الحمد لله رب العالمين . . طلعت مو حامل

[أمنية وردية]

الحمد لله رب العالمين

فيني كل اعراض الحمل صداع ودوخه والم اسفل البطن والظهر ونقزات بصدري وغثيان و و و و
واليوم نزلت الدورة وباقي على موعدها اربعة ايام ، قلت يمكن حمل ونزل دم سويت تحليل طلع سالب


كنت متأمله اطلع حامل . . ولكن للحين الله ماكتب لي
الحمد لله على كل حال


سته شهور من تزوجت ، ،وكل شهر احلم بالأمومه ومشفوقه على طفل


بنات اكيد حاسين فيني . . شعور صعب اوصفه
صدمه وتحطيم وتحسين احلامج انهارت


بس ثقتي بالله الحمد لله للحين موجوده وكل شهر بنتظر اني احمل لان الله رحيم وسميع




ماعندي غيركم افضفض له . . انتو خواتي وكثير مثلي اكيد




دعواتكم لي ولكل محرومه






احبكم ياخواتي






. .

[حبيبي عمور]

اختي الله يرزقك بالحمل السليم ودايما احمدي ربنا الله يرزقني ويرزقك ويرزق كل محرومة الحمل السليم

[حياتي توأمي]

حبيبتي اصبري ان الله مع الصابرين ولاتقنطي من رحمة الله
بعدك عروس لج ست شهور من تزوجتي. حبيبتي غيرج سنوات وربي مارزقهم. حاولي تستانسين بحياتج وانسي موضوع الحمل شوي وان شاء الله ماتمر هالسنه. إلا وانتي أحلى حامل

بالتوفيق

[غصن ألبان]

حبيبتي انتِ بعدك عروس ماشاء الله وماكملتِ سنة
6 أشهر ياعمري وقلقانة !!!!
اني صارلي متزوجة 6سنوات و8 اشهر ....
والشهر الي فات مريت بنفس اعراضك وتأخرت
دورتي 4 ايام وهي عمرها مامتأخرة وتأملت بالحمل
لاوصدقت بهذا الامل وعشت الحلم والحمدلله ماطول
الحلم ونزلت الدورة عليه ومااقدر اوصفلك الصدمة
لكن الحمدلله على كل حال والامل بالله دائمآ موجود
أسأل الله ان يمن علينا جميعآ بالحمل عاااجل غير آجل
اللهم آمييييييين.. لاتحزنين حبيبتي ربك أرحم الراحمين.

[حامل وبس]

كل شهر يتجدد الامل بالحمل وخلي ثقتك بربك كبيره ولازم تحطين في بالك شي اذا الله مارزقك بالحمل هذا الشهر معناته مو في صالحك كل اللي تحتاجينه الثقه برب العباد والصبر والامل والمثابره اكلي اشياء تزيد الخصوبه انتي وزوجك والله كريم