قصة ولادتي بابنتي لجين القمر

[رنووومة]

مرحباااااا

هي قصة ولادتي ببنوتة الثالثة لجين القمر يوم السبت 24/3/2012

مم طبعا وصلت للمشفى وبدلت ملابسي بعدين اجو ممرضتين مشان يعلقوا السيروم وهون ههه بلش التعب بلشوا يفوتوا القسطرة وكل ما يمسكوا عرق يقولوا انتبج وما حيمشي حاله بيرجعوا بجربوا بعدين صار حولي اكثر من خمس ممرضات وبيجربوا بايدي الاثنين ونزلوا فين غزوزة وبعد 8 محاولات مؤلمة يئسوا وتركوني للدكتورة التخدير ونزلوني غرفة العمليات طبعا على رجلي ولما اجت الدكتورة التدخير الرئيسية يلي طلبوها مخصوص لأن يلي كانت حتعمل التخدير مو كثير خبرة وطبعا اكثر من ربع ساعة ويدي مشدودة وما رضيت تدخل القسطرة لتأكدت من العرق انو حيمشي فيه السيروم ولما قلتلها اني مرة اتحسست عطتني دوا ضد الحساسية وشعرت بأكلان فظيع من تحت العفو منكم وبعدين عطوني التخدير ونمت

بعد ربع ساعة طلعت البنوتة و قالوا اتعذبوا بخروجها لأن قعدتها كانت لجوا وما كانو يقدروا يستحكموها واجت وزنها 3 كيلو
وانا ما طلعت لبعد ساعة ونصف وطبعا اهلي خافوا لأن ما في بالعادة تطول العملية ولما صحصحت ما عرفت شو يلي وجعني جرح العملية ولا بطني كله وحتى ظهري كان بيجعني غير وجع ايدي يلي كلهم غزوزة

طبعا قالولهم انو الرحم عندي كان فيه مي كثير ولما خرجواا البنت رخا كثير وما كانوا يقدروا يقطبوه منهيك قلبوني راسي لتحت وعلى جنبي لقدروا يقطبوا

وكانت معدتي بتألمني كثير وبعد ساعة اجت الممرضة جايبة ببانوج وكل ما قلها موقادرة تخانقني وبعدد 3 مرات شربت يا دوب شفتين ومعدتي المها مو محمول بعدين فجأة العفو منكم استفرغت والغريبة اني يمكن طلعت لتر ماء رغم اني على الريق وما شربت حاجة

وطبعا الممرضات الكسالى غيرولي الثوب فقط وتركوا الشرشف المبلول تحتي وضليت هيك شي ساعتين وهادا زاد من وجع ظهري ولهلأ بعد 11 يوم ارتاح جنب بس جنبي اليسار لساته متشنج بيعن الله

وقيموني امشي اصعب شي كان انو ايدي على ما قد ما فتحوا عروقها ما عد حملوني وما عد قدرت اشد حالي بس ما قاموا القسطرة البولية لأن بولي ضل سميك

طبعا السيروم حطوه سكري منهيك طلع السكر ولما رجعوا حطوا المختلط رجع السكر للنسب المعتادة من دون ما اخذ انسولين المشكلة كانت انو يخلص السيروم يشيلوه ويتركوا القسطرة ولما حاكوا الدكتورة رجعولي السيروم ويحاولوا يفتحوا العرق وهالشي سببلي الام رهيبة الله يجازيهم يا رب هلكوني وثاني يوم الصبح خرجت لبيتي

طيعا اجتني خوالف مغص قوي بيروح وبيجي

والبنوتة كانت منفخة وبالعة مي منهيك حطولها اكسجين بس الحمد لله بعد كم ساعة مشي الحال واتحسنت

وما صدقت ايمتى اخذتها وخرجت وعقبال الكل بولادة سهلة يا رب وما تتعذبوا مثلي

والحمد لله على كل حال

[أم رزاان]

الف حمداً لله على سلامتك ياغالية
ومبروووووك البنوووتة القمر .. جعلها الله من حفظة كتاااابة

حااااسة فيك وربي .. لأني أنا برضو عملية وتعذبت كثير زيك !
الله يكتب لنا الآجر ياااااااااااااااارب

[رنووومة]

المشاركة الأصلية كتبت بواسطة أم رزاان

الف حمداً لله على سلامتك ياغالية
ومبروووووك البنوووتة القمر .. جعلها الله من حفظة كتاااابة

حااااسة فيك وربي .. لأني أنا برضو عملية وتعذبت كثير زيك !
الله يكتب لنا الآجر ياااااااااااااااارب

الله يبارك فيكي يا قمر ويخليلك ولادك والله يجعلها اجر وعافية يا رب

[سرووءة]

الحمدلله عسلامتك رنوومة
والف الف مبروك
تتربى بعزكن يارب ..
اصعب شي شغلة انو مايلاقو عرق بالايد
انا بنحليل الدم العادي باخد شي 3 غزات لحتى يلاقو عرق
وبصل كم يوم موجودة منو
الله يعينك انتي
بس الحمدلله انك بخير
انتي والبنوتة القمر
^^

[رنووومة]

المشاركة الأصلية كتبت بواسطة سرووءة

الحمدلله عسلامتك رنوومة
والف الف مبروك
تتربى بعزكن يارب ..
اصعب شي شغلة انو مايلاقو عرق بالايد
انا بنحليل الدم العادي باخد شي 3 غزات لحتى يلاقو عرق
وبصل كم يوم موجودة منو
الله يعينك انتي
بس الحمدلله انك بخير
انتي والبنوتة القمر
^^

الله يبارك فيكي سروؤة وعقبال ما نفرح بقيامك بالسلامة انتي والقمورة يا رب

المشكلة انهم عم يفتحوا العرق بس ما بعرف قالوا انو ما بيدخل المخدر فيه بيعن الله كله خربان الله يجرينا يا رب من هالزمن

قبلاتي لكي

[زهرة الحب]

ألف الحمد الله على سلامتك والحمد الله قمتي بسلامة وجبتي بنوتة متل العسل الله يخليلك ياها ويحميها

[رنووومة]

المشاركة الأصلية كتبت بواسطة زهرة الحب

ألف الحمد الله على سلامتك والحمد الله قمتي بسلامة وجبتي بنوتة متل العسل الله يخليلك ياها ويحميها

الله يسلمك حبيبتي زهورة وعقبال ما نفرح بكل الحوامل والله يطعمهم لكل مشتهي يا رب

[المخملية]

الحمدلله علي سلامتك رنوومة
تعذبتي كثير لكن كلوو بأجرو
مااتشووفي شر
ويارب يبارك لك بالبنوتة وبأخواتهااا

[رنووومة]

المشاركة الأصلية كتبت بواسطة المخملية

الحمدلله علي سلامتك رنوومة
تعذبتي كثير لكن كلوو بأجرو
مااتشووفي شر
ويارب يبارك لك بالبنوتة وبأخواتهااا

الله يسلمك يا رب وعقبال ما نفرح بقيامك والبنوتة بالسلامة وبأهون طريقة يا رب

[ميآر [ مهند حيآتي ]]

يا عمري يا رنومة ...

الحمد لله ع سلامتك والله لا يوفق كل واحد مهمل ....

وتتربى لجين الحلوة بعزكن ودلالكن ...

الله يتمم ع كل حامل بخير

ودي