من تختاري بنتك او زوجك

[ام رينااااد]

انا مطلقه وعندي بنت وتزوجت من اخر وبشرط ان بنتي تعيش معاي وافق وبعد الزواج رفض والمشكله لم اكتب هذا الشرط في العقد والان انا حامل المهم اني ماقدرت ع فراق بنتي وبنتي متعلقه فيني مره لدرجه اذا دخلت الحمام تقعد تدور لي وانا متعلقه فيها بالمره صورتها ماتفارقني احسها روحي وهواي اللي استنشقه وطلبت من زوجي ان اجيبها ورفض المهم انا ماقدرت اتحمل وانا طلبت الطلاق وقزت اتفرغ لبنتي وهذا اللي ببطني وشلت فكرت الزواج من راسي

[meso]

حبيبتى انتى اشترطى علية بنتك تكون معاك ليش غير راية بعد الزواج
هل تزوجتية عن قناعة وحب؟
وبنتك محتاجة ليك اكيد اكثر وفاقدة والدها صعب تفقد الاثنيين ,انتى استخيرى الله وقولى انج تبى بنتج تعيش معاك او تنفصلين منة
وشوفى ردة فعلة يمكن ربنا يهدية ويوافق انها تعيش معاك خصوصا وانتى حااااااامل منة
بس ماعرفت تطلقتى ولا بعد؟؟
واستخيرى اختى
والله يعطيك الصحة والعافية

[ام رينااااد]

انا قلت له ابغا اجيبها عندي ورفض بشده وانا لسه ماتطلقت منه بس طلبت الطلاق وبصراحه انا حاسه بالذنب لاني تزوجت وتركتها

[ليلى الحلوه]

قبل كل شي زوجج مب مال ثقه لإنه أخلف بكلمته , ما أعرف كم عمر بنتج بس أكيد طفله حرام تتركيها هي بعدها صغيره ومحتاجه رعايه وحنان منج لا تخليها تفقد هالشي لإنج لو عطيتها روحج إذا كبرت ما راح تنسى إنج تخليتي عنها يعني حرام بعدين تتفرغين للبيبي وتهتمين فيه وهي تحرميه من هالشي وريلج مب محتاج رعايه لانه كبير هي إلي محتاجه وبصراحه هو ما فيه ذرة رحمه لإنه لو فيه ما حرم بنت من أمها والله حرام أكره ما عندي أم تتخلى عن عيالها , وكافي إنج قلتي إنه بنتج ما تتخلى عنج لحظه والله شي يعور بالقلب أنا لو مكانج ما أتخلى عنها أبدا وما أبدي شي عليها ... والله يوفقج...

[رواسي]

زمن يخوف والرجال مالهم أمان
المفروض هذا الشرط مكتوب في العقد لان الحين نادر اللي تلقينه قد الكلمه
مشكلتك تحير جداً
لو انا مكانك بختار بنتي علئ طول بدون نقاش
لكن اللي في بطنك بعد ماله ذنب ينحرم من أبوه
حاولي مرة ثانيه تكلمينه علشان البنت واذا وافق لاتحسسينه انك مهتمه فيها كثير قدامه
ترا الرجال. مثل البزر. يمكن يغار منها ويشوفك مهتمه فيها

وأذارفض لاتضيعين بنتك اختاريها والله يكتبلك الصالح


نصيحه عامه معليش بطلع عن الموضوع شوي
يابنات اللي تبي تتزوج لازم تثبت جميع شروطها في العقد علشان تضمن حقوقها ترا الكلام كذا معاد ينفع لازم شي رسمي
وياليت بعد الوحده ماتستعجل على الحمل لين تشوف الرجال قد المسوؤليه والا لا
حرام نجيب عيال ونتطلق ويضيعون
والا نضطر نصبر على الاهانه والمذله علشانهم

[فوضت امري لله]

الله يعينك ياقلبي ويفرج همك مافيه اصعب

من الاختيار بين الضنى وبين الزوج

عسى ربي يهديه ان شاء الله ويحنن قلبه عليها

[ام رينااااد]

كلامكم ريحني جدا لانه مثل تفكيري وعمر بنتي 3سنوات ونص وفعلا انا استعجلت بالحمل بس مافي احد يدري وين الخيره وانتم فعلا حسيتوا فيني وكنت اتمنى الاقي احد يحس فيني

[ام ديالأ]

اختي بنتك أهم من كل شي لاتتركينها

[دمعه انكسار]

حياك الله اختي انا ماعرف انتي ودك بالطلاق يعني تببن ترجعين مطلقه مره ثانيه
تبغين لفشل للمره الثانيه
اختي اركدي شوي موكل شي بطلب الطلاق
ترا عيبنا متسرعات وبعدين نندم
طيب تعالي لو تطلقتي ورحتي لبنتك اوك واللي ببجي مابتتعلقي فيه
مو يمكن يحرمك منه
انتي ليه ودك تدخلي هالتجربه مرتين
بنتك ماراح تصيع مو هي عند امك امك بتحن عليها انشالله
بعدين انتي اقنعيه شوي شوي لين يقتنع
قولي انت تعتبر كافل يتيم وكافل اليتيم مع اارسول فالجنه. بتكون جنب الرسول
انتي ترفض صحبه اارسول
واذا قاا ل مويتيمه ابوها حي قولي مافي فرق بلعكس اليتيمه ارحم منها
قولي ربي لايعافبك وتجي حوبتنا بولدنا خاف ربك انا ام وبكره ام وبكره انت بتجرب هالشي
لاتفرقنا يابن الحلال لاتفجعني فيها
ومن هالكلام لين يلين
وقولي انا اعرف انك مو ابوها بس انت ابو الجميع وقلبك كبير وماتدري يمكن رزقك ع يدينها
وانت وعدتني وعد الحر دين
بكره بس يجي اخوها تلعب معه وتونسه وترعاه معي وتنتبه عليه.
وترا الكلام الطيب يلين الصخر
اما سالفه طلاقك ماني معك فيها ابد عبالك بتحلبنها نفس الشي ونفس الدوامه بتكوم مع ولدك
بالنفاهم والمحابل تجي وبالكلام الرايق
خلي عنك بس وسوسه السيطان
وبعدين يمكن انتي تدللينها قدامه وتدلعينها وتسحبين عليه لا شفتيها
ترا مو ابوها لا تبالغين قدامه لان يمكن اكلت عليه الجو
او تذكره ببوها
فلازم تكون حريصه وذكيه عامليها كويس لكن مو تسحب البساط من تحته
وخليك لماحه
ومافي مشكله لو. تجلس يوم او يومين عند امك
اعرف بنات جلسوا عند جداتهم وامهاتهم اعرسوا وساعات هنا وساعات هناك
مشي حياتك ولاتخربينها
صيحه مني اختك دمعه

[ام رينااااد]

والله ياخت دمعه حاولت معاه بكل الطرق وبكل الكلام الطيب ورفض واساسا هي ماقعدت معي ومعاه عشان يشوف اني ادلعها او لا كانت طول فتره زواجي عند امي بس هو مادري وش فيه وانا الزم ماعندي بنتي عادي اصير مطلقه ولا ايتم بنتي وانا عايشه