مرعوبه .....علموووني لاتخلوني

[ربي اكرمني ولاتحرمني]

السلام بنات .....

بنات انا لي 5 اسابيع حامل وسوت لي الدكتوره سونار وقالت مافي كيس حمل وقال نصبر اسبوع عليج اذا مابين يكون حمل خارح الحمل
وانا والله خايفه

ابي اسألكم ...اهم اعراض حمل خارج الرحم ؟

وهل السونار الداخلي يضر اول الاسابيع ؟

بنات تكفوووون علمووووني ....

[الشموع المضيئة]

انتظري اسبوع لاسبوعين وان شا الله يبان

اما اعراض الحمل خارج الرحم يكون اما فيه نزيف او الم في اسفل البطن من جهة المبيضين او الاثنين معا

كثري من الدعاء والاستغفار واللهةيتمم لك حمل سليم يارب

[ربي اكرمني ولاتحرمني]

16 وحده شافت الموضوع ...ولا رد منهم

انزين لو بدعاء

[دلوعة حبيبها]

الي اعرفه من البنات انه مايبين كيس الحمل بدري
شوفي انا حامل بس في كم والله ما ادري ولا رحت كشفت ولا شي بس قلت بحاول احسب على حساب اخر دوره واذا طلعت مكمله شهربن ونص او ثلاثه شهور رحت راجعت وشفت البيبي لاني اخاف يصلحون فيني هل حركات
بعدين اذا حمل خارج الرحم اكيد يصاحبه نزيف والم في المبايض لازم اذا مافيه نزيف ولا تحسي حالك تعبانه مره اذا كملتي شهرين روحي افحصي انا كذا عشان لا يوجعون راسي

[حلليمو]

والله مدري الله يسهل عليك يااارب

انتظري اسبوعين كمان وياااااااارب يتمم لك ع خير

[نوونـآ]

شوفي حبيبتي لاتخافين ولاتعرتعبين ويضيق صدرك انتي باول الحمل. حافظي على هدوئك وصحتك


اعطيك الخبر الاكيد باذن الله


الدكتورات ترى بعضهن ماهمهن الا الفلوس بتسوي لك سونار علشان فلوسها مع ان السونار لازم تكوني مره حسرانه والمثانه ممتليه او مايفيد


ممكن مثانك كانت مو مليانه مره وانتي باول اسابيع الحمل الكيس بيكون صغير ومستحيل يبان بسهوله

وهي الدكتوره لما سوت السونار وولاشافت الكيس ماراح تقول السبب مني سويت لك سونار وانتي مثانتك مو مليانه


بعدين الحمل خارج الرحم له الم فضيع ويبان بدري واصلا لوهي متاكده على طول عمليه

علشان كذا صدقيني كلامها خرطي وغيريها وروحي غيرها وخليك مره حسرانه وسوي سونار ثانيه وتاكدي

[basouma26]

اختي انا مع الاخت نونا في كلامها خليكي من كلام الاطباء و الحمل خارج الرحم شوفي اعراضه
الشعور بألم حاد مستمر في جانب واحد أسفل البطن
- الإغماء، مسبوقاً بحالة إعياء، وإسهال وقيء و/أو ألم.
- النزيف المهبلي. ربما لا تكونين على علم بالحمل وتعتقدين أن النزيف هو الدورة الشهرية، غير أن الدم يكون مختلفاً يميل إلى السيولة مع لون داكن أكثر.
- ألم في أعلى الكتفين، تشعرين به وقد يكون من علامات النزيف الداخلي أو تجمع الدم في منطقة أسفل الحجاب الحاجز.
- ألم عند التبرز أو خروج ريح.
خلي بالك من حالك و ابتعدي عن كثرة التفكير و الله يثبت حملك و يرزقك بالطفل السليم المعافى

[ربي اكرمني ولاتحرمني]

مشكووووورين ....طمنتوني والله كنت مرعوبه ....

[نور1199]

الدكاترة نصابين كيس الحمل مايبين علي خمس أسابيع صايرين يخوفو بس يلعبو في الواحد انا الشهور الأولي مارحلهم أخد فوليك اسد وجو أسبرين واذا خلصت شهرين اروح
مرة رحت للدكتورة وانا حامل في 6 أسابيع تقول الجنين مومبين نسوي لك سونار مهبلي قلت لالالالالا. اصلا الجماع اول 3 شهور ممنوع كيف تسوي لي سونار من تحت

[نوونـآ]

وليش الجماع ممنوع اول الشهور الاولى !!!!



يالهووووي