سويت اشعة الصبغة .... وكتبت تجربتي لكل من يهمه الامر (:

[bnt elnour]

السلام عليكم ورحمة الله وبركاته ..

الله يرزق كل محرومه الذرية الصالحة ويتمم على كل حامل يارب ..

سويت اشعة الصبغة الحمدلله مر اليوم على خير ..

اول شي رحت للدكتورة وقالت لازم اعطيج مضاد قبل وبعد الاشعة

عشان لو كان فيج التهاب صعب تسوين الاشعة عشان ما تنتشر

- يعني من باب الاحتياط -

و يا اليوم الموعود لبسوني لبس العمليات > خفت

ههههه وبعدين حطت الجهاز واول ما تنزل الماااااااااده

الم مثل الدورة مغصصصصص كنت بصيح لاني تذكرت اول يوم دورة

يعني اللي متعود على الم الدورة بيتحمل ........ بس اللي مب

متعود او ما يحس بالم وقت الدورة ف بيحس ان الالم شديييييييييد

....

بس ثوااااني ويرووووح الالم كانج ما سويتي شي بس تحسين

بثقل شوي ما تكملين 7 دقايق ويروح كل شي .... وخلاص رجعت للبيت

وتمنعج من الجماع في نفس اليوم ..... وبعدين عادي

وملاحظة ...... انا سويتها 11 يوم من الدورة

طبعا سالت اذا عادي قالوا لو ما صار جماع عادي

بس لو صار جماع ما يصير تسوين الاشعة .......

عشان جي يفضل بعد الطهر مباشرة ... واي سؤال انا موجودة

[ثقتي بربي تغمرني]

انا ودي اجربها عشان لو في سدد عندي لاسمح الله ينفتح لاني سمعت انها تفتح السدد وابي اتطمن ان انابيبي سليمه

ربي ان شاء الله يرزقك الذريه ااصالحه
ياربي تحملي بعد هالاشعه لان في ناس بيحملو بعد مايسووها الاشعه

[bnt elnour]

اااميييييين يارب ... وان شاء الله بستلم النتيجة بعد يومين ويااااااارب تكون سليمه

والله يرزقني واياكم يارب

[وضيحى]

انا لي تجربه مع اشعة الصبغه وتكللت بفضل الله بالحمل ياليت لو تقرين موضوعي ودعواتي لك بالحمل ياااااارب

[bnt elnour]

حبيبتي مبروووووووك الحمل والله يرزقنا وكل محرومه يارب

[حياتي توأمي]

اختي بنت النور
شكرا عالموضوع وعلى التجربه اللي راح نستفيد منها
أنا ناويه اسويها ثامن يوم للدورة وحاليا آخذ منشطات كمان هل له تأثير ؟؟
مع العلم اني راح امتنع عن الجماع الى بعد الاشعه بأذن الله
واصلا التبويض ماراح يبتدي الا في اليوم 11 او 12 من الدورة فأحس انو عادي اسوي الاشعه وانا ماخذه منشطات انتي شو رأيك ؟؟

[حياتي توأمي]

نسيت اقولك انا اليوم الرابع من الدورة وابتديت اليوم بأبر تنشيط

[bnt elnour]

والله ما بعرف اذا يصير تسوينها وانتي تاخذين منشطات ..... الافضل تستشيرين الدكتورة ....

[(ملاذ الروح)]

المشاركة الأصلية كتبت بواسطة حياتي توأمي

اختي بنت النور
شكرا عالموضوع وعلى التجربه اللي راح نستفيد منها
أنا ناويه اسويها ثامن يوم للدورة وحاليا آخذ منشطات كمان هل له تأثير ؟؟
مع العلم اني راح امتنع عن الجماع الى بعد الاشعه بأذن الله
واصلا التبويض ماراح يبتدي الا في اليوم 11 او 12 من الدورة فأحس انو عادي اسوي الاشعه وانا ماخذه منشطات انتي شو رأيك ؟؟

اول شي ربي يكتب لك الحمل السليم
انا اخذت منشطات وعملت اشعة الصبغه في نفس الشهر والحمدلله بفضله ومنته انا الان حامل

[عاشقة الأمل]

مشكورة أختي ع نقل تجربتك
الله يرزقك بالذرية الصالحة