قصه تاخر حملي

[هاله قصي]

مرحبا اني اتزوجت سنه 2009/4/9 ,وبعد تسع اشهر بديت اراجع للحمل وضهر ت كل النتائجه سليمه انا وزوجي ومرت سنه و2 وتعبت من كثر الكلوميد والادويه والاشعات وملل كل شهر تتاخر وراها تشرف الخاتون تعبت نفسيتي قرررت انسا الموضوع بس اخر تحاليل بينت عندي كيس صغير ماياثر ونسيت الموضوع وكنت احضر لعيد زواجي الثالث صادف 2013/4/9 بعد ماخلص الشهر تمرضت وصار التهاب حلق وبلاعيم ونزلات برد
رحت على اساس اضرب ابر بلاعيم سالتني الصيدلانيه هل انا حامل قلت لا قالت عليج دوره كتلها لا قالت اشوكت موعدها كتلها ما اذكر بس يمكن 2013/4/3 كالتلي لا يا حبوبه موعد دورتج طاف قيل 3 اي ايام سوي تحليل حمل منزلي ورجعت للبيت مقبلت اسوي لاني اعرف بعد يومين تنزل ما كنت ابي اامل نفسي بس زوجي كال لا لازم تعملي تحليل وعملته وضهر خطين واضحين وماصدكت ورحت طاير للمختبر والحمدالله طلع حمل والفرحه ما سعتنا انا وابو الشباب والاهل بعد تعب واخير ا والحمدالله تمت التسع اشهر ولدت قيصري احلى فطووومه يوم 2013/12/16والان بنتي عمرها سنه وشهر ومصار حمل ومن 6 اشهر وانا اتابع التبيوض والتحاليل ورجعت لنفس الهم والخم واخر دوره كانت 2014/1/12وباقي على موعدها 5 ايام وان شالله اطلع حااامل ادعولي اجيب اخ لبنتي اسفه للاطاله بس يبنات لاتياسو من رحمه الله واهم شي تاكد ميه بلميه مافي اعراض قبل الدوره الشهريه لا لوعه نفس ولا اي شي لان كل الوحام تبدي من نهايه الشهر الثاني بس الاعراض الاكيده زياده التبول اكرمكم الله وزياده العاب اكرمكم الله ونصيحه ياحبوباتي لا تعمو اي اختبار منزلي ماله اي صحه فقط تحليل المنزلي من اليدليات او تحليل الدم واسفه على الاطاله وادعولي دعوه بضهر الخيب والله يعيني ويعطي كل محرومه