بعد النزيف هرمون الحمل يزيد فقط 5 ارقام

موزان · 10-29-2013, 11:40 AM

بسم الله الرحمن الرحيم

السلام عليكم و رحمة الله تعالى و بركاته

خواتي اتمنى اللي عندها فكره فالموضوع هذا او مرت بتجربه نفس تجربتي اتفيدني

انا اخر دوره لي كانت بتاريخ 13\9 في تاريخ 11 اكتوبر بدى ينزل علي شوي دم و بعدها بيومين صار غزير جدا و استمر لمده 14 يوم تقريبا

رحت للدكتور خلال هالفتره و قالتلي يمكن الرحم ينظف نفسه

يوم شفت انه النزف طول رحت المستشفى و سويت فحص حمل و كانت النسبه 34 طبعا انصدمت جدا انه في حمل رغم النزيف الشديد قالي الدكتور ما نقدر نحدد اذا حمل او اجهاض الا اذا عدنا النسبه بعد 48 ساعه

و فعلا عدت الفحص و كانت النتيجه انه الهرمون ارتفع من 34 الى 41 فقط !!! قالولي حمل غير سليم

و فالفتره هذي وقف النزيف

و سويت التحليل الثالث بعدها 48 ساعه و كانت النتيجه 45 !!!!!

يعني الفحص الاول 34

الفحص الثاني 41

الفحص الثالث 45

اللي عندها خبره تساعدني لانه الدكاتره قالولي مافي الا ننتظر و نشوف النتيجه لكنها تدل على انه حمل غير سليم
انا ما اقدر اقول غير الحمدلله الذي لا يحمد على مكروه سواه

بس الله يخليكم فيدوني اذا في حد مر فالتجربه هذي او يعرف حد مر فيها يخبرني

علما بأنه مع السونار ما يبين شي

و خلال الفحص الاول و الثاني الدكتور قالي ما يبين غير شوي اوساخ فالرحم

انتظر ردودكم

ربي يرزقكم جميعا بالحمل السليم المعافى

ام الزعيم · 10-29-2013, 07:07 PM

حبيبتي بسرعه روحي غيري المستشفى لان اللي عندك اتوقع والعلم عند الله حمل خارج الرحم سبق ومريت فيهابسألك تحسين بألم والا بس نزيف

ام البنوتة · 10-29-2013, 08:56 PM

الله يسترها معاكي اختي ان شاء الله
بس ما عندي فكرة يارب البنات يفيدوكي لو عندهم علم

موزان · 10-30-2013, 12:16 PM

اقتباس:

المشاركة الأصلية كتبت بواسطة ام الزعيم

حبيبتي بسرعه روحي غيري المستشفى لان اللي عندك اتوقع والعلم عند الله حمل خارج الرحم سبق ومريت فيهابسألك تحسين بألم والا بس نزيف

حبيبتي انا رحت اكثر من 3 مستشفيات و الكل يقولي ما نقدر نشوف شي بالرقم القليل هذا

و انا عندي الم فالظهر و احيانا ناحيه المبايض

موزان · 10-30-2013, 12:17 PM

اقتباس:

المشاركة الأصلية كتبت بواسطة ام البنوتة

الله يسترها معاكي اختي ان شاء الله
بس ما عندي فكرة يارب البنات يفيدوكي لو عندهم علم

اللهم امين

تسلمين اختي الكريمه

أم مروى.. · 10-30-2013, 12:28 PM

هلا موزان
فديتج الله يعينج ويسهل عليج
ما اعرف شو اقولج بس الحمدلله ع كل حال
انتظري كم يوم والله يرزقج ع قد نيتج

ahlam-f · 10-31-2013, 03:09 AM

حبيبتي ان شااء الله يرتفع الرقم ويكون حمل سليم ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
النزيف اثناء الحمل ، مشلات الحمل ، خطورة النزيف اثناء الحمل	نفسي احبك	منتدى حوامل الطبي	0	10-12-2012 05:31 AM
هرمون الحمل لا يزيد للضعف	رياحـــين	إستفسارات حوامل من الشهر السابع إلى الشهر التاسع	17	09-22-2012 11:05 AM
انواع النزيف اثناء الحمل ، النزيف الخطر اثناء الحمل ، النزيف الخطر	نفسي احبك	منتدى حوامل الطبي	0	09-19-2012 08:07 AM
هل اليانسون يزيد هرمون الحليب واستفسار عن افرازات	آستغفرآلله	منتدى علاج العقم و تأخر الحمل	5	12-06-2011 11:11 PM