نتيجة التحليل ؟؟؟؟؟

[فوفو85]

السلام عليكم ورحمة الله وبركاته
كيف حالكم إن شاء الله دائما بخير ؟
أول شي بشكر اختي ثلج وردي وكنديه وكل اللي سالوا عني بغيبتي جزاكم الله كل خير حبيباتي وإن شاء الله بميزان حسناتكم يوم القيامه,,,,,,,,,,,,,,,,,
أما عن قصتي فهي قصه رحت اول امس المختبر وقلت لهم ابغى اسوي تحليل الدم الرقمي لاني متعوده عليه وهو ادق لانه حتى لو الحمل باول اسبوع يبين قال لي الجهاز خربان قال لي سوي تحليل الدم العادي قلت اوكي واخذ مني العينه وقال النتيجه بعد نص ساعه انتظرنا انا وزوجي وانا صراحه كنت متلهفه اكثر منه بصراحه زوجي فديته كلش ما يفكر في الحمل ولا يستعجل عليه الله يعطيني صبره المهم بعد نص ساعه استلمنا النتيجه وقال النتيجه سالب يعني مافي حمل وانا الدوره كانت متاخره علي اربعة ايام ، طبعا انتو تعرفون وش كثر هي الصدمه حسيت اني ابي اصيح وبكيت بكيت الحمدلله على ما اراد الله تدرون بنات الوحده اللي تكون حملت من قبل واجهضت ما تتخيلون وش قد هي تكون متلهفه على الحمل وانا من قبل اجهضت مرتين مات البيبي في بطني الحمدلله يارب تعوضني يارب وكل المحرومين الشي الغريب اني اقتنعت بالنتيجه وقلت ان شاء الله ربنا يعوضني الشهر الجاي بس لين اللحين الدوره ماشرفت وهي مو بالعاده تتاخر كل هالوقت والشي الغريب بعد اني بديت احس بثقل في صدري والم واحسه صار قاسي شوي وظهرت عليه خطوط زرقا ولين اللحين احس بالم ظهري لكنه خف شويوعندي حرقه ذابحتني موووت، وعند المجامعه المنطقه تكون ناشفه حيل ...ما ادري بنات انا ابي اطرد فكره اني حامل هالشهر بس اهي لين اللحين الدوره متاخره شورو علي ترى انتو خواتي ترى هالموضوع محد يدري عنه الا انتو وزوجي حتى امي واختي ما حكيت لهم ارجوكم ساعدوني،اسفه اني طولت عليكم

[محبوبة ميمو]

ريحي حالك وطمني الي فيه الخير ربي يجيبه يا رب يكون التحليل غلط وتكوني حااامل يا رب

[عروسه اموت على البيبي]

حياتي انتي ولله انا حاسه فيك واتوقع انك حامل بس لسى مابين في التحليل الدم لاني صار موقف يوم حللت في البيت طلع خط فيف مره وطبعا انا من الحماس يالله قمنا الظهر انا وزوجي ورحنا المستشفى وقالت الدكتوره مافي حمل واضح بالجهاز بس البطانه حقت الرحم سميكه وسويت تحليل دم قالت لي في حمل ضعيف روحي اجلسي في اللبيت خمس ايام خليك مرتاحه وممنوع الجماع وخذي حمض الفوليك وتعالي بعد خمس ايام تمنيت لو اني ماحللت كان احسن لانو كذا انا توترت وزوجي تحمس دق على امه وقالها اني حامل وجلست تبارك وطبعا انتي عارفه انا شاكه في نفسي خصوصا قالت الدكتوره احتمال تنزل عليك الدوره خلال الايام الخمسه هذي فعلشان كذا اقول لك حتى تحليل الدم احيانا مايبين على طول وانشالله تطلعين حامل يارب وتفرحين وتفرحينا وطبعا بعد الخمس ايام رحت حللت ثاني وقالت لي حامل الله يزقك يارب الحمل السليم التام وتشوفين اللبيبي في حضنك وتضمينه وتملين عينك فيه ياقادر ياكريم والله يثبت لي حملي ويجعله سليم معافى يارب

[زوزي]

جربي التحليل المنزلي وتأكدي اذا ماطلع لك شي حللي دم
لان انا أذكر تأخرت علي الدورة اسبوع وفي مره اربع ايام
وكانت تجيني مثل اعراضك طلع عندي التهابات في البول الله يكرمك وعشان كذا تأخرت الدوره
ويارب وأدعيلك من كل قلبي أنك تحملي ويسهلك حملك وتجيبي نونو يهبل

[نور منوره]

شوفي انا تاخرت علي الدوره 6 ايام وحللت سالب ومافي حمل
وفعلا طلع مافي حمل ونزلت الدوره
فلاتعبين نفسك غير الي ربي كاتبيه ماراح يصير
وانتي الامل عندك كبير لانك حملتي قبل كيذا

ربي يرزقك ولايحرمك بالحمل الي يفرحك ياااارب
وطمنينا عليك .. حاولي تستمرين على الاستغفار لعل الله يحدث بعد ذالك امرا

[روعة الخليج]

ربي يرزقك بالحمل السليم المعافى

[قلبكـ يدق فيني..!]

الله يكتب لك اللي فيه الخير يارب

ويكتب لك الحمل السليم ..

[فوفو85]

مشكورين حبيباتي على الرد والله يعطيك العافيه بس التهاب البول ياخر الدوره؟؟؟؟؟

[هدوء انثى]

قلبي روحي مستشفى ثاني حللي هرمون
وربي يجبر بخاطرك

[فوفو85]

بروح بس بنتظر كم يوم ثاني