ساعدوني مابي افقد جنيني مره ثانيه

[مرة عمار]

السلام عليكم ورحمة الله وبركاته


حبيباتي ياليت تفيدوني لاني مابي اخسر جنيني

اول شي هذا حملي الثاني عمره شهر واسبوع وقبل حملت بس ما اكتمل نموه وقف على 6 اسابيع

من حملي الاول وانا اعاني من الحموضه الين حملت زادت علي الحموضه ورحت المستشفى وانا مادري اني حامل
الي طلع ان عندي جرثومه فالمعده ودمي ملتهب تقول الدكتوره يا انج كليتي لحم مب مستوي عدل او ان عندكم قطط ونقلت لج الالتهاب المهم عطتني ادويه للغازات وفيتامينات والفوليك ولتثبيت الحمل بعد اسبوع رجعت لان مافادني حق الغازات والحموضه فعطتني دواء خذيت منه كذا حبه وجاني فضول اقراء التعليمات وحصلت عن التهاب المعده او الجرثومه بس كان مكتوب انه ماتاخذه الحامل وبعدين كتبوا الا فالضروره القصوى ..

وانا حدي خايفه ومابيه ياثر على الجنين واخسره خاصه ان الدكتوره من البدايه قالت مارح اقدر اعالج الجرثومه الا لما تربي ؟!

ياليت الي صارلها مثلي تقول شسويت او حد من معارفها ؟!
وشنو الاكل الي ممكن يساعد على التخفيف من الحموضه ؟! الي مجربه تقول لي ؟!

ومن امس بدت اعراض اللوعه ما اقدر اوقف كثير والا بدوخ وارجع فارجع للفراش على طول اتم صايمه ليييين وحده الظهر ولا كليت شي واليوم نفس الشي لين ثنين وربع ولا كليت شي ؟!
شسوي عشان الغثيان يخف شوي لانه جد بيموت الي فبطني اذا تغذيت عدل ؟!
حتى اني رجعت الصبح ماده صفراء حامضه اعتقد بسبت الحموضه ؟!


السموحه بنات ادري طولت عليكم
الله يجزا خير كل من ساعدني او دعاء لي

[ريحانة الجنة]

الله يعنيكـِ اختي بالنسبة لجرثومة المعدة مااقدر افيدك
اناااعرف ان البابونج مفيد جدا لها لكن ممنوع(بشدة) استخدامه خلال الحمل

اما الحموضة انصحك بالحليب البارد وبالخيار والجزر واي فواكه باردة
ابتعدي عن الاكل المبهر واللي يحتوي على زيوت او دسم تماما
ابتعدي عن الزعل قدر الامكان
عدلي وضع السرير بحيث يكون مرتفع مقدار 5/10 سم من عند الراس
وتنامي وراسك اعلى من بقية الجسم

هذا ماعندي وعسى يفيدك ِ
الله يعينك ويشفيك

[مرة عمار]

يالبى قلبج جعل ربي يجزاج الجنه ان شاء الله

بتبع تعليمات باذن الله

وانطر باقي العضوات ان شاء الله يفيدوني بعد ..

مشكوره ياقلبي

[عروستة]

حبيبتي الله يعينك مافي شي يهدي الوحم و الغثيان

لابد منه و الله يعينك و يعيني

خليك مستمره في حبوب المثبت الي نهاية الثالث

وشوفي الوحم ترا عجيب ماتدري وش تاكلي عشان يهدئ المعده و راح تعاني والله يعينك

لكن ابتعدي عن الحوامض و البهرات

و كلي خيار بارد و حليب بارد و اي سكريم فانيلا

و موز

و ترا مافي شي يشيل الوحم نهائي لازم تعب وًترجيع وًمعاناة و الله يثبت مافي ارحامنا يارب يا كريم



و انصحك تاكلي زبادي كثير عشان الزبادي تعقم المعده و الامعاء من البكتيريا و ان شالله بتموت الجرثومه بس تابعي موضوع الجرثومه عند اكثر من دكتوره نسائيه حتا تطمني ع البيبي و ماتاثر عليه الادويه

[سلطه]

ياعمرري والله ماعندي علم بس حبيت ادعي لك

الله يثبت حملك يارب وتقر عينك بشوفته سليم معاااافى

[مرة عمار]

المشاركة الأصلية كتبت بواسطة عروستة

حبيبتي الله يعينك مافي شي يهدي الوحم و الغثيان

لابد منه و الله يعينك و يعيني

خليك مستمره في حبوب المثبت الي نهاية الثالث

وشوفي الوحم ترا عجيب ماتدري وش تاكلي عشان يهدئ المعده و راح تعاني والله يعينك

لكن ابتعدي عن الحوامض و البهرات

و كلي خيار بارد و حليب بارد و اي سكريم فانيلا
و موز
و ترا مافي شي يشيل الوحم نهائي لازم تعب وًترجيع وًمعاناة و الله يثبت مافي ارحامنا يارب يا كريم
و انصحك تاكلي زبادي كثير عشان الزبادي تعقم المعده و الامعاء من البكتيريا و ان شالله بتموت الجرثومه بس تابعي موضوع الجرثومه عند اكثر من دكتوره نسائيه حتا تطمني ع البيبي و ماتاثر عليه الادويه

مشكووووره حبيبتي الله يجزاج كل خير

يارب تعيني وتعين كل حامل

[مرة عمار]

المشاركة الأصلية كتبت بواسطة سلطه

ياعمرري والله ماعندي علم بس حبيت ادعي لك

الله يثبت حملك يارب وتقر عينك بشوفته سليم معاااافى

ياحبيبتي انتي مشكوره ياقلبي

ربي يسعدج ويحقق مرادج ان شاء الله

[بنت ابويه]

الوحام احس مافيه. شي يخففه أنا مثلك بداية الحمل

بس عن جرثومة المعده ماعندي اي معلومه.

اله يثبت حملك يارب

[مرة عمار]

المشاركة الأصلية كتبت بواسطة بنت ابويه

الوحام احس مافيه. شي يخففه أنا مثلك بداية الحمل

بس عن جرثومة المعده ماعندي اي معلومه.

اله يثبت حملك يارب

الله يعين

مشكوره حبيبتي

والله يثبت حملي وحملج ان شاء الله

[محبوبته]

والله تذكرت نفسي وقت الدورة ارجع زي الشيء الاصفر لان المعده خالييه وهالماده من عصارة المعده
ربنا يشااافييك ييارب والله بس حبيت ادعيلك ان يخفف عنك الوحاام ويرزقك الطفل السليم المعافئ ..