الجنين جالس

[روحي شوق]

صباح الخير حبايبي طبعاً زي ماهو مكتوب بالعنوان انا دخلت التاسع لي اسبوع
والجنين جالس وكتبت لي الدكتوره موعد ولاده قيصري الاثنين الجاي
وانا ماودي اروح للموعد لانه لسي بدري علي الولاده
وامي نصحتني اني مااروح للموعد تقول انتظري كم اسبوع
لين يجيك طلق لانه الجنين مع الطلق بيلف علي راسه باذن الله
وانا حبيت اخذ رايكم بها الموضوع لان رايكم يهمني خاصه
للمجربات ياليت تعطوني نصايحكم قبل مايجي الموعد
ولكم مني الشكر والعرفان

[روح حمودي،،]

الله يتمم حملك يـآآرب وحملــي .. ان شاء الله تولــدي طبيعي وتقومي بسلامه ياقلبي ..
انا بكريه .. بس ماحبيت اقراء موضوعكـ ومارد عليكـ .. انا اقول استني لاتستعجلي ..
والله يفرج لك يـآحي ياقيــوم .. وللجميــع ..
وان شاء الله البنات يفيدووك اكثر واكثر ..
والله ييسر لك يــآآرب ..

[Ļadҹ Zozσσ]

الله يتمملك على خير حبيبتي ويسهل عليكي ..
انا برضو بكريه بس راايي انه دام لسا بدري لا تستعجلي .. اذا كنتي ع النهايه او دخلتي بالعاشر وقتها قرري
ان شاء الله الاخوات يفيدوكي ..

[انا المستحيل]

انا ابني ال يقبل هذا الحمل هو كان جالس وبس كان قاعد على قلبي وقرروا عمليه ليشششششششششش لان المويه كثيره وتسحب الحبل السري وتخنق البيبي بس انا كنت بالمشفى واحده تصرخ قاعده تولد قلت ايش بيها قالوا راس البيبي فوق وماشاء الله ولدت طبيعي اما انا غير لما قرروا عمليه جاني طلق فضيييع يطلع الروح وبس فاتح ثلاثه سانتي وراح البيبي ارتفع راسه زياده وصار بنص بطني وقالوا ايش تبغي ومن قوة الالم قلت عمليه ابغى ارتاح والحمدلله على كل حال الخير فيما اختاره الله

[الامل الموعود]

لاتروحي تعملي عمليه
اصبري حبيبتي
وحاولي تسجدين وتحبي وبيعتدل ان شاء الله
وراسه بينزل تحت

[نسمات هادئه]

اذا ماعندك اي مشاكل لا انتي ولا البيبي وكله بس عشان وضعية الجلوووووس انا انصحك انك ماتروووحين لأنه ممكن يقلب

بوقت الطلق

وانتي احبي واطلع درج كثير وامشي كمااااااان وممكن هالشي يساعده انه يقلب معاك

بس تأكدي اول ان سبب توليدك بعمليه بدري انه بسبب وضعية الجلووس ومافي اي مشاااااكل ثانيه

لأن بعض الدكتورات يبكروون بعمليه اذا في اي خووف ع الجنين او الام

وربي يقووومك بالسلامه

[حـورية]

يعني ليش بتولدج كذا بكير و لا بتنتظر يمكن الجنين يتعدل من روحه
شوفي انا حسب قراآتي الكثيرة لمواضيع الجم و الولادة اقولج اسالي الطبيبة اذا كان الجنين تعبان او نبض قلبه ضعفان او قلانة مية الجنين بس اذا الجنين ما عنده مشاكل اقول امشي على شور امج نطري تخلصي التاسع ليش العجلة
روحي شوفي طبيبة ثانية تاكدي ان وضع البيبي تمام و ان ما عنده مشاكل

[بطة جدة]

حبيبتي انا كنت زيك احسب انو راح ينعدل في اي وقت بس طلع مو صحيح لانو كان الجنين عندي جالس من نهاية الشهر السابع الى ان دخلت السبوع الماضي التاسع يعني كنت 36اسبوع و3ايام سويت الشعه وبرضوا جالس فسولي عملية تدوير للجنين بس تقول الدكتورة مو اي دكتور يسويها لازم يكون متخصص فيها لانها لاقدر الله ممكن يلتف الحبل السري على الجنين او تنفصل المشيمة عشان كدة يسوها في غرفة الولادة حتي اذا حصل شي لاقدر الله تكون غرفة العمليات قريبة وبعد التدوير يتم ملاحظة نبض الجنين بعدها مدم ساعه او ساعتين بس التدوير ما اخد 5دقايق فنصيحة اسمعي كلام الدكتورة هي ادا بحالتك او استشيري دكتورة ثانية ولا تنسي الستخارة والله يسهلك الولادة على خير يارب وادعيلي ربي يسهلي الولادة

[روحي شوق]

اهلين فيكم حبيباتي كل اللي ردوا علي الله يسهل عليكم ولاداتكم ويرزقكن الولاده الطبيعيه
السهله والله انكم ماقصرتوا معي وردودكم كلها مهمه بالنسبه لي
بس انا الجنين فيه تضخم باحدي الكلي ...والدكتوره قالت راح نسوي قيصريه لان الجنين جالس بس ،،،يعني ماجابت طاري التظخم مع اني اعرف كثير ولدوا
طبيعي ومواليدهم كان فيهم تضخم قبل الولاده .