قصه ولادتي

[هنادي الشايع]

السلام عليكم
مساء الخيررر ع الحوامل الله يفرج عليكم جميعا قبل سنه كنت هنا اتابعكم
أمس ولدي الحمد لله كمل سنه افتكرت ايام التعب والولاده ودخولي النت ادور شي يسهل

والحمد لله ايام راحت ونسيت التعب والله يخلي لي عيالي

انا يالحبايب كملت التاسع وزودت عليه اسبوع وعيدت أول يوم وفي فجر ثاني يوم في العيد نزلت المويه علي بعد ماشربت الخروع وهذا حملي الثالث وكل ولاادتي تنزل المويه ويروح الطلق بعده والاكيد انهم بيعطوني طلق صناعي لان الرحم مو مفتوح الا 2 سم والطلق موقف وعذاب بالساعات حتى يفرجها الله وجتني الدكتوره الساعه 7 وقررت لي صناعي واخذت تحميله وتقول لو مانفعت تاخذين الثانيه وثالثه وهكذا
أخذت التحميله الساعه عشره الصباح ونمت قلت انتظر الطلق ولانه اليوم الي قبله عيد وسهرانه طول اليل من القلق فنمت نوم عميق صحيت 12 الظهر لقيت نفسي لا طلق ولا شي واتصل ع زوجي ابكي اقول قلهم عمليه يريحوني لان شكلي مطوله وجلس يهديني ويقول باحاول اكلم الدكتور لان المستشفى مانع دخول الرجال بصفه عامه قسم الولاده
ورجعت انام وصحيت 2 الظهر وامشي شوي واجلس عشان المويه لاتروح اكثر وانا نفسيتي دماااار وحزينه مررره امي مسافره واخواتي كلهم مافي احد معي وجلست ادعي واستغفر ولما صارت 3 بدأت نغزات بسيطه وطلق خفيف وأتألم بشوويش ما ابي السستر تسمع لانها بتكشف وتوديني غرفه الولاده الا والدكتوره شافتني قالت فيه الم قلت شوي وطبعا هي جايه تبي تعطيني التحميله الثانيه قالت باكشف لقيته 3 قالت مافي لزوم للتحميله الثانيه والالم يزيد وع أذان المغرررب بالضبط دخلوني غرفه الولاده ومن حسن الحظ ان الطاقم الطبي بيتغير وتغير للاحسن والحمد لله وراحت الافريقيات وجو الفلبينيات وكانت مو مره تعطيني وجه المسؤله عني بس كنت موكله امري لله أتصلت ع زوجي اخبره اني بغرفه الولاده صلى المغرب ويدعي لي والالم في زياده ولما قرب اذان العشا حسيت اني باطير من ع السرير واصيييح قلبت المستشفى صراخ وتجي تكشف تقول 9 سم ولاده وتجهز للولاده وانا اصارخ وتقول يالله ادفعي احاول ماقدرررت وتخلييني يمكن 10 دقايق تنتظريني اولد وانا اصارخ اقولها ماقدر واسألها تشوفين راسه تقول لا حطمتني بعيالي يقولون يالله راسه نشوفه اتحمس وادفع وهذا كنت خايفه لان وزنه قالوا لي 3800 قلت كيف بيطلع وانا من ولادتي بعيال متعسره وطلق صناعي

المهم وتجي سستر سعوديه الله يسعد ايامها ويوفقها تسمع صراخي وكلامي للسستر وتحاول تهديني وتقولي اذكري الله اشوف شعره تحمست انا وقالت اول ماتحسين بالطلق ادفعي وتجي الفلبينه الثانيه وترفع رجلي اليسار فوق وهالحركه ساعدتني ودفعت بقوه الا احس به طلع وقفتوالسستر تصيح تقول اكثرر اثاري ماطلع الاشوي وازيد الا وهو طالع رميت بنفسي ع السرير احمد ربي بشكل هستيري ويحطوه ع صدري ويقولون وش هذا ما رديت وتعيد السستر وش هذا ولد اوبنت قلت ولد احس ودها تتاكد انا في وعيي واتصل ع زوجي ابشررره بالرغم ماكان ودي اني اتصلت بس نظامهم اتصلي او هو يروح الاستقبال يسال واحن نخبر الاستقبال وهو كان بالمسجد يصلي العشا يقول فتحت باب الاستقبال ع اساس اسال الا وانا اتصل بشرته بولادتي والحمد لله ع نعمه في ا لاولى والاخره الحين عبووودي عافسنا بالتخريب وراها كلنا انا والشغاله واخوانه وابوووه الله يصلحه يحبي بس مافكر يمشي
وبس يالحبايب

[شمس غزة]

الحمد لله على سلامتك هنوش....

وان شاء الله بيتربى بعزك هالصبي...

شايفة العذاب...ان شاء الله المرات الجاية بتكون أسهل وأهون عليكي....

وشكرا إلك لأنك شاركتينا قصتك...انا بالشهر التاسع وبصراحة خايفة

بس ان شاء الله خير...

سلمتي

[أصآآيل]

الله يسعده ويخليه لك ويحفظ لك اخوانه ....

[امه الله 2]

الف مبروووووووووك والحمد الله عالسلامه حبيبتي

[أنـــ غير ـــا]

الف الف مبرووك

[هنادي الشايع]

يبارك بأعماركم و بعيالكم

ومشكورييين ع الرد

[غفوره]

ااااااه الله يعينك يارب خوفتيييييني ادعيلي ربي يسهلي ولادتي ماني متخيله الالم والموت حاسه اني رح اكره احمل مره تانيه استغفر الله هههه :(

[أم عبدالرحمن السلفية]

الحمد لله على السلامة ....

[nano nono]

يالله الف الف مبروك والله يحفظه لك انشالله
وعقبالنا يارب لأني خايفة كثير من الولادة

[هنادي الشايع]

لاتخافين اهم شي الدعا ان الله ييسرها لكم وان يسخر لكم طاقم طبي حلو