بالله عليكم هااااااااام وعاجل

[anos]

السلام عليكم اخواتي الكريمات
سمحوني لو طولت شوية بس انا تعبانة ومش عارفة اعمل ايه
انا من فترة كده من حوالي 5 شهور كان ظهر عندي الم في الثدي ووجود كتل مثل الحجر فيه ورحت الي الدكتورة وطلبت بعض التحاليل واشعة منو جرام تقريبا كده اسمها المهم عملتهم وقالولي اللي في الثدي ده الياف والدكتورة قالت لي ان ده لخبطة هرمونات بس انا كانت الدورة بتيجي عادي كل 30 يوم من بعد الزواج اما قبلوه كانت كل 28 يوم المهم اعطتني دواء للهرمونات لمده 2 شهر واعطتني كلوميد وقالت اني عندي ضعف تبويض بس اخده لمده شهرين وراح اللي في الثدي والكلوميد اخذته شهرين بس ما حملت الحمد لله علي كل حال كانت بتقولي ان البويضة بتلقح بس بتنزل تاني في هيئة دورة بها قطع وكانت بتتاخر لمده 4او5 ايام وكنت بستعد لعمل التحليل بس الحمد لله مفيش نصيب انا اسفة جدا اني طولت بس اللي قلقني دلوقتي ان اللي كان في ثدي ده ظهر تاني من 3 ايام وتعبني قوي وحاسة احيانا انه وارم وبه خطوط زرقاء بس قبل معاد الدورة كان تعبني جدا بس من غير ما يوصل لكده وخف بعد نزلها وانا الان في اليوم 14 من نزولها تعبانة قوي مش عارفة اعمل ايه بس الشهر اللي فات مكنتش باخد اي ادوية وكمان الدورة جت بعد 28 يوم بالله عليكم اعمل ايه انا خايفة وقلقانة
واسفة جداااااااااااااااااااااااااااااااااااااااااااااا اني طولت عليكم

[anos]

فينكم اخواتي لحد دلوقتي 8 قرأه الموضوع ومحدش رد بالله عليكم رده عليا

[أم نبيل ان شاء الله]

لازم حبيبتى تروحى للدكتورة وتكشفى تانى وربنا يكرمك باذن الله بالذرية الصالحة عاجلا غير اجلا انا وانتى وكل البنات المتأخرات فى الحمل اللهم امين

[ولك في حكمتك مقصد]

ربنا يعافيكي ويشافيكي يَ رب . . وربنا يزرقني ويرزقك بالذرية الصصـآلحة يَ رب
ويـآ اختي انا مش بخوفك بس عايزة اقولك آن ماما وآختي طلع لها حاجة في صصدرها زي ما بتقولي وَ قالها الدكتور انه خرّاج والخراج
حبة بتطلع في اي مكان في الجسم بيتجمع فيها الآوساخ والسوائل اللي في الجسم وبتوجع آوي . .
اتمنى انه ما يكونش خرّاج ويروح على طول يَ رب . . وانتي روحي الدكتور تاني وطمنينـآ عليكي وما تخافيش هيروح بإذن الله
ربنا معاكي يَ رب . .

[~ نوون ~]

حبيبتي ماعندي علم

لكن ماتزعلي واحتسبي الاجر عند الله تعالى

روحي لطبيبتك واستشيرهااا وان شاء الله خير

وماتفكريششش كتير بالحمل لانو التفكير هوه الي بيلخبط هرموناتك

طمنينا عنك

وربنا يشفيك ويعافيك ويرزقك الذرية والحمل السليم الصالح

[ام بودى الصغير]

ان شاء الله خير بس روحى للدكتورة وشوفى هى تعطيكى علاج وان شاء الله ميكنش فيه حاجه