بنات انا بشهر 7 أخذت 3 إبر تنشيط يوم 9و10و11 من الدورة ويوم 12 أخذت إبر كوليمون تفجير قوه 5000 حللت يوم 6 منها كان سالب حللت بيوم 10 و11و12و13و14و15 بول منزلي كان موجب عملت فحص بيوم 15 دم رقمي كان سالب المهم دورتي منتظمة وفعلا نزلت بموعدها يعني 28 يوم إلي هو 20 /7
المهم أول يومين كويسة بعدين صارت إتقطع الدورة ليوم 5 نظفت منها معنو دورتي 7 أيام المهم رحت يوم 6 من الدورة بستشفى حكومي كان إلي يومين بشكي من وجع بخواصري وبطني لدرجة شكيت إنو البويضات ما نفجرو وصارو كياس بس رحت كان المبايض ممتازين وفيهم بويضات وحتى المبيض اليمين إلي ما عمري شفت فية بويضات معنو سليم هالشهر مطلع بويضات إنشاء الله خير المهم الدكتورة شافت كيس بالرحم وقالتلي كيس حمل طبعا إنصدمت وقالتلي أعمل ثلاثي الأبعاد مشان أتأكد وانا شفتو معها يعني فحص داخلي وورتني الكيس رحت بعد ساعتين لعملت الثلاثي داخلي وقالتلي الرحم فاضي قلتلها طيب والكيس إلي شافتو كيس شو قالت ما دام شافتو ليش تبعثك عندي قهرتني كثير جلفة المهم رجعتلها للدكتور كانت مروحة فشافوني الدكتورة والممرضة الموجودات قلتلهم هيك هيك قالو إعملي روحي جيبي نتيجة الثلاثي رحت جبتها شافتها قالتلي لا بدي أقولك لا ثلاثي ولا عادي إعمل دم رحت إعملت دم عادي طبعا حطو العينة بجهاز فحص البول العادي يعني بخلو العينة تتصفى وبيأخذو المادة الفوق الإلي لونها اصفر وبحطوها بالفحص هذا هو الفحص إلي بدفعونا بلاوي علية وهو هو كلو ع بعضو جهاز بكلف دينار أردني او 5 ريال
المهم قالي فش حمل معني مره نزلت حملي الثاني وكان شوية دم وعملتلي إياه بعد إسبوع وقالتلي فش حمل يعني ماشي هرمون الحمل راح أمر الله قلت حتى لو راح الفروض يكون خط خفيف يعني بواقي حمل ما علينا ما إقتنعو رجعو كتبولي قوة دم وفحص حمل بالبول وانا قالولي دم رقمي
المهم حطيت العينات بشنتتي وروحت من القهر هلا اليوم 8 من الدورة وما نمت من إمبارح ع جع بخواصري وبطني رحت الظهر اليوم وفتت فحصني داخلي الدكتور وبقولي فش إشي بالرحم وإعملي هاي التحاليل طيب تحاليل شو مش راضي يفسر بس دم حمل ولما رحت المختر قالي قوه دم وإلتهابات ودم عادي انا وقتها عصبت ورجعت للدكتور قال طلعت النتيجة قلتلو لا قال طيب يعني إنتي ما بدك تعملي التحاليل قلتلو هلا إنت طلبت دم حمل صح قال أه قلتلو هي النتيجة من قبل إمبارح قال معناها مافي حمل قلتلو وأنا قلتلك إني مش حامل طيب وقوه الدم قال آه قلتلو 12.8 ما بدي أعملو بعرف قوه دمي قلتلو وهذا شو البول قال إلتهابات حطيتهم بشنتتي وماحكيت ولا كلمة وروحت وهو بفحص بالسونار حمل خارج الرحم ومن هالهبل وأنا بقولو شافت الكيس جوى الرحم كيف صار مره وحدة إحتمال خارج الرحم وبعدين أصلا بعرف إلي خارج الرحم صحيح بنزل دم بس كمان نسبة الحمل بتكون اعلى من المعتاد ووببان أسرع ولا أنا غلطانة فشو هلا خواصري بوجعوني والكل بقول إلتهابات طيب انا مجربة الإتهابات بأول زاجي مراا ما أظن هاي إلتهبات ولو إلتهابات بعرف الدورة بتنظف الرحم وشو هو الكيس إلي شافتو بالرحم ربع ساعة وهي تفحص وبعدين بالثلاثي ولا اليوم بين راح يخف عقلي وانا حملت قبل هالمره 3 إجهاضات وما عندي أولاد
07-27-2013, 04:44 PM
إشي بقولو كيس حمل وإشي بوقل الرحم فاضي
إيفان 
رد: إشي بقولو كيس حمل وإشي بوقل الرحم فاضي
جديد منتدى منتدى أعراض الحمل والوحام
العرض العادي
