انا تعبت خلااااااااااااااااص مافيا صبر

[أحلى ماما]

السلام عليكم ورحمة الله وبركاته

بنات انا متزوجه ليا 11 شهر ودحين حامل ويومين وادخل التاسع
ونفستي تعباااااانه من الحمل تعبت مراااااااااااااا كتير

وزوجي كل يوم بعد الشغل يروح عند اصحابو يسهرو الين الصبح
وانا اجلس لووحدي في البيت ماعندي شي اسوي احس بوحدة وقلق

مني عارفه ايش اسوي عشان مايروح يسهر برا انا من جد خلاص طفشت وتعبت
ولاتقولي روحي اجلسي عند اهلك
لانو بابا اتوفى قبل 6 شهور الله يرحمو
واختي مخطوبه وكل يوم خطيبها عندها
وماما فين وفين تجلس معايا يعني لمن اروح عندهم اجلس لوحدي
فاجلس في بيتي احسن
انا من جد تعبببببببببببببت

قولولي ايش اسوي ساعدوني بللللللللللللللللللللللللللليز

الله يصبرني على الى انا فيه

[اميرة بدنيتي]

حبيبتي حاولي انك تجذبينه عشان مايروح يسهر

بس يجي الليل جهزي العشاء بشكل رومانسي

وزيني البيت وشغلي شموع حلوة وقولي له

محتاجه لك تبقى معي الليله فرصه

قبل مايجي النونو يعكر علينا وباسلوب دلوع

وفهميه انك اولى من ربعه بالسهر

وانشاء الله يتغير

[أحلى ماما]

ان شاء بحاول اسويها بكرا بس انتي عارفه حمل ويادوب اسوي شي الله يسهل علينا يارب

[سموة الشوق]

الله يسهل عليكي ويسخر زوجك لك يارب.
حنني قلبه بكلمات بجلسة رومنسية وهدوء وإلبسي له لبس الإغراء وحدثيه عن مايجول في خاطرك من وحشة وإشتياق له وماتشعرين به من وحدة قاتلة
وقولي له إنك خايفة يجيك بوادر طلق الولادة وإنت بعيد عني
أشعريه بحنانك الجم له
والله ياأختي سترين مايسرك
دلعيه وشوفي النتيجة
ولاتنسين الدعاء له بأن يسخره لك
والله يديم المحبة بينكم أبد الدهر.

[مودي]

حبيبتي كلميه وقولي له انا محتاجتك ذي الفتره وازعلي منه اذااماهتم وقوليه اخاف الولادة تجي في اي وقت تكون انت مو وجود ومن دا الكلام وانشاءالله يهدي الله قلبو ويسخرو لك
وروحي عند اهلك اذا مره لوحدك وسبية لوحده

[أحلى ماما]

مشكورين يااحلى اخوات في الدنيا من جد حسيت انو في احد يحس في الدنيا دي


وان شاء الله اسوي كل الى قولتو

[سموة الشوق]

أفا يالغالية


نحن تحت أمرك


واحنا أخواتك


تستاهلين كل خير عزيزتي

هونيها وتهون


والله يسعدكم أبد الدهر ويبعد عنكم الهم والكدر...

[أحلى ماما]

تسلمي ياطيف الله يسعدك يارب

[منو عبادي]

الله يسعدك ويحنن قلب زوجك عليك ياااااااااااااارب

[رهومة]

اااااااه يا احلى ماما الرجال دي اليومين يبغو الفكة من حريمهم مع انو مايحسو كيف الوحدة تكون محتاجة ظلهم جنبها خصوصا ازا قربت الولادة


لاكن مافي غير انك تجلسي معاك إلا بالطرق الى قالو لك عليها الاخوات

وبقولك طرق تانية ,,,

نزلى افلام جديدة من النت

وارسلى لو مسج

انك حابة تسهري وتتعسي معاه اليوم

ودقي على اي مطعم يوصل لك بيتزا او سندوتشات

ورتبي البيت على قد ماتقدري والبسي لبس جديد وسوي شعرك لو سشوار عادي

وحطي حبتين روج وكحل

وازا جا رح يعجبو الحال

اتعشو واتفرجو الفلم

او اخرجي معاه بحجة اغراض البيبي

مرة قولي لو نسيت اشتري المنشفة ومرة مصاصة ...

يعني حاجات زي كدة ...

والله يسخر لنا ازواجنا اجمعيييييييين