أبي مشورتكم

[ودي بطفل أضمه]

مساء الخيرات بنات ألي العيب من زوجها ابسالها هل أهله درواء بعيبه يعني زوجك علم اهله انه العيب منه ؟ لأن انا العيب من زوجي وام زوجي تلمح انه تبي تزوجه وتجرحني بالكلام وهو يقول اني قايل لأمي انا العيب مني بس ماصدقته لانها لودرت انه من ولدها كان اسكتت ولا تكلمت ابي شوركم اذا قالت لي ابي زوج زوجك وش اقولها ابي رد ذوق مابي اتلفظ واغلط عليها وجزاكم الله خير الجزاء

[●•• ShąhǿǾǿĎ ••●]

حبيبتي عادي اذا قالت ترا بزوج ولدي ردي عليها بأدبج واخلاقج الي تربيتي عليها بالبدايه اذا قالت بزوجه سأليها قوليلها ليش تبين تزوجينه اذا قالت ابي اشوف عياله او من هالكلام قولي لها يعني الحين لو المشكله منه ترضين اني اتركه واتزوج غيره وع حسب ردها قولي لها انه تحبين ولدها ومستعده تتحملين العمر معاه بدون عيال رغم انه اهو سبب تأخير حملج يعني بالاخر قبل ماتسكرين الموضوع خل تفهم انه رحتو وكشفتو اكثر من مره وطلعت المشكله منه مو منج وياارب يشفيه لج ويررزقج الحمل قررريباً يااارب

[ودي بطفل أضمه]

مشكوره اختي امين الله يجزاك خير شاكره لك مرورك

[Suki]

انا اهل زوجي من درو انو العيب في ولدهم ابد ابد مايتكلمون بالعيال

سبحان الي سكتهم

[ودي بطفل أضمه]

مشكوره اختي سكن الروح الله يرزقك بالذريه الصالحه قولي هذا الدعاء(يافارج الهم وياكاشف الغم فرج همي ويسر أمري وأرحم ضعفي وقلة حيلتي وأرزقني من حيث لاأحتسب يارب العالمين)و(أسالك اللهم يامالك الملك يامن تؤتي الملك من تشاء وتعز من تشاء بيدك الخير كله ياحي ياقيوم يارحمن ويارحيم يارب لا تذرني فردا وانت خير الوارثين ياأرحم الراحمين ادعوك اللهم إنك ترزقني الذريه الصالحه والخلف الصالح وتجعلني وتجعلهم مقيم الصالحه ومن ذريتي يارحيم ارزقني الذريه الصالحه

[عاشقةالفردوس]

حتى انا من بعد ما درو ان السبب من ولدهم ما تكلمو ابدا
اصلا انا قلت لهم قريب انه من ولدهم
والحمدالله ع كل حااال

[ودي بطفل أضمه]

مشكوره اختي عاشقة الفردوس الله يرزقك الذريه الصالحه يارب بس انا خايفه ان زوجي ماقالها وماودي انا اقولها ولدها ماقالها اخاف يزعل وهو قال انا قلت لأمي بس امي ماهي مصدقه تحسب اني اقول العيب مني علشان احبك