صباح الطهر ..

[نجمه الليل]

صباح الهم وجروح الزمن وموادع الاحباب
..........صباح الضيق وضحكات الغدر ومواعد احبابي
صباح الظلم ياوجه الحقود البايع الكذاب
..........صبــاح الطـهر وانفــاس العبيــر بــوجه شيابي
انا مدري وش بلا صبحي بداباهت كذا مرتاب
............ولا ادري وش بلا ايامي خذت اطباع احبـابـي
غدا يومي كذا بارد ثقيــل ويعتريه عتــاب
.............مثل صدر الرفيق الي بروده احــرق اعصابي
ابد ماعادو احبابي ..ولا احباب القلوب احباب
..........ولاعاد القريب قريب ولا اصحابي(هم)اصحابي
غدا وقتي مثل روضه تبدّل حسنها بتراب
...............تعبت ازرع بها وردن يجرّح شوكه اهدابي
كبت الضيق في صــدر الليالي وخاطره ماطاب
............اليـــن استوطن ضلوعي وضقت بداخل ثيابي
برد صدر المكان الي رحل عنه دفاه وغاب
.............بــكت بالحيل جــدرانه متى يرجع ويــدفا بـي
رحل من دون مايحسب لكل الي تركه حساب
...............رحل ادري ولاهـمه ولاهــو حاسب حسابي
ثقل دم الحنين الي تعب من وقفتي ع الباب
................تعبت وملني صبري وملت وقفتي ابوابي
انا ماابي اعاتبهم ولابسأل وش الاسباب
...............وإذا هذا جزاء طيبي عسىآ الله يجبر مصآبي

.
.
كــل الود لقلــوبكــم
.
.
منقول