نداء عاجـــــل لـــ أم تركي

[أم تركي]

حبيباتي بسألكم هذا حملي الأول وأنا حامل بتوأم ماشاء الله تبارك الله و حالياً بالشهر الثاني بس رجلي الله يعزكم مشدوده ( رجلي اليمين ) من فوق لأسفل مره تتعبني في الجلسة والنوم .. أعطتني الدكتورة فيتامين بي أربع ابر في العضل وحبوب ..
هل فيه وحده تعاني نفس الشي وايش اللي ممكن أستخدمه لتسكين الألم ؟
أفيدوني تكفون ..

[كوثرية]

وأنا حامل بتوأم

ما شاء الله كثرنا الله يزيد ويبارك

بس رجلي الله يعزكم مشدوده ( رجلي اليمين ) من فوق لأسفل مره تتعبني في الجلسة والنوم

لا تحاتي في ناس في الحمل يجيهم ألم في المفاصل زيي مثلاً في حملي الثاني
وفي ناس عضلات الرجل زي حملي الحالي
وفي ناس وفي ناس أشكال وأجناس

لاتفكري زايد كله طبيعي

[أم تركي]

مشكورة حبيبتي ربي يطمنك زي ماطمنتي قلبي ..
طيب بسألك كم تستمر معايه الحالة هذي ..؟؟

[غنوجة خالد]

هلا حبيبتي انا بجاوبك ذا المرة واسفه ترى ممكن يستمر معاكي الالم الي الربعين انا في حملي الثالث جلست اعاني منه في الحمل وفي الولادة زاد والله اني اذا بغيت عزكم الله دورة المياه يشيلني اخوي ويوديني واذا خلصت يشيلني ويرجعني سريري والله يكون في عونك

[ام رشودي]

بصراحه ما عندي فكره عن هالموضوع بس اعتقد انه شي طبيعي

[عزيزة النفس]

انا في الشهر الثامن والتاسع كنت زي العرجا الرجل اليمين ماقدر امشي عليها بس اتكي على جانب الرجل من قوة الشد من عند الورك والله كان حالتي حاله وما طبت الا بعد النفاس بفتره ولما حملت بالبنت ما رجع لي لكن يجيني شد عضلي وانا نايمه اقوم من شدة الالم
الله يعافيك ويشفيك ويتمم عليك يارب وكل حامل

[أم تركي]

مشكورين حبايبي ماقصرتوا وربي يعيني ويعين كل حامل ..

بقولكم على حل وحده قالتلي أنقع مر وأدهن فيه رجلي وصار لي يومين أستخدمه والحمدلله حاسه بفرق كبير ياليت أكون أفدتكم ..