طريقه تخليك تستغفرين الف مره فاليوم وبقلب بدون ماتملين والله مجربتها

[زوجي سبب هدايتي]

السلام عليكم ورحمة الله وبركاته

مثل ماهو باين بالعنوان بنات انا كنت دايم استغفر يمكن ٢٠٠ او ٣٠٠ مره فاليوم ومو كل يوم ايام ايوا وايام لا واحس بدون قلب بس كذا اردد استغفر الله واتوب اليه وانا سرحانه وذهني شااارد وعقلي مو معاي
بس بعد مااتبعت هذي الطريقه والله صرت استغفر دايم واكثر من قبل وبقلب صادق وعقلي وذهني حاضرين معاي
صرت استغفر طول ماانا اشتغل بصوت عالي يعني مو مره بس اسمع نفسي وانا اردد يمكن تقولون اسستحي اردد بصوت عالي واللي يشوفني يقول هذي تكلم نفسها ومدري ايش ،، انا بالبدايه كذا وبعدين عادي صرت اردد وانا ماعندي احد وزوجي برا مثلا وانا اشتغل وانا فاضيه ولما اروح مثلا اقضي شغله سريعه اسوي شاي او اي شي وانا اردد دايم تحمست اكثر من قبل بس ابي استغفر اكثر عدد ممكن واحس نفسيا مرتاااااحه كثير بالرغم انو عندي مشاكل بس مدري ليش الا اني احس ان نفسيتي مستقره واحسن من قبل

حبيت افيدكم عشان تتحمسو زيي وربي يابنات تشوفو الفرج لكل مشكله وكل هم اقلها نفسيتك ترتاح زيي

(ألا بذكر الله تطمئن القلوب)

(فقلت اسْتَغْفِرُوا رَبَّكُمْ إِنَّهُ كَانَ غَفَّاراً ..
يُرْسِلِ السَّمَاءَ عَلَيْكُمْ مِدْرَاراً ..
وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً)

في الحديث الصحيح ..
من لــزم الاستغفار ..
جــعل الله لـه من كل هم فـرجا..
ومن كل ضيق مخرجا..
ورزقه من حيث لا يحتسب !

{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}


بنات تكفوننن

ادعولي بتفريج همي ويبعدني ربي عن كل ملهيات الدنيا ويتوب علي بالتوبه النصوح ويسخر لي زوجي ويهديه لي ومايشوف بالدنيا غيري ويسعدنا مع بعضنا

[جهينة السلفية]

امين حبيبتي الله يسخرلك زوجك ويجعلك قرة عين له

[سوزان الرياض]

انا افتح الاله الحاسبه حقت الجوال واحط 1+1=2بعدين ارجع اضغط علامه = وبيظله يزود بسهوله واستغفر 1000 ب 13 دقيقه الحمدلله
الله يفرج همك اختي

[وردة سورية]

فقلت اسْتَغْفِرُوا رَبَّكُمْ إِنَّهُ كَانَ غَفَّاراً ..
يُرْسِلِ السَّمَاءَ عَلَيْكُمْ مِدْرَاراً ..
وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً)
فوائد الاستغفار لا تعد ولا تحصى

أسال الله العلي العظيم رب العرش العظيم أن يفرج همك
ويحقق لك ما تتمنيه ويسخر لك زوجك ويجعلكم قرة عين لبعض
آمييييييييييين يارب

[امجااد]

استغفر الله العظيم

الف شكر لك

ربنا يفرج همك وهمي