استفسار الله يرزقكم الذريه الصالحه..

[فطم]

بسم الله الرحمن الرحيم

السلام عليكم ورحمة الله وبركاته

انا عضوة جديده أنضممت وياكم ولي نفس معاناتكم واحلامكم وامانيكم وطومحاتكم واعيش نفس الشعور والأحساس والحرمان والأشتياق لضمة طفل ....... يارب ترزقنا اجمعين

انا متزوجة من سنتين ونص وعملت التحاليل وسليمه الحمدلله المهم بعد سنه زوجي عمل التحاليل وهنا صارت الصدمة والتحطيم والنتيجة طلعت ان عنده ضعف شديد في الحيوانا المنويه حيث انا العدد مليون بس وطلعت عنده دوالي وسوينا اطفال انابيب وفشلت العمليه الحمدلله وزوجي عنده عيب خلقي في القضيب وهي فتحة الأحليل السفليه
بعد شهر عنده عمليه للدوالي وللفتحه سؤالي منو منكم زوجها سوى عملية الدوالي او فتحه الأحليل وارتفعت عنده النسبه ؟؟ ربي يرزقكم الذريه
ملاحظه : زوجي كان يستخدم خلطه بالعسل ويأخذ حبوب الزنك والأرجنين من شهور طبعا مو منتظم عليهم ولكن عمل التحليل وصار تحسن عنده وصار العدد 3 مليون والحركه 60 % الحمدلله هذا لو منتظم عليهم ارتفعت اكثر ..

وبالأخير اتمنى اني ما اطلت عليكم وانتمى اكثر اني اشوف روددكم
والله يشهد اني كلي ثقه به ولكن حسيت انكم عارفين شعوري وعارفين معاناتي مع تأخر الحمل والأشتياق

واخر كلمة اقولها ..

يؤجل الله امنياتنا ولا ينساها

تحياتي اختكم فطم ..

[عوسه]

ماعندي خلفيه بس حبيت ادعيلك
الله يرزقنا
واياكي الحمل عاجلا غير اجل

[أسيرة زوجي]

و الله ما عندي علم لكن أرى أنه تحسن بعد شرب الأدوية ، الله يشفيه و يعافيه يا رب
اللهم ارزق أختي فطم الذرية الصالحة عاجلا غير ىجلا إنك سميع الدعاء

[mamlw7a]

ماعندي علم يالغلا
أسئل الله العظيم رب العرش العظيم أنه يشفي زوجك ..ويرزقك الذريه الصالحه

[سكنت روحي]

حبيبتي انا زوج اختي عنده دوالي في الخصيه وسوى عمليه
والحمد لله ارتفعت النسبه عنده كم شهر وبعدين رجعت انخفضت لانه ماكان مستمر على الحبوب بسبب ظروف ماديه
حبيت ادخل وارد عليك
وانا حاسه فيك والله اني اكتب ودمعتي على خدي
الله لايحرمني ولايحرم اختي ولايحرمك من الذريه الصالحه يااااارب وكل محرومه يارب
ونكون كلنا هالشهر حوامل

[حبك يجرى في دمي]

والله ما اعرف الله يرزقك ويشفي لك زوجك
وان شاء الله تحملي

[احساس أنثى]

حبيبتي هوا يداوم على العسل العسل شفاء من كل داء

وربنا كبير .. خلي عندك أمل لسى الأيام بايديكم وعليكم بالدعاء

وربي يكرمك بالذرية الصالحة يارب

[فطم]

اختي عوسه ربي يرزقك ويرزق كل محرومه

اسيرة زوجي : مشكورة حبيبتي ربي لايحرمني من دعائك

mamlw7a ربي يسمع منك ويرزقنا

سكنت روحي : حبيبتي بسألك النسبه كم ارتفعت طمني قلبي المحروم
وأسأل الله رب العرش ان يرزقني ويرزقك ويرزق اختك بالذريه الصالحه ويفرح قلوبنا بالطفل

حبي يجري بدمك : مشكورة حبيبتي الله يوفقك ويسمع منك

احساس انثى : الله يحفظك مشكوره تدري اني مثل الطفل اعامله عشان بس ياخذ خلطه العسل هو مو مداوم عليها نعرف واحد عنده ضعف اكثر وصارت الحيوانات عنده 60 مليون الحمدلله انا كلي امل بالله ومتأكده وكلي ثقه به انه راح يرزقني الذريه ولكن هذا اختبار لصبري وانا الحمدلله متماسكه ومطمئنه ومتاكده اني في يوم بضم طفل لصدري

[سكنت روحي]

هلا حبيبتي فطم والله مافتكر النسبه بالضبط بس والله ارتفعت والله يطمن قلبك يارب
وانتو توكلوا على الله وخليه يسوي العمليه
وان شاء الله اذا سوى زوجك العمليه خليه يستمر على الحبوب لا يتركها ويستمر مع الدكتور علشان يشوف للنسبه اذا ارتفعت عنده
والله يشفيه ياااارب ويفرح قلوبكم يارب بالذريه الصالحه ولا يحرمك من اللي تتمنيه

[المملوحه]

الله يرزقك من واسع فضله

بس ليه ماتعيد عملية الانابيب ثانيه لان علااج الرجل يتأخررر

استغلي عمرك اذ صغير وسوي العمليه مرره ثانيه لانه نجاح العمليه مرتبط بعمرر المراه