ندمانه ابي أستشيركم

[احزان الندم]

مبارك عليكم الشهر
أنا افكر اذا تقدملي احد وانا مطلقه من ثلال سنين ولدي طفل عمره ثلاث سنين
اقبل به ام اجلس اربي ولدي

[احزان الندم]

بنات انتظر ردود كم وانا جديده في منتداكم ولا احد رد

[ρυяỉтч •]

اهلين حبيبتي .. ماقدر اقولك ايه تزوجي يمكن تظلمين ولدك ، ولا اقولك اجلسي عليه بتظلمين نفسك
اللي اقولك اذا خطبك واحد سنع ، استخيري ربك + اشرطي ولدك معك وسكن لك لحالك
وربي يسهلك امورك وتتوفقين بحياتك

[ام رتوله]

لا تخافين حبيبتي
والماضي انسيه
وزي ماقالت الاخت استخيري
واشترطي بيت مستقل وطفلك يكون معك واي شرط حابه تقولينه قوليه لان اللي اوله شرط اخره نور
واعرف وحده كانت مطلقه وعندها خمسه وتزوجت رجال عزها واكرمها هي وعيالها والحقيقة انها معلمة بس صراحة تمدح زوجها الثاني وتذم طليقها اللي تركها وترك عياله بس هي اشترطت عيالها يكونون معاها ووافق وغير كذا انجبت طفل من زوجها الثاني واحس ما شاء الله تبارك الرحمن انسان محترم ويخاف الله فيها وفي عيالها

[احزان الندم]

الله يجزاكم خير يابنات والله أنا في حيره ماقدر اخلي طفلي وهو رجال كويس وحالته الماديه كويس
وأخاف يجئ أبوه ويأخذه مني اذا تزوجت يارب فرجها علي والله أني في هم

[مشاعل الدوسري]

السلام عليكم ..

حبيبتي اذا في حد يربي ولدك اهلك واثقه فيهم اهل زوجك واثقه فيهم ..

أنصحك تتزوجين و الولد بلنهاية مرده يكبر و يدخل المدرسه و يلها لو بتعشين عمرك كله للولد و انتي ماعندك الا ولد واحد
في النهايه بيكبر و يشتغل و بيتزوج و انتي ما خلفتي له اخوان و عزوه بلدنيا ..


لو حد تقدم لك و كان كويس ..
أكتبي في عقد الزواج حق زيارة ولدك لك ..
و اكتبي مصروف شهري و اكتبي دراسه و عمل لو حابه
كل اللي تبينه منه سجليه بلعقد ..
سكن خاص ولا لا


شروطك اللي قلتيها له و هو واقف عليها ثبتيها بلعقد ..

1- مصروف شهري ..
2- سكن خاص ..
3- زيارة مخصصه اسبوعيا او كل اسبوعين لولدك ..
4- دراسه و شغل

اعتقد هذي اهم الشروط ..

و انصحك بلزواج ..و الولد بيعيش المهم انتي بعدك صغيره كملي حياتك..و جيبيله اخوان

[huda_l]

انا اقول لازم تزوجي بسسس تزوجي انسان يخاف ربه ويربي ابنك معك ومادام ابنك طفل ازوجي قبل لايكبر ويصير الموضوع صعب بس لاتضعين حق ابنك ولا اتجورين علية ابدااااااااااااااا

[صبُر]

إذا طليقك وافق إن ولدك يتربى عندك بعد الزواج
توكلي على ربي ووافقي خصوصا لو ان اللي متقدم لك
يخاف ربه و طيب واخلاق . .

واذا طليقك ماوافق الولد يتربى عندك
استخيري وربي يكتب لك اللي فيه الخير . .

انا انصحك تتزوجي
وحتى لو طليقك اخذ ولدك
من حقك تزورينه او هو يجيك لو مره بالاسبوع
والولد مصيره يكبر ويجيك . .

وربي يتمم لك على خير

[احزان الندم]

الصراحة يابنات كلامكم يفتح النفس تسلمون حبايبي طيب اقدر اضمن الحضانه لامي بعد زواجي تكفون جاوبوني

[صيته]

لكل موضوع حسنات وسيئات والله سبحانه وضع الطلاق والزواج لحكم

اسالي نفسك ايش المانع اللي ممكن يمنعك من الزواج مره ثانيه ؟
وايش الفايده اذا جلستي كذا على طول ؟

انا اشوف انك تتزوجي وتستفيدي من تجربتك الاولى تاخذي حسانتها وتستفيدي من سيئاتها وان شاء الله تبني لك حياة جديده مستقره
والولد طالما ابوه وامه عايشين فهو بخير ولاننسى ان ممكن زوجك في حال تزوجتي يكون صالح ويسخره الله لك ولولدك