الدوره انزلت بس شاااكه انها مو دوره

[لوحه فنيه]

السلام عليكم ورحمة الله وبركاته
الدوره انزلت قبل موعدها بيومين بدون الم ولا مغص تفاجأة فيها لما دخلت الحمام اكرمكم
الله للوضوء لصلاة العشاء لما مسحت بالكلينكس شفت الدم ابد مانزل على ملابسي شي
فقط لما امسح بالكلينكس هذا اول يوم من نزول الدم
الدم احمر صافي
ثاني يوم نزل دم ولبست كوتكس بس كان الدم صافي وجاني الم باسفل ظهري
اكلت ادويه للدوره مثل الرشاد والمردود ثاني اليوم الثالث كان بقع بنيه صباحا وخلاص طول اليوم نظيفه اليوم *اليوم الرابع نظيفه تماما بس قبل ساعه نزل على ملابسي الداخليه بقعة دم حمره على خفيف يعني كأنها مخففه بماء
المطلوب خواتي منكم ابي احد مر بهالحاله اللي انا فيها ؟؟
اذا احد مر بهالحاله شنو صار اخر شي دوره والا حمل؟؟
وهل حالتي تدعي اني اراجع طبيبتي او عادي دوره عاديه؟؟
يااارب كل وحده ترد علي يرزقها ربي باللي تمنى عاجلا

[صبرك يارب]

هلا حبيبتي
ان شاءالله تكونين حامل راجعي لدكتورتك
وشرحي لها حالتك. اذا حابه تتاكدين سووي تحليل دم

[مي &]

حبيبتي انتضري كم يوم اذا مانزلت مثل الطبيعي
حلي دم منتي خسرانه شي

وربي يجعللك حااامل هالشهر يارب

[لوحه فنيه]

اخواتي صبرك يارب ومي
مشكورات وجزاكم الله خير
انا اليوم اللي نزل علي دم كنت بنفي اليوم امغيره اثاث شقتي وشايله قطع اثاث ثقيله
يمكن هذا السبب انزلت الدوره قبل موعدها

[ام الغالي 72]

اختي لوحه فنيه
سوي تحليل حمل دامج شاكه بالدوره انها مودوره وطمنينا شنو يصير معاج
لانه في حمل ايسمونه الحمل الغزلاني ينزل دم كل شهر بدون الم ودم صافي نفس وصفج
يارب ان شالله اتكونين حامل حمل غزلاني

[لوحه فنيه]

المشاركة الأصلية كتبت بواسطة ام الغالي 72

اختي لوحه فنيه
سوي تحليل حمل دامج شاكه بالدوره انها مودوره وطمنينا شنو يصير معاج
لانه في حمل ايسمونه الحمل الغزلاني ينزل دم كل شهر بدون الم ودم صافي نفس وصفج
يارب ان شالله اتكونين حامل حمل غزلاني

اهلا اختي ام الغالي انا سويت امس تحليل منزلي كلير بلو وطلع سالب
والحمل الغزالني شلون يكون لون الدم لانه انا اول يوم لما امسح بالكلينكس دم احمر صافي
وثاني يوم لبست. كوتكس. كان ينزل دم احمر ومره نزﻷ دم احمر على اسود بس مره وباقي اليوم
احمر وثالث يوم مافي شي فقط بقيا دم حتى اني مالبست كوتكس يعني استملت 9فوط ثلاث منهم اغيرهم
نظاف احترت عندي موعد السبت مع طبيبتي لانه الموعد اللي فات تكنسل والحين موعدي معها السبت حاولت قبل السبت
بس مافب مواعيد
ام الغالي وكل من يقرا موضوعي يشرحلي دم الحمل الغزلاني
وشكرا ام الغالي

[Orchid109]

سوي تحليل حمل ووقفي ادوية واشياء شعبية لحد ما تطلع نتيجة التحليل
وبالنسبة لي انا مرت علي هالحالة بس ثاني وثالث يوم من الدورة

[لوحه فنيه]

المشاركة الأصلية كتبت بواسطة Orchid109

سوي تحليل حمل ووقفي ادوية واشياء شعبية لحد ما تطلع نتيجة التحليل
وبالنسبة لي انا مرت علي هالحالة بس ثاني وثالث يوم من الدورة

اهلا اختي Orchid
الحاله اللي مرت عليك شنو اخر شي طلع حمل والا دوره
وياليت تشرحيلي حالتك
ومشكوره حبيبتي

[nanoosh86]

اسمعي حبيبتي لازم تراجعي الدكتورة وان شاء الله اانك حامل

لانو من علامات الحمل نزول الدم بهالطريقة وان شاء الله خير يارب

[لوحه فنيه]

المشاركة الأصلية كتبت بواسطة nanoosh86

اسمعي حبيبتي لازم تراجعي الدكتورة وان شاء الله اانك حامل

لانو من علامات الحمل نزول الدم بهالطريقة وان شاء الله خير يارب

هلا حبيبتي ننوشه
ان شالله موعدي عند الدكتوره السبت كان ودي قبل السبت بس مافي مواعيد
ومشكوره على الدعوه لك بالمثل
قصدج علامات حمل الغزلاني ياريت اذا عندك معلومات عنه تكتبينها وجزاج الله كل خير