خلطة للحمل بإذن الله "مجربتها شخصيا"

[فديت أمي]

بسم الله الرحمن الرحيم
السلام عليكم ورحمة الله وبركاته
جبت لكم اليوم هديه بمناسبة أول مشاركة لي في المنتدى وهي خلطه للحمل بإذن الله وأنا جربتها شخصيا ومعاي 3 بنات
والله الشاهد على كلامي
ونفعتنا الحمدلله
استخدموها يابنات ماراح تخسرون شي وان شاءالله ماتندمو
انا اللي أعجبني فيها انه مكوناتها بسيطه وغالبا تكون متوفره في البيت وكله طبيعي
وكل المكونات معروفه ان لها فوائد كبيره سبحان الله
وقبل كل شي الدعااااااء والإستغفار والصدقه وقراءة القرآن وقيام الليل وآداء الصلاة في وقتها
وأذكار الصباح والمساء يوميا..
الخلطه سهله مررره بس ركزو معايا بليز
------------------------------------------
إليكم المكونات:
م حلبه
م كمون
م/ مرّه
م مليانه/ حبة البركه
م/قرفة مكسره أو عودين قرفه
م مليانه/ رشاد

الطريقة:
قومي بغلي كميه من الماء
نضع المكونات في الطاحون ماعدا الرشاد لايطحن
الطحن يكون خشن مو ناعم يعني مجروش
بعدين حطي الخلطه في كوب يكون له غطاء وأضيفي لها الرشاد وصبي عليها الماء
غطي الكوب بإحكام.
----------------------------------------
طبعا تنتظري الدوره اذا نزلت عليك اليوم مثلا انتظري الى الوقت اللي بتنامين فيه سوي الخلطه ونامي
أول ماتقومين الصباح يكون ثاني يوم الدوره.. صفّي الخلطه بتلاحظين كمية الماء صارت قليله يمكن
مقدار بيالة شاي
طبعا تشربين بس خلاصة الماء اللي صفيتيها تبع الخلطه ..الماء فقط..وعلى الريق
ماأكذب عليكم طعمها مر حيييل بس اشربيها بسرعه لاتتطعمينها وبعدين اكلي وراها رطب
أو عسل مع بردقوش
انا كنت اكل بعدها مباشرة ملعقة عسل سدر اصلي مخلوط ببردقوش ناشف
طبعا تعيدي الخلطه نفسها في الليل عشان تأخذيها ثالث يوم الدورة بنفس الخطوات
وتعديديها كمان لرابع يوم من الدوره وخلاص
يعني الخلطه تستخدم 3 ايام فقط ثاني ايام الدوره وثالث ايام الدوره ورابع ايام الدوره
ونوقف للدوره اللي بعدها.
وعساكم ماتشوفون الدوره إلا بعد 9 شهور
-----------------------------------------
خلال الشهور اللي تستخدمي فيها الخلطه حاولي تقللي من الدهون والمقالي والكبسات الدسمه
لاتخلي اكلك دسم دائما قللي الزيت انا كنت اكثر من الأكل المسلوق حتى الرز والبطاطس...والخ
الخبز كنت آكل خبز اسمر لأنه أفيد وفيه ألياف الأجبان والألبان تكون قليلة الدسم
العصيرات بدون سكر ويفضل طازجه
طبعا اهم شي السلطه الخضرا والفواكه كثري منها
والقهوه اتركوها.. عاد بصراحه انا سويت كل اللي سبق وذكرته بإستثناء الإستغناء عن القهوه
بس عدت على خير .. لكن الحمدلله الحين مع الوحام كرهتها وماعاد اطيقها سبحان الله.
-------------------------------------------
سوري طولت عليكم لاتواخذوني ... الله يرزقنا بالذريه الصالحه يارب
ماأبغى منكم إلا الدعاء بالتوفيق
ادعولي ربي يتمم حملي ويرزقني بالولد الصالح

دمتم في حفظ الرحمن

[أم جنى فديتها]

تسلمييييييييييييييييين كثير
جزاك الله كل خير

[أم أبنائي]

يعطيك الله العافيه ويارب يتمم لك حملك على خير

[ندى الايام 1]

جزكي الله كل خير والله يثبت حملك وانا حفطة الموضوع عندي وانا شاء الله بعمل بكل كلمه كتبتيها وجربتيها مشكوره اختي ونسالكي الدعاء

[تعبت اعاني]

تسلمين جزاك الله خير ياعسل

[دمعة حرمان]

شكرا جزيلا لك اختي فديت امي
ان شاء الله هالشهر اذا ما حملت بجربها
الله يثبت حملك وييسر لك امرك

[my love]

مشكوره حبيبتي
وربي يعطيك ألف عاافيه
هالخلطه بعطيهاا مرت ولد عمي وبنت حماتي
وان شاء الله خير يارب

[ام ننو]

يعطيك العااافية اختي ..

بجربهااا اذا ماحملت هالشهر ..

وابشركم ..

وان شاء الله اصير حامل ولا احتاج اني اجربها ..

الف شكر لك ..

[hnen]

تسلمين على الخلطة
بس زوجي ما يسمح لي أستخدم أي خلطات أبدا :(

[demoshka]

يعطيك العافية