اللي تبغى توزيعات وماتقدر على اسعار التاجرات... الحل عندي

[الفاتنة]

بسم الله الرحمن الرحيم


اخواتي انا عضوة جديدة فيالمنتدى ودي اول مشاركة لي


اتمنى ترحبو بي

بصراحة انا شفت بعض اعمال التاجرات في التوزيع ولاني اعرف اسعار الاغراض المعروضة حسيت ان السعر مررررررررررررررة مبالغ في وللامانة مو كل التاجرات


والله انا مااعتبر دا قطع رزق بس للناس اللي ماعندهم امكانيات ومايقدور على الاسعار الغالية والله اعلم بالنيات

هو الموضوع لبنات جدة تعرفو ياحبيابي سوق الخاسكية عندهم كل دي التوزيعات وفي اشياء احلى بكتير

عندهم اشياء مرررة عجيبة واسعار جملة طبعا

وحتى مهجة يعني ممكن زيادة في السعر شوية بس لانهم يبيعو قطاعي مو جملة

والله روحي الخاسكية وماراح تندمي

حتى الاستاندات سعرها غير مررررررة اتفاجي الاقيه ب20 ريال في الخاسكية

ووحدة تيبعو 150 بالله مو حرام وضحك على الناس الفرق بسيط جدا بينهم انو اللي في السوق سادة وترى حتى وهي سادة حلوة

واللي هي مسوية زينة بسيييييييييييييطة جدا جدا ماتكلف عشرة ريالات


يعني صح الواحد يتعب ويدور بس يحط سعر معقول وبالنسبة لي انا اعتبر دا غش مع احترامي للجميع والا انتو ايش رايكم

لاني بصراحة انا من النوع اللي يحب الاسواق كتير واعرف كل شي عن الاسعار ومااحب اني استغفل

مرة اخرة اسففففففففففففففففففة لكل التاجرات بس ياريت تهونو شوية على الحريم بالله لاحد يدعي عليا او يشتمني
يعني الرزق يكون حلال وانا لست اعم وانما اخص على بعض التاجرات



اللي عجبها طرحي ياريت تدعيلي ربي يهون علي ولادتي وطلقي لاني بكرية ووفي السابع وبموووووووووووووت خوف من الولادة

وعندي بنوتة ادعو ان تخرج بصحة وسلامة ويقومني ربي بالسلامة

ياريت كل وحدة تدخل الموضوع ماتخرج كدا... والا ليش دخلتي موضوعي هههههههههههههههه

[نبض قلب حمني]

يعطيك العافيه ماقصرتي وكلامك صحيح

والله كل شئ هاليومين غالي ومو عارفين وش نسوي يكفي التجهيزز تعبنا والله
الله يعين بس

[روح دحومي]

يعطيك العافيه ماقصرتي وكلامك صحيح

اناا سوويت طلبية من مهجة و طبعا مهجة يبيع التوزيعه ب2 رياال حتى لو اخذت درزن بالمقاابل

لو اخذته من هنااك بيكون ارخص يعني عند مهجة ب24 ريال 12 توزيعه وبالهنداوية رحت واخذت الدرزن

ب15 رياال يعني فرق 8 رياال و كماان الاستاانداات اشيااء تجنن وربي و رخيصه عكس هنااا التاجرات

مرة راافعين الاسعاار يعني في العربية حقت البيبي اللي تنحط فيها التوزيعاات على 50 و 60 ريال

و الشجر كماان اشكاال و الوووان وربي مررة رخيصة و الاستااانداات كل شكل احلى من الثااني

والله رحت واخذت اللي ابيه و كنسلت الطلبية من مهجة ..

مشكوورة خيتوو على الموضوع ,,

اللي عجبها طرحي ياريت تدعيلي ربي يهون علي ولادتي وطلقي لاني بكرية ووفي السابع وبموووووووووووووت خوف من الولادة

وعندي بنوتة ادعو ان تخرج بصحة وسلامة ويقومني ربي بالسلامة

و ربي يهووون عليك ولادتك و يقوومك و يقوومني ويقووم كل الحووامل بالسلامة

ياااارب و عاادي حبيبتي لا تخاافي من الولادة >عطسة هههه >هين

و ربي يخرج بنتك بالسلامة يااارب

مشكوورة حبيبتي

[الفاتنة]

مشكورين حبايبي على المرور ومنورين الصفحة


عزيزتي ام دحومي صح كلامك وفي الخاسكية ممكن تلاقي الدرزن ب12 ريال بس

والله يسهل علينا جميعا في ولادتنا يارب

[SMA :)]

جدا مبالغ فيه الاسعار !!

وشكراً لك

وربي يقومك بالسلامه وكل الحوامل ونقر اعييننا بشوف مواليدنا بصحه وسلامه .. :)

[rose]

والله يا اخت من جد كلامك صح
وغير كذا اسعار مبالغة وبصراحة في بعض الاشياء زي مفارش سرير وغير شغلها بلددددددي شوي وماهي ع اسعارها
وانت ماقطعتي رزق احد وهذي انت ماجورة عليها واللي يبى السوق مفتوح والتاجرات هنا موجودين

ربي يتمم ولادتك ع خير ويسر وسهولة ويجعلها ولادة ميسرة يارب
وفعلا انا من سكان جدة والخاسكية ماخلللللللللللللى شي

[احلى شعور]

السلام عليكم
والله كلامك صح انا عن نفسي ارخص اسعار عدي وما اخد الى حق الشي وحق تعبي وبس يعني انا اسعاري ارخص منهم بكثييييييييييييييييييير
والله يهونها عليكي ويسهلك ولادتك
ويرزقني الذريه يااااااااااااااااارب

[الامناء]

اختي.. معك حق.. بس ياريت تنتبهي ببعض الاحيان الاشياء اللي بتنشغل بتكون متعوب عليها واحيانا بتكون مقلدة..
فهاد الشي صح مو بكل عمل.. ونحنا لازم نعطي كل حدا حقه..
الله يقومك بالسلامة.. واذا بتحبي انا قلت قبل هيك اذا بتحبي انا بساعدك برأيي وبخبرتي وانتي جيبي غراضك واشتغلي..

[ورده1404]

الله يعطيك العافيه ع الموضوع وكلامك صحيح في ارتفاع بلاسعار عند بعض التاجرات بشكل مبالغ فيه والخاسكيه كل شئ حلو فيها واسعاره بعد حلوه مره

[همي رضا ربي]

الله يهون عليك ويقومك بالسلامه