اجهضت في الشهر الثالث والطبيب قال لديكِ رحمين؟؟؟

[ام مصعب1]

بسم الله الرحمن الرحيم
أنا يا أخوات اللي تقريبا سنة وشوي متزوجة وقبل أربع شهور من الان احملت
وكانت الفرحة مش سايعاني وبعد كده كنت بتابع عند الدكتورة
كل اسبوعين تقريبا حكتلي في عندك كيسين حمل
اول كيس في توأم والتاني مش امبين في شي
بعد كدة حكتلي ممكن يكون في خطر ع التوأم
رحت عند دكتور تاني لاطمن عليهم وفجأة خبرني انو التوأم اتوقف النبض عندهم وهي بداية الشهر التالت
أعطاني حبوب لتنزيل البيبي
رحت ع المستشفى الدكتور ما خدرني ليعمل التنظيفات لكن قال انو ما قدر يدخل للرحم لانو عندي انقسام
وبعدين قال انو رحمين
واعطاني حبوب تنزيل لينزلو لحالهم وعانيت شهرين من هالمشكلة
بعد هيك نزل جنين وحكالي انو اانا انظفت تمام
وحب يعملي ابرة زيت ليبين الرحمين
وما دخلت الابرة داخل الرحم بالمرة
رحت لمشفى تاني
واز بحكولي لسا ما نظف الرحم منيح
بدنا نعمل تحليل هرمون واسمو تحليل عددي للحمل وما طلع في شي وبعدين انشوف هل هي الياف ولا شو
طيب انا بدي اعرف شو سبب توقف النبض عند الجنين

هل هو الرحمين ؟

هل هو ألياف موجودة ؟

ولا شو ؟

أدعولي بكرة معادي مع الدكتور

[الحالمة بطفلها]

الله يعينك ويبشرك بالخير

[نور السما]

ربي يعوضك خير ويشافيك معليش بدي اسالك يعني فعلا عندك رحمين كل رحم لوحدوا ازاي مفهمتش ارجوا توضحيلي وربي يرزقك الذرية الصالحة المعافى يا رب

[isslam]

3awadaki lah wa 3afak min koli soe wallah ma 3arfa ajawb 3ala asiltak almohim taminina 3alik

[ميآر [ مهند حيآتي ]]

الله يكون معاكي يا روحي

طمنيني عنك ^^

[ام مصعب1]

ممممم
ربنا يخليلي اياكن

الحمد لله حياة وبدها تمشي

فحصلي الدكتور شاف انو عندي رحمين جد وهو على شكل راس القلب

وبكرة بدهم يعملولي تنضيفات تاني

هههه الحمد لله

بس انا سألتو على توقف النبض حكالي انو نتيجة انهم توأم وبرحم واحد هاد الشي سبب ضغط عليهم وماتو

ابصر ...

كل واحد بحكي شكل

على خير بدي اعمل التنضيفات وبعدين أروح ع دكتور كبير

دعواتكم

[●•• ShąhǿǾǿĎ ••●]

الله يعوضج خير حبيبتي

(="

[ام احمد السكر]

الله يعوضك خير

[في طلتي ضيّ]

الله يعوضك ياااارب عاجلا غير اجل وانتي بصحه وعافيه وجنينك بصحه وعافيه ..
بس نصيحتي لكي ما تبقي على راي دكتور واحد يعني اسالي كذا دكتور
اذا انتي من جده انصحك تروحي لدكتور ممدوح سليم طبعا كل شيء بيد الله وحده لا شريك له
الدكتور ممدوح ماشاء اله مررره يمدحووووه ناس كتير ..
الله يرزقك ياارب الذريه الصالحه وكل من تريد ياااااااااااااااارب العالمين ..

[لمِيس]

مرحبا خيتي، ان شاء الله مايكون في عندك مشكلة

بس حبيت اسألك، كيف بيعرفو اذا في رحمين، يعني شو الفحص الي عملولك اياه

أنا حملي الأول اجهضتو وهذا حملي الثاني الحمدلله ماشي بخير

بس بالاسبوع 8 كانت الدكتورة بتعمل التراساوند وظلت لفترة طويلة تتأكد

بعدين قالت بيجوز عندك رحمين وبكل رحم فيه جنين يعني توأم

بس قالت لنتأكد رح نعمل سونار مهبلي

بعدين عملت لي سونار مهبلي وظلت لفترة طويلة وكانت بتنادي اخصائي الاشعة بس خلص دوامو ومشي

بعدين قالت لا خلاص هو جنين واحد ولهلق هو جنين واحد الحمدلله

بس الي بعرفو يعني لو كان معي رحمين كيف بدي اعرف، انا خايفة يكون رحمين وتصير ولادة مبكرة

رغم انو الدكتورة بآخر موعد طمنتني انو الرحم مغلق والعنق طويل وانا بمنتصف الشهر السادس بس خايفة ليكونو الرحمين بيأثرو على موضوع الولادة المبكرة ؟