بعد المعاناة والمستشفيات والفحوصات والأجهاض والألتهابات اكتشفت وش معـي .............!

[صغيرة أحمد]

طبعاً تعرفون عن مشاكلي ومعاناتي والأجهاض وكيف معي التهابات ماتروح من سنة كامله وافرازات خضراء ..

رحت اكثر من مستشفى يبون فلوس بس سوو لي تحاليل عشان يعرفو سبب الأجهاض



الجينات الوراثيه - هرمون الحليب - الغده - الأجسام المضادة - الذئبة الحمراء - داء القطط - التهاب البول

وكلهـا سليمة وتعبونــي .. ورحت اتعالج عن سبب عدم الحمل بعد الأجهاض

سوو لي مرة ثانيه هرمون الحليب والغده وتحليل البول فيه التهاب او لا ..
مضادات وحبوب وقالو معي املاح بالبول

تعبت جربت كل شي .. بالأخيـــــر رحت دكتورة مدحوها لي بعد معاناه المستشفيات

وقالت لي المفروض أول شي يسوون لك أشعــــة الصبغة سواء صار اجهاض او ماصار حمــل قبل لايضيع الوقت ويمضي العمـــر وتخرب البويضات من الكلوميد وأبر التفجير وتصير تكيسات أول شي لازم نســــــــوي أشعة الصبغة للأطمئنان على الرحم لأن أحياناً يكون انسداد بالأنابيب أو الرحم مو بمحله الطبيعي أو تليفات أو الرحم دو قرنين ونبدأ علاج الحمل بعد التأكد..


أعطتني مضاد لمدة اسبوع وغسول داخلي طبي .. وقالت لي تعالي اكشف عليك وأشوف فيه التهابات او لا قبل لانبدأ اشعة الصبغة ..

وكشفت علي اليوم وقـــــــالت عندك قرحة الرحم هي سبب الألتهابات والام الظهر والقرحة حجمها كبير جداً ويمنع الحمل لأنه من تمر عليه الحيوانات المنويه تموت بسبب الألتهاب ..

ويوم الأربعاء موعـــــــدي عشان تسوي لي كــي للقرحة أحد جربهــا من قبل وهل ترجع مرة ثانيه أو لا !