حوامل التوأم بمشيمه واحده وكيسين افيدووووني

[يارب رحمتك وعفوك]

السسلام عليكم ورحمة الله وبركاته ك

كييفكم بنات عساكم بخير جميعاً
حوامل المشيمه والكيسين واللي تم حملهم مشاءالله
ابي تجاربكم بالحمل
وهل واجهتوا مشكلة ان احد الاجنه يتغذا على حساب الاخر
لاني اعاني من هالمشكله واللي على كلام الدكتوره
يعانون حوامل المشيمه الواحده منهاا

بنااات الله يخليكم ابي تجاربكم ووشً سويتوا بهالحاله
وهل سبق وحده صار معها كذا وتم حملها بسسسلام

[متفائلة دائما]

ربي يتمم حملك على خير يا الغالية
ان شاء الله البنات بيفيدوكي

[المغتربه المتفائله]

ماعندي علم الله يتمم حملك وحملي وكل الكروشات يارررب
ويرزق المنتضرات للحمل بالقريب العاجل

[شـوآخـي]

امي كانت حامل بتوام من مشيمه وحده

وكان واحد يتغذي على حساب الثاني

وفي الشهر السابع راح واحد وتم الثاني

علم امي كانت تعاني من السكر وشغل البيت وعزايم وهيك يعني

انتي اهتمي في نفسج واكلي بدال الوجبتين 4 وجبات على دفعات
كل ساعه اكلي شي مفيد علشان الاثنين يتغذون صح

وان شاء الله تجيبينهم بالسلامه يارب

[يارب رحمتك وعفوك]

مشكوووورين بنات جزاكم الله الف خييير

شواخي الحمدلله على سلامة الوالده والله يجعله شفيع لوالديه ويعوضهم خير يارب

انا اللي مخوفتي كلام الدكتوره ان احتمال افقد الاثنين لان اللي يجيه الغذا اكثر
الدم عنده كثير ؤ هالشي خطيرر
والثاني عكسه

يارب يافاااارج الهم و ياكاااشف الغم فرج همي ويسر أمري
وارحم ضعفي وقلة حيلتي ياااارب اللعالمين
اللهم اميييييييييين
اللهم اميييييييييين
اللهم اميييييييييين

[شـوآخـي]

لاتشغلين بالك توكلي على الله

[يارب رحمتك وعفوك]

ونعم بالله
مو بيدي
فيه وحده قالت لي بمنتدى الثاني
يمكن لو كنتي بالسعوديه ماقالو لك هالشي ولابين عندهم
بس لاني باامريكا ياخذون احتياطاتهم والكشوفات والاشعه عندهم ادق
لانهم مايكتشفون هالشي عندنا بالسعوديه الا بالسابع

انا مااقتنعت بكلامها شرايكم انتو يابنات ؟؟

[متعاقده]

الله يتمم لك حملك ياااااااااارب ويرزقكي الاطفال السليمين شووفي ياعسل اختي كانت كدا وقالولها نفس الكلام بس كانت تراجع مع دكتورها اول باول والحمدلله ولدت باخر السابع وواحد كان صغنون والثاني حجمه طيب بس الحمدلله دحين كبروا ولا بينهم فرق بس واحد اتخن شوي من التاني .. بس وكلي امرك لله واكثري من الاستغفااااااااااااااار مفرج الهموم بعد ارادة الله عزوجل

[m!sS-Tamy..]

ماعندي اي فكره

بس لا تحاتين وربي يحفظج لج اتوامج

وتربين بالسلامه

[أماني آل ظاهر]

هلا أختي

أنا حملي كان بمشيمة وحدة وكيسين
وكان الولد يتغذى على حساب البنوتة
وطلبت من الدكتورة تصرف لي اسبرين بس رفضت
ووكلت أمري لله

في كل مراجعاتي كان حال الولد أحسن من حال البنوتة وكان وزنها قليل يرتفع
بينما هو كان له نصيب الأسد من الغذاء

واستمريت على حسن الظن بالله وحسن التوكل عليه
لأن مااقدر اغير من الأمر شي
وربي اللي رزقنيهم وهو القادر على حفظهم

وبعد الولادة طلعت اوزانهم لا بأس بها
وما احتاجو حضانة والحمد لله


لكن بعد ولادتي بساعتين قاللي زوجي واحد من التونز رح يدخل العناية المركزة ، فتوقعت انها البنت ولكن سبحان الله الولد هو اللي دخل العناية المركزة مع ان وزنه كان قريب من 3 كيلو
والبنت داخلة بالكاد 2 كيلو ، بس كان تعبان بسبب السكري اللي كان معي .

فسبجان الله ما كان الغذاء له تأثير على الحالة الصحية للتونز


وان شاء الله يتم حملج على خير لا تقعدين توسوسين
كل شي بإرادة رب العالمين

انا قالولي رح تخسرين البنت
واللي صار اني كنت عى وشك خسارة الولد
ولكن الحمد لله ربي لطف بحالي

فلا تعتمدين على كلام الأطباء
يبقون في النهاية بشر ضعفاء وكلامهم يحتمل الشك

ويبقى طبهم في النهاية طب بشري ناقص و" أحمق "
ومعظمهم ما يعرفون من الطب الا القميص الأبيض !!!


بسألج سؤال : هل الوسواس اللي مسيطر عليج الحين رح يغذي الجنين الضعيف عندج ورح يقسم الغذاء بينهم بالتساوي ؟؟؟؟


خلاص وكلي امرج لله ونامي وانتي موقنة بأن ربج رح يقدر الخير للجنينين

ونعم بالله ........