افيدوني..

[غلاته]

السلام عليكم....
انا متزوجه من سنه وكام شهر غيرتي الزايده والشك ذابيحيني ..
زوجي كان يدرس بدوله عربيه برا السعوديه اول ماتزوجنا حصلت ف جهازه القديم ارقام بنات بالهبل صارحته بعد يومين لاني ماقدرت اسكت كسر جواله ووضحلي انه كان ياخذ منهم نوتات الجامعه تفهمت الموضوع غصب وحلف بالله وانه يموت فيني ومايشوف غيري اللي قاهرني انه كان بين الارقام رقم وحده عراقيه ووحده مغربيه لاكن ماسالت ليش ذولي ماخذ ارقامهم ..
احيان مااثق فيه مع مافي اطيب منه..
وايميله نفس الشي اضافات كثير وحلف انه مايعرف عنهم شي وزعل يقول ايميلي كان مع واحد من اصحابي وطلب مني احذفهم لانه مايعرف..
قبل فتره حصلت ف حسابه ع الفيس بوك رسايل قديمه لبنات يطلب تعارف انا خايفه تكون وحده منها بعد الزواج
اقوله يمسحهم ولا اسكت
ماودي احرجه واوتر العلاقه بيننا ف يمل بس من حقي احافظ ع حياتي..
اخاف بكرا التهي عنه ويلعب ب ديله..
والحمدلله حياتنا الان مستقره وكل واحد فينا يموت ع الثاني..

اسفه ع الاطاله ..

[الريمـ]

دامك قلتي حياتك مستقرة
وشو له تنكدي على عمرك وتنبشي بملفات قديمة
ياحبيبتي منو من شباب هالايام ماعنده ماضي
بس دام هو ترك هالماضي واختارك انتي لازم تحافظي عليه
وكثرة الشك هي اللي تدفع الزوج للخيانة
ثقي فيه وعطيه فرصته بس خلي عينك مفتوحة
مو بالتنبش وراه لا
اللي عنده حركات بطاله يبان عليه اما لو تصرفاته عاديه سامحيه وانسي اللي راح
والله يسخره لك يارب

[جنوني فنوني]

شوووفي حبيبتي الغيره الزايده يدل على عدم ثقتك بنفسك..

اسفه يعني ..وهذا الشي راح يحسه زوجك مع الايام

واكيد راح يقوول هي تغار عشان مو واثقه في نفسها

انتي لما تتكلمي معاه لا تتكلمي على اساس انك غيرانه اكيد

راح يكوون صعب لان كل الحريم يغاروو بس كل وحده بأسلوبها

يعني فهميه انو ذوول ما وراهم الا البلا وانو انتي واثقه فيه ..

وغيرتك عشان تحافظي على بيتك .. ودايما خلي كلامك ماراح تلاقي

احسن مني .. مستحيل وحده تتدلع زي ..الرجال يحب الحرمه الواثقه من نفسها..

الله يسخر زوجك لك ..ويوفقك يارب..

[حبي له آتعبني]

اتفق مع البنات الي قبلي
والله يسخر لك زوجكك مدام يحبك ومومقصر معكك لاتفتحين معه اشياء قديمه

[منى العين]

الغيره مررره حلوه وهمه للزوجين بس اذا كانت زايده راح تنقلب ضدك
انا زوجي عمله فيه نسوان ورجال ويتعامل مع نسوان اغار عليه صح وابين له
غيرتي هو يضحك وينبسط ويحاول يضحكني وكله يقول يا عمري الا تغار علي
بس من ناحية النت انا اعرف زوجي مو حق نت وخرابيط الايميل الا حقه ما ينفتح الا بس ايميل العمل
والجوال ما افتش فيه لانا احياناً يعطيني اياه اشوف اي شي يبيه ولا يخاف ولا شي وفيس بوك وتويتر ما يطيقهم ولا مسجل فيهم
فلازم اعطيه ثقه دام اشوفه كذا

حبيبتي انتي تشوفين فيه شي يكلم ويواعد اذا ما تشوفين وهو واثق من نفسه ويحبك لا تخلين الغيره تدمر حياتكم