قصة ولادتي

[بنت ابراهيم]

بسم الله الرحمن الرحيم
مريت بمعاناة الله اعلم بها
كنت بالشهر التاسع انتظر الولاده بفارغ الصبر وكل ما يجيني الم اختبص وزوجي يختبص اكثر مني ويروح واتحطم تميت التاسع ودخل العاشر وما جتني الولاده جلست اسبوع تقريبا المهم كان كان عند حمولتي عزيمه بمزرعه واهلي كانو مسافرين وكان زوجي متردد يروح ولا لا قال روحي معي عشان ارتاح قلت مقدر تعبانه كان بطني زي الحجر والجنين جلس تقريبا اكثر من يوم ما يتحرك قلت لزوجي ابد رح يعني كل ذي الايام ماجتني ولاده بتجيني بذا اليوم المهم راح وكلمت اختي وقلتلها ان الجنين ما يتحرك قالت الحين روحي المستشفى قلت مافيه احد يوديني قالت دقي على زوجك قلت لا مابي اروعه على الفاضي قالت اجل روحي مع السواقين اللي بالايجار قلت خلاص المهم رحت المستشفى قلت للسواق راح انا يمكن اتاخر اذا خلصت كلمتك وراح وقلت للدكتوره حالتي قالت لازم نسوي تخطيط المهم حطو لي التخطيط والممرضات يناظرون ويتكلمون مدري وش يقولون انا عرفت ان فيه شي خطر من طريقة كلامهم ايه ترا جوالي تقفل كان مافيه شحن وجت الدكتوره وقالت بسرعه الحين نسوي العمليه قلت ليش قالت النبض مرره ضعيف قلت طيب بصلي المغرب قالت مافيه وقت وعلى طول دخلتني غرفة العمليات حتى قالت لي انا اللي اوقع وزوجي ما يدري ولا اهلي ويدق علي مقفل جوالي واختي تدق ونفس الشي رجع البيت ولا لقاني تخيلو من المغرب لين الساعه 11 وهم يدوروني بلاخير راحو المستشفى وسأل عني ولقوني المهم اقولكم وش سبب ان الطفل ما يتحرك كان الحبل السري ملتف على رقبتها وكانت مبرزه بالبطن وشاربه من المويه ودخلوها العنايه اسبوع يعطونها اكسجين وكان وجهه يروع ازررق عشان كانت ما تتنفس والحمدلله ربي لطف وعاشت والحين صارت احلى بنوته الله يحفظها من كل شر يارب
نصيحه اذا الطفل ما تحرك لمدة 8 ساعات لازم تروحين تشوفين السبب انا يوم قلت لدكتوره ما يتحرك اكثر من يوم هاوشتني تقول خطر تقول اذا جلس ما تحرك اكثر من ثمان ساعات لازم تروحين المستشفى تقول بغت بنتك تروح منك .

[دلوعة تايسون]

حبيبتي الف حمدلله على سلامتك وسلامتها وياربي الكل يستفيدون من قصتك

ومرة ثانية انتبهي على عمرج حبيبتي

[مهآآتك]

الف الحمد لله ع سلامتك وسلامة البنوته والله يرزقك برها

[أم أصيـــل]

يارب سترك
الحمدلله ربي لطف فيك وفبنتك,,,
والحمدلله على سلامتكم
بس برضوا غلط تروحي لحالك زوجك شريكك وأبو بنتك لازم يكون عنده علم.....

[كعوشه]

الحمدلله ياررب انه عدت ولادتك على خير والحمدلله على سلامتك وسلامة البيبي وربي يقر عينكم بشوفتها وتكون بنت صالحه باره بوالديها

[امه الله 2]

الحمد الله عالسلامه حبيبتي وعلى سلامه البيبيه والله يحفظها ويخليها

[بنت ابراهيم]

الله يسلمكم من كل شر تسلمون على مروركم حبايبي

[حنين روحي]

يمه الحمد الله الله حفظها

الحمد الله ولدتي بسلامه

[يغار الحلى]

الحمدالله ع سلآمتك

والف مبرووووووووك البنوته تتربى بعزكم يارب

[Um aboodi]

الف الف الحمدلله على سلامتك الصراحه عورني قلبي