فكرت ان اجهضه فرفض ان يحيى

[ام فتحي]

حبيت اليوم احكيلكم قصتي انا ولدت من 6 شهور وكانت ولادة معسرة وجاني طلق مديد واتعزبت لدرجة انو قالت الدكتورة انو بغرفة الولادة كانت رح تفقدني انا والمولود وحسيت اثناء الولادة انو روحي بتطلع من ايديي بس سبحان الله وبحمده الله نجاني ونجا طفلي
واستعملت حب مانع للمرضع وبعد اربع اشهر ابني رفض صدري سبحان الله ووقفت الحب وقررت ركب لولب لانو حب المانع العادي بيسمن كتير
وقفت شهر وقلت لما تجي الدورة رح ركب اللولب وما اجت الدورة
حللت طلعت حامل لما اعرفت اعدت ابكي لانو لسى ما انسيت عذابي من كم شهر وطفلي اتعذب كتير بعد الولادة واعد بالحضانة يعني صرلي بس شهرين متطمنة عليه واسترد عافيته
رحت للدكتورة وفحصتني وقالتلي انتي حامل قلتلها ممكن نزل الحمل
قالتلي لا حرام مع العلم انا ما كنت اعرف انو حرام
كنت اظن انو قبل الاربعين يوم مو حرام قالتلي لاحرام ارجعت عالبيت وضليت طول الليل فكرت اجهض او لا وقريت عالنت واعرفت انو حرام دعيت لربي بالليل وقلتلو انت عالم بحالي انا سلمتك امري وامر جنيني اعني على حملو وانجابو وتربيتو هوة واخواتو مع العلم عندي طفلين 5 سنوات و3 سنوات
ومر شهر وقبل موعد زيارتي للدكتورة بالليل نزل دم كتير وما اعرفت ليش ما نمت للصبح ودقيت للدكتورة
قالتلي تعالي العصر رحت العصر قالتلي انتي اخدتي دول للاجهاض قلتلها لا قالتلي قومي لافحصك بالسونار وكانت مو مصدقتني .
ولما شافت الشاشة قالت سبحان الله !!!!!
قالتلي الحمل اتوقف من اسبوعين قلتلها كيف قال لازم عالاربعين يوم يجي للنطفة نبض ما جاها نبض
سبحان الله
قلتلها يمكن ربي عاقبني لاني فكرت اجهض
قالتلي لا ربك جازاكي لانو ما غضبتيه واجهضتي
وقالتلي الحمل بدا ينزل ونزل الحمد لله



اسفة عالاطالة بس حبيت اطلعكم عالتفاصيل
اعطوني رايكم بقصتي
وشكرا

[عسولة فلسطين]

اولا حبيبتي
الله يعوضك خير يارب
والف سلامة عليكِ
انأ أؤمن بشدة انه الشي اللي بيصير لبني آدم هو خير من عند رب العالمين ....لعله خير

[احساس أنثى]

عشان دائما الواحد مايستعجل بقرارو

انتي كنت ناويه على الاجهاض وتم الاشي لكن بارداة ربنا مو بايدك

وطبعا كلو خير ومكتوب لك

[ام فتحي]

شكرا على مرورك اللطيف والله يرزقك الزرية الصالحة التي تقر بها عينك

[ام فتحي]

شكرا على مرورك احساس انثى وانا والله ما كنت اعرف انو حرام بس الحمد لله وما اعملت هالشي
ربنا قدر وما شاء فعل

[نفسي أكون أم]

الله يعوضك خير يارب
والف سلامة عليكِ
قدر وما شاء فعل

[ام اسكندر]

هذا قدر من ربي

وربما كان لك فيه خيرة من امرك

ربي مايقدر شي الا لحكمة

وعسى ربي يعوضك بخير منه
ويحفظ لك ما اعطاكي

[مجنونة بحبها]

الله يعوضك ويحفظ اولادك


قدر الله وماشاء فعل

[ام فتحي]

عزيزاتي.....
ام اسكندر ,,,, نفسي اكون ام ,,,,, حبيبة ماما
شرفني مروركن والله يحفظكم ويكرم كل محتاجة بزرية صالحة تقر بها عينها
امييييييييييين يا رب العالمين

[a7tajk]

الله يعوضك