سؤال عن الغرز؟؟

[لموني]

السلام عليكم

بنات ارجوكم ردوا علي لا تهملوا سؤالي لأني محتاره..

انا والده من قريب الشهر والغرز حاستها من وراء فيه فتحه صغيره الظاهر انها غرزه منفكه مع انه ماجاني امساك بس شكل الدكتوره شاده المنطقه بقوه..

انا بولاداتي الفايته عشره ايام واطيب من الغرز بس هالمره طولت <<يمكن لأنها تجميليه..
سؤالي.

اش اسوي مع هالغرزه؟؟!!هل اصبر عليها؟او اقول لزوجي يوديني الدكتوره يمكن تحتاج خياطه!!مع اني ماابغى اقوله<<تعرفوا هما مو عارفين كيف شكلها الغرز اخاف اقوله انفتحت يحسب انه صرت حووووسه ههههههه

انا استخدم مطهر.. وقبل 5 ايام استخدمت ميبوا وحاسته زاده مانفع..

[منوووله]

السلام عليكم أختي
انا مثلك تقريبا سار معايا إمساك شديد
وحاولت اخرج وحسيت انفكت غرزه من ورأ
بس مو حابه اروح للدكتوره أخاف تقول خياطه من جديد

[زوزي]

تصدقين أنا مثلك تقريبا بعد ما طابت الخياطة في بدايتها يطلع دم من نقطة وحدة خاصة أذا تبرزت الله يكرمك
شفتها في المراية وحاولت امسح واشوف شكلها طالع زي الخدش ومدورة كأنها حبة بعدين راحت خليتها ع الله لأن بنت خالي طمنتني وقالت أنها كذا تجيها وتروح
لأني خفت يشقوني مرة ثانية
كيف تأكدي من شكلها يمكن ماتكون فتحة
؟؟؟؟!!!!

[ام اسكندر]

ولله مافي حد حيفيدك الا الدكتورة
والله يكون في عونك

[لموني]

منوووله وينك انتي كنتي بجدول تجمعنا..وين اختفيتي<<شكلك ضيعتي التجمع؟؟!!

شكرا للي ردوا جزاكم الله الف خير..

انا المشكله انها مطفشتني موو راضيه تبرأ باقيه حمراء وتنزل دم..

[جنان حياتي]

انتي تقولين من شهر يعني قد طاب الجرح لاتخافين وكيف يعني تقولين المبيو زاده مانفع
الافضل تروحين عند دكتوره هما عارفين وراح تطمنك انشاءالله

[فليك]

اهلا عيوني
الله اكبر على الم الخياطة شي مؤ طبيعي
انا عانيت منها لمدة شهر كامل و برضو الخيوط ما طاحت و كانت مضايقتني كتيييير
الين كملت الأربعين و رحت للدكتوره قالت في خيطين " غرزتين " مفكوكين بس سحبتهم و الحمدلله ارتحت من بعدها و رجعت طبيعيه
لكن بصراحه للان أتألم وقت الجماع و احس مكان الخياطة مشدود مع العلم ان ليا شهرين من ولادتي
بالنسبة لمرهم ميبو استخدمته فتره و بعدين ما قدرت أتحمل ريحته و قريت ان مفعوله بطيء لانه من أعشاب
بعدها غيرته و استخدمت كريم ابو اسد " فيوسيدين " رهيييييييب الحمدلله لانه مضاد و مفعوله ممتاز للخياطه ندمت لأني ما استخدمته من اول ولادتي لكن الحمدلله
بس لا تقلقي مؤ شرط تكون خياطتك انفكت رح تاخد وقتها و ترتاحي منها بإذن الله