأذيهم و لا أمّن عليهم بشيء .. بس لأني أسويه و كأني مجبرة عليه من زود المشاكل .. عشان جذي ما ودي أتعب نفسي أكثر ولا أحط نفسي بمواقف ما لها داعي ..
خصوصاً إني توي صغيرة أصلاً وعمري دوبي 21 سنة ... يعنى الفرق بيني و بين أكبر وحدة فيهم بس خمس سنوات ... أكيد صعب التعامل لأني ما اعرف تربية مراهقات ولا جربتها أصلاً .....



مشكورة وما قصرتي ... والله يفتح لج أبواب رحمته ياارب نفس ما فتحتي لي باب حل ... انتي و خواتي الثنتين الي قبلج

[احلى من العسل]

ايش راييك تسوين مثلي مع بنات خالي اناعندي بنات خالي امهم حرمه كبيره وخالي مومتعلم ومايعرف مشاكل البنات لاحضت لمن نزورهم ان كل واحده معاهاجوال ومايجلسون كثير معانا حسيت ان عندهم اسرار وقتها اناماتزوجت ولاانخطبت المهم رحت وجلست مع الكبيره وفتحت معاهاموضوع المعاكسات وحركات الشباب المهم حسستها ان عندي علاقات مع شباب وتطمنت لي وحكتلي كلشي يسوونه وانامسويه انه عادي واضحك معاها وصرت صديقه ورقيبه بنفس الوقت بس كنت انبهاعلى بعض الاشياء اوالتجازوات الخطيره الي ممكن تدمرحياتهاواذكرهابامهاوابوها ايش راح يصير فيهم لوعرفوا والحمدلله عدت على خير وهالحين البنات تزوجوا وعقلوا ترى بس هي فتره مراهقه وتعدي بس محتاجه منى الصبر
الخلاصه ياقلبي ابغاك تكونين صديقه ورقيبه يعني لاتقعدين بس تنصحين لاسوي ان الموضوع عادي واسئلي عن اخرالاخباروايش سويتم ويش قلتم اهم شي مايكون فيه مقابلات وخروج مع الشباب خليهم يتطمنون من ناحيتك ولاتحملي نفسك فوق طاقتها واذاماتقدري تسووي كذا وتكسبي ثقتهم خلاص اطلعي من الموضوع وشتري راسك ولاتنسين الدعالهم بالهدايه

[حمرة الورررد]

البنات ما قصرو
بس ماشاء الله شكلك مو مقصرة معاهم وربي بيعطيك الاجر ويمكن ينفعوك بيوم من الايام وتراهم يتامي زي ما قلتي يعني خير وجاي لعندك قال صلى الله عليه وسلم انا وكافل اليتيم كهاتين
فشوفي الاجر والثواب من الله
ولا تضغطي على نفسك اللي تقدري تسويه سويه والباقي على ربنا
لا يكلف الله نفسا الا وسعها

[دلع سارة]

الله يسهل امرك وييسر ولادتك
ماعندي شي اقوله لأني مو صبورة مثلك
الله يبارك فيك