خايفه ومتوثره ومأنام بخلص التاسع ومافي بوادر ولاده

[تحقق حلمي]

السلام عليكم ورحمه الله وبركاااته
بنات طمنوني الله يسهل عليكم يارب أنا حامل بالأسبوع 39 السبت الجاي بخلص التاسع وأنا بكريه مافي أي بوادر للولاده أحس نفسي طبيعيه ولا كانه بولد وربي اقصد مافي أي الالام خايفه أنا بسال الحين لو جاء يوم السبت ومافي شي من الالام ولا انفتح الرحم والجنين بالحوض ايشش يسووو بنات وربي خايف ترا ماعرف شي أدعو لي الله يسهلها عليكم بنات وبعد الجماع بس الالام الظهر قووويه ايش يعني .

[مهره الدنيا]

الله يسهلك ويقومك بالسلامه ياعسل

انا في ولدي البكر خلصت التاسع

ومافي أعراض ولاده مرررره

ودخلت العاشر وحددوا لي طلق صناعي

في عاشر يوم ورحت موعدي والحمدلله

طلع الرحم مفتوح وولدت بدون طلق

صناعي

والله يسهلك أمورك

[سماء الاحساء]

الله يهون عليك الولاده امشي وامشي وكلي تمر واذا ماصار طلق او مالكي ودخلتي العاشر راجعي الدكتورة وخربوها بها لشي

[ρυяỉтч •]

ياحبيبتي لا تتوترين الطلق والولاده وكل شي يبدا فجإه مو شرط تكون معك اعراض
انا بنتي البكر مافيني الا العافيه ونايمه من بدري بس صحيت الظهر على مغص ولا ادري وش سالفته خخ
غير لما اشتد عرفت انه طلق وبدايه ولاده
يعني ماكنت حاسه ب الالام ظهر ومغص ومدري وش .. نهائيا مافيه ولا شي
وعيالي كلهم تقريبا نفس الشي يعني فجإه احس بدت الولاده معي .. ف انتي ماتدرين ب اي لحظه ممكن تولدين
والرحم ممكن يكون فاتح واحد او اثنين او حتى ثلاث سانتي ولا تحسين فيه شي
فلا تتوتري بتولدين ب اذن الله .. كثري مشي والجماع مفيد لتسهيل الولاده
وراجعي مع دكتورتك تتطمنين ع الجنين والباقي خليه ربك يدبر الامور
اهم شي لا تنقلين هم وتوترين نفسك وتتعبينها ، الولاده من نفسها بتجي لا تخافين ابد

[um_noof]

الاخوات كفو ووفو نفس اللي بقوله
بولادتي تعبت والله تفكير فكك مخي
بعدين لما ولدت تحسفت ع توتر لان طول تاسع ماارتحت ولا استانست بشي
اللي بتاسع لازم تاخذ راحه عشان باذن الله تجي الولاده وطاقتهاا ممتازه
باذن الله بتولدي طبيعي وتبشرينا
تفائلي لانه المكتوب بتشوفينه مافي داعي توتر *

[خلوني على صبري]

ياحبيبتي لاتخافي هذا من فضل ربي ماتحسي بشئ بعضهم من شهورهم الاولى الى التاسع هما في وجع وطلق والالام لاتستعجلي على نفسك البكريه دائما تتاخر والولاده جايه جايه باذن الله اسال الله ان يفرجها لك وتتيسر ولادتك

[ملكتني بهمسك]

مع كلام الاخوات جزاهم الله خير والالام بعد الجماع هذي طبيعيه ولو انها تشد شويه بتسير ولاده واسال الله ان يسهلها ويهونها عليك

[ماسه فضيه]

لاتخافين ابد بلعكس احسن لك نو متتعذبين من اطلق على الفضي بعضهم تقعد كم يوم قبل الولاده بس طلق على الفاضي

[أم عبدالرحمن السلفية]

متى ما ربك اراد بتولدي
انتي اشربي حليب دافئ مع 2 عسل و امشي وراجعي طبيبتك عشأن وضع النونو .واذأ قالت لك عادي خلاص اصبري

[زهرة حسوني]

كذا البكريه تطول أنا بولدي ولدت نفس اليوم المتوقع وماكنت حاسه أني باولد طلعت اتمشى الصباح وجتني الام خفيفه توقعت انه عادي ولمارجعت البيت شدت الآلام ورحت المستشفى الظهر وولدت 9 الليل